بۇگىن ۇكىمەت وتىرىسىندا قر ەنەرگەتيكا ءمينيسترى نۇرلان نوعاەۆ 2021 جىلعى قاڭتار-ناۋرىز ايلارىنىڭ قورىتىندىسى بويىنشا وتىن-ەنەرگەتيكا كەشەنىنىڭ اعىمداعى جاعدايى تۋرالى باياندادى, دەپ حابارلايدى ەgemen.kz.
«ەسەپتى مۇناي جانە كوندەنسات ءوندىرۋ كولەمى 21,1 ملن تونناعا جەتتى, بيىلعى قاڭتار-ناۋرىز ايلارىنىڭ جوسپارىنا 100 پايىزدى قۇرادى. سونىڭ ىشىندە, مۇناي-گاز سالاسىنداعى ءiرى كومپانيالار بويىنشا كورسەتكىشتەر تومەندەگىدەي: تەڭىز جوباسىندا اتالعان كەزەڭدە 6,7 ملن توننا مۇناي ءوندىرىلدى, بۇل جوسپار 100% ورىندالدى. سولتۇستىك كاسپي جوباسى – قاشاعاندا مۇناي ءوندىرۋ كولەمى – 3,7 ملن توننا بولدى, ياعني قاڭتار-ناۋرىز ايلارىنىڭ جوسپارى 100% ورىندالدى. قاراشىعاناق جوباسىنىڭ كورسەتكىشى 3,1 ملن توننانى قۇراپ وتىر», دەدى مينيستر.
ونىڭ ايتۋىنشا, ەسەپتى كەزەڭ ىشىندە 16,6 ملن توننا مۇناي ەكسپورتتالدى, اعىمداعى جىلعى قاڭتار-ناۋرىز ايلارىنىڭ جوسپارى 100% ورىندالعان. «2021 جىلعى 1 ساۋىردەگى وپەك + وتىرىسىنىڭ قورىتىندىسى بويىنشا مۇناي ءوندىرۋ كولەمى كەزەڭ-كەزەڭمەن, سايكەسىنشە مامىر, ماۋسىم جانە شىلدە ايلارىندا تاۋلىگىنە 6 مىڭ باررەلگە ۇلعايتىلماق», دەدى ن. نوعاەۆ.