پاۆلوداردا جاعداي كۇردەلەنە ءتۇستى

پاۆلودار قالالىق №4 ەمحاناسىنىڭ باس دارىگەرى ارمان وتاربەكوۆتىڭ اي­تۋىنشا, ەكپە الۋعا كەلگەن ادامنىڭ اعزاسى تولىق تەكسەرىلەدى. بىردە-ءبىر ۆاكتسينا ادام اعزاسىن اۋرۋدان تولىق ساقتاي المايدى. ال سپۋتنيك V پرەپاراتىنىڭ تيىمدىلىگى جوعارى. ۆاكتسينا ءدارى ەمەس. ساۋ ادامنىڭ بويىندا جاڭا ۆيرۋسقا قارسى يممۋنيتەت قالىپتاستىرادى. سول ارقىلى ەكپە العان ادامنىڭ اعزاسى ۆيرۋس­پەن وڭاي كۇرەسەدى. ىندەتتىڭ اسقى­نۋىنا جول بەرمەيدى.

وڭىردە سوڭعى كۇندەرى ىندەت جۇق­تىرۋ بەلگىلەرىمەن اۋرۋحانالارعا جات­قى­زىل­عان ناۋقاستاردىڭ سانى شامامەن ەكى ەسەگە ارتتى. باسقارمانىڭ ما­لى­­مەتىنشە, قازىر اۋرۋحانالاردا 440 ناۋقاس ەمدەلۋدە, ونىڭ 25-ءى جان ساقتاۋ بولىمدەرىندە, 6-ى وكپەنى جا­ساندى تىنىس­­­تاندىرۋ اپپا­راتىنا قوسىلعان. وڭىردە اۋىر­لىعى ورتاشا جانە اۋىر دارەجەدەگى ىندەت جۇقتىرۋشى ناۋقاستاردىڭ سانى ارتقان. تاۋلىگىنە ورتا ەسەپپەن 30 كوروناۆيرۋس ينفەكتسياسى جاعدايى تىركەلىپ وتىر. ناۋقاستار اۋرۋحانالارداعى 1 394 ينفەكتسيالىق توسەكتىك ورىننىڭ تورتتەن ءبىر بولىگىندە ەم قابىلداۋدا. مىسالى, 8 سا­ۋىردە 34 ادام ىندەت جۇقتىرسا, 50 ادام ىندەتتەن جازىلىپ شىققان.

– ەگەر ۆاكتسينا سانى ەكپە سالۋعا جەتكىلىكتى بولسا, وبلىس ورتالىعىنداعى ساۋدا ورتالىقتارىندا جاساۋعا بولادى. قازىر بۇل ماسەلە يندۋستريالىق-يننوۆاتسيالىق دامۋ جانە سانيتاريا­لىق-ەپيدەميولوگيالىق باقىلاۋ باس­قارما­لارىمەن كەلىسىلدى. ەكپە العىسى كەلەتىن تۇرعىندارعا ساۋدا ورتالىقتارى الاڭ بەرۋگە دايىن, – دەيدى وبلىستىق دەنساۋلىق ساقتاۋ باسقارماسىنىڭ باسشىسى ايدار سەيىتقازينوۆ.

دەنساۋلىق ساقتاۋ مينيسترلىگى وڭى­رىمىزگە ۆاكتسينانىڭ 92 950 بولىگىن جى­بەرگەن. جۇقپالى ينفەكتسيانىڭ تارالۋ كورسەتكىشى ارتسا, تاۋلىگىنە 3 350 پتر-تەست جاسايتىن 6 زەرتحانا جۇمىس ىستەيدى. 11 وتتەگى ستانساسى دايىن, 8-ءى كوۆيدتىك ستاتسيونارلاردا ورناتىلعان, 1 484 توسەكتىك ورىن وتتەگىمەن, اۋرۋحانالار 11 كومپيۋتەرلىك توموگرافيا, 82 رەنتگەن اپپاراتتىمەن جابدىقتالدى. مەديتسينالىق مەكەمەلەردىڭ بارلى­عىن­دا جەكە قورعانىس قۇرالدارى مەن ءدارى-دارمەكتەردىڭ 45 كۇندىك قورى بار. 580 مەديتسينالىق قىزمەتكەردەن جا­ساق­­تالعان رەزەرۆ قۇرىلعان.

قازىرگى تاڭدا «گام-كوۆيد-ۆاك» پرە­پاراتىنىڭ ءى كومپونەنتىن وبلىستىڭ 6 018 تۇرعىنى, II كومپونەنتىن 2 856 ادام قابىلدادى.

ال وبلىس اكىمدىگى كاسىپكەرلەردىڭ جۇمىسى شەكتەلمەگەندىكتەن, بيزنەس-قاۋىمداستىقتى سانيتارلىق تالاپتاردى ساقتاۋعا شاقىرۋدا. شاعىن جانە ورتا بيزنەستىڭ جۇمىسىن ۇيلەستىرۋ ءۇشىن COVID-19-عا قارسى ءىس-قيمىل جونىندەگى شتاب قۇرامىنا «اتامەكەن» وڭىرلىك كاسىپكەرلەر پالاتاسىنىڭ وكىلدەرى قوسى­لاتىن بولادى. وڭىردەگى ءىرى جانە شاعىن كاسىپورىنداردا دا ەكپە سالۋ باستالدى.

– ىندەتتىڭ الدىن الۋدىڭ ەڭ ءتيىمدى شاراسى – ەكپە الۋ, – دەيدى ماماندار. – 8 ساۋىردە وڭىرگە 11 مىڭ سپۋتنيك V ۆاك­تسيناسى كەلىپ, ونى اۋرۋحانالار مەن ەمحانالارعا بەرۋ باستالعان. سوڭ­­عى ايلاردا ۆاكتسينا العانداردىڭ قاتا­رىن­داعى تىزىمدە ەگدە جاستاعى تۇر­عىندار دا كو­بەيگەن, ولاردىڭ سانى مىڭنان اسقان.

وبلىس ورتالىعىنداعى №1 قالا­لىق اۋرۋحانانىڭ كۇيىكتەن ەمدەۋ بو­لىم­شەسىنىڭ مەڭگەرۋشىسى مارات قان­جىعاليننىڭ ايتۋىنشا, ول ەكپەنى ەڭ العاشقى بولىپ سالدىرعان. ماراتتان باسقا وبلىستىڭ 171 مەديتسينا قىزمەت­كەرى «گام-كوۆيد-ۆاك» پرەپاراتىن العاشقى بولىپ قابىلداعان.

– ەكى كەزەڭنەن تۇراتىن ەكپە العان سوڭ دا اعزامدا ەشقانداي تەرىس اسەر بولعان جوق. ءوزىڭنىڭ ىندەتتەن قورعانۋىڭ ءۇشىن قاجەت. تەگىن جاسالىپ جاتقان مۇم­كىندىك. سوندىقتان تۇرعىنداردى ەكپە الۋ شاراسىنا قاتىسۋعا كەڭەس بەرەر ەدىم, – دەيدى دارىگەر.

ەمحانا تىركەۋىندە تۇرعان مۇعا­لىمدەر, پروكۋراتۋرا, سوت, پوليتسيا دە­پار­تامەنتىنىڭ ماماندارى دا ەكپە الۋدا. تۇرعىنداردى شاقىرۋ ماقساتىندا ۇگىت-ناسيحات جۇمىستارى جۇرگىزىلۋدە. بۇل شارا تەلەفون, ەمدەۋ مەكەمەسىنىڭ الەۋمەتتىك پاراقشاسى, سايت, Whats App جەلىسى ارقىلى ۇيىمداستىرىلۋدا. ەكپە العىسى كەلەتىن ادامدار ۋچاس­كەلىك دارىگەرلەرىنە حابارلاسىپ, جەكە مالىمەتتەرىن قالدىرا الادى. مامان­دار ونى تىزىمگە قوسىپ, پرەپارات ەمحا­ناعا تۇسكەن بويدا الۋعا شاقىرادى. جال­پى, 7 ساۋىردەگى مالىمەت بويىنشا I كومپونەنتتە 10 632 ادام, II كومپونەنتتە وبلىستىڭ 4 895 تۇرعىنى ۆاكتسينا الدى. تۇرعىندار ىندەتكە قارسى ەكپە الۋ ءۇشىن egov.kz ەلەكتروندى پورتالىندا تىركەۋدەن ءوتىپ, ءوتىنىم بەرۋ ارقىلى جازىلا الادى.

پاۆلودار وبلىسى