قر سىبايلاس جەمقورلىققا قارسى ءىس-قيمىل اگەنتتىگى (بۇدان ءارى - اگەنتتىك) قازاقستان رەسپۋبليكاسىنىڭ 2015 – 2025 جىلدارعا ارنالعان سىبايلاس جەمقورلىققا قارسى ستراتەگياسىن ىسكە اسىرۋ جونىندەگى ءىس-شارالار جوسپارىنىڭ 2020 جىلدىڭ قورىتىندىسى بويىنشا ورىندالۋىنا جۇرگىزىلگەن مونيتورينگ جانە باعالاۋ تۋرالى اقپاراتتى جاريالادى.
2020 جىلى قازاقستان رەسپۋبليكاسىنىڭ 2015 – 2025 جىلدارعا ارنالعان سىبايلاس جەمقورلىققا قارسى ستراتەگياسىن ىسكە اسىرۋ جونىندەگى 2018 – 2020 جىلدارعا ارنالعان ءىس-شارالار جوسپارىنا سايكەس مەملەكەتتىك جانە جەرگىلىكتى اتقارۋشى ورگاندار 27 ءىس-شارانى ىسكە اسىردى. اتالعان جوسپار 2018 جىلى 31 مامىرداعى № 309 ۇكىمەت قاۋلىسىمەن بەكىتىلگەن.
مىسالى, جوسپار بويىنشا كاسىپكەرلىك قىزمەتتى جۇزەگە اسىرۋعا كەدەرگى كەلتىرەتىن قۇقىق بۇزۋشىلىقتار ءۇشىن لاۋازىمدى تۇلعالاردىڭ جاۋاپكەرشىلىگىن كۇشەيتۋ بولىگىندە اگەنتتىك 2020 جىلعى 20 اقپاندا پرەزيدەنت اكىمشىلىگىنە كاسىپكەرلىك قىزمەتتى جۇزەگە اسىرۋعا كەدەرگى كەلتىرەتىن قۇقىق بۇزۋشىلىقتار ءۇشىن لاۋازىمدى تۇلعالاردىڭ جاۋاپكەرشىلىگىن كۇشەيتۋ جونىندە ۇسىنىستار جىبەردى.
لاۋازىمدى تۇلعالاردىڭ جاۋاپكەرشىلىگىن كۇشەيتۋ جانە ازاماتتاردىڭ قۇقىقتارىن قورعاۋ, ونىڭ ىشىندە كاسىپكەرلىك قىزمەتتى قورعاۋ ماقساتىندا اگەنتتىك كىناسىز ادامدى قىلمىستىق جاۋاپكەرشىلىككە تارتقانى, زاڭسىز ۇستاعانى جانە وزگە دە بۇزۋشىلىقتار ءۇشىن جازالاۋ مەرزىمدەرىن ۇلعايتۋ جونىندە بىرقاتار ۇسىنىستار بەرگەنىن اتاپ وتكەن ءجون.
وسىعان ۇقساس ۇستانىمدى قر باس پروكۋراتۋراسى ءبىلدىردى, ونى بارلىق قۇقىق قورعاۋ جانە مەملەكەتتىك ورگاندار, سونداي-اق قر جوعارعى سوتى قولدادى.
جوعارىدا كورسەتىلگەن شارالار ءىس-شارالار جوسپارىنىڭ تەك ءبىر تارماعىن ىسكە اسىرۋ ناتيجەلەرى بويىنشا عانا قابىلداندى. 2020 جىلدىڭ قورىتىندىسى بويىنشا قازاقستان رەسپۋبليكاسىنىڭ 2015 – 2025 جىلدارعا ارنالعان سىبايلاس جەمقورلىققا قارسى ستراتەگياسىن ىسكە اسىرۋ جونىندەگى ءىس-شارالار جوسپارىنىڭ ورىندالۋى تۋرالى تولىق اقپاراتپەن اگەنتتىكتىڭ رەسمي سايتىندا كەلەسى سىلتەمە بويىنشا تانىسۋعا بولادى: https://www.gov.kz/memleket/entities/anticorruption/documents/details/153003?lang=kk