قۇنى 2 اەك-گە دەيىن سىيلىق العانى ءۇشىن مەملەكەتتىك قىزمەتشىلەر 1,8 ميلليون تەڭگە ايىپپۇل تولەۋى مۇمكىن, دەپ حابارلايدى Egemen.kz.
قازاقستان رەسپۋبليكاسىنىڭ اكىمشىلىك قۇقىق بۇزۋشىلىقتار تۋرالى كودەكسىنە ەنگىزىلگەن وزگەرتۋلەرگە سايكەس مەملەكەتتىك قىزمەتشىلەر سىيلىق العانى ءۇشىن اكىمشىلىك جاۋاپكەرشىلىككە تارتىلاتىن بولادى. بۇل تۋرالى شقو سىبايلاس جەمقورلىققا قارسى قىزمەتىنىڭ باسشىسى ەرلان جالماعامبەت اتالعان وزگەرتۋلەردى بايانداۋ بارىسىندا ايتتى.
اتاپ ايتقاندا, ءوزى نەمەسە دەلدال ارقىلى زاڭسىز ماتەريالدىق سىياقىنى, سىيلىقتاردى نەمەسە كورسەتىلەتىن قىزمەتتەردى ۇسىنعان ادامداردىڭ پايداسىنا ارەكەتتەرى (ارەكەتسىزدىگى) ءۇشىن جاۋاپكەرشىلىككە تارتىلادى.
«بۇل جاعدايدا جوعارىدا اتالعان لاۋازىمدى تۇلعالارعا 600 ايلىق ەسەپتىك كورسەتكىش نەمەسە 1,8 ملن تەڭگە كولەمىندە ايىپپۇل سالىنۋى مۇمكىن», دەدى ە.جالماعامبەت.