يتاليا ستيلىندەگى كەش

«پۋچچيني-گالا» باعدارلا­ما­سىنىڭ كوركىن تەاتردا ال­عاش رەت ورىندالاتىن تۋىن­دىلار قىزدىرا تۇسپەك. وسى­لايشا, تىڭدارماندار ۇلى يتاليالىق كومپوزيتور دج.ءپۋچ­چينيدىڭ شىعارمالارى – «ۆيل­ليسالار» وپەراسىنان «مىستاندار ءبيى» مەن L’abbandono, «قارلىعاش» وپەراسىنان «دورەتتانىڭ كەرەمەت ارمانى» دۋەتى مەن برينديزي كورىنىسى (كۆارتەت), «انجەليكا اپكە» وپەرا­سىن­داعى اريامەن تانىسا الادى. بۇدان بولەك, ارتىستەر دج.ءپۋچچينيدىڭ بار­شاعا تا­نىمال ءارى سۇيىكتى شى­عار­مالارى – «مانون لەسكو» وپە­راسىنان لەسكونىڭ Donna non vidi mai ارياسى, «مادام باتتەرفلياي» وپەراسىنان اريا, «دجانني سكيككي» وپەراسىنان سكيككيدىڭ ارياسى جانە ت.ب. ۇسىنادى.

مۋزىكالىق كەشكە «استانا وپەرا» حورى قاتىسادى, تەاتر­دىڭ باس حورمەيستەرى – قا­زاق­ستان­نىڭ ەڭبەك سىڭىرگەن قاي­راتكەرى ەرجان ءداۋىتوۆ.

دج.پۋچچيني مۋزىكاسىنىڭ كورنەكتى بىلگىرى – تانىمال يتاليالىق ديريجەر, كون­تسەرتتىڭ باستاماشىسى دجۋ­زەپپە اكۋاۆيۆا جۇرتشىلىققا ار­ناپ كوپتەگەن توسىنسىي دايار­­لادى.

– «استانا وپەرا» ارتىس­تەرىمەن كوپتەن بەرى جۇمىس ىس­تەيمىن, ولارمەن بىرلەسە مۋ­زىكالىق قىزمەتتى جۇزەگە اسىرۋ ماعان زور قۋانىش سىي­لايدى. پۋچچيني – اۆتور, ونىڭ شى­عارماشىلىعىن ۇزاق ءارى مۇقيات زەردەلەدىم. ول – شى­عار­مالارى دۇنيە جۇزىندە انا­عۇرلىم كوپ ۇسىنىلعان كوم­پوزيتورلاردىڭ ءبىرى. ونىڭ تۋىن­دىلارىن كەز كەلگەن ساحنادا ورىنداۋ مەن ءۇشىن وڭاي. سەبەبى ولار ءبارىنىڭ كو­ڭىلىنەن شىعادى. پۋچچيني ادامدارعا اسەرلى وقيعا جە­لىلەرىن ۇسىن­دى. بىراق بۇدان بولەك ونىڭ وپەراسى – ارتىس­تەرگە ارنالعان ۇلكەن دراماتۋرگيا مەن تەاتر ساباعى.

پۋچ­چيني – ءوز زامانىنىڭ كەمەڭ­گەرى, عاسىرعا جۋىق ۋا­قىت وتسە دە, سولاي بولىپ قالا بەر­مەك, – دەدى ماەسترو دجۋ­زەپ­پە اكۋا­ۆيۆا.

دجاكومو ءپۋچچينيدىڭ بار­لىق شىعارماشىلىعى وپەرا ونەرىنىڭ جوعارعى جەتىستىگى بولىپ سانالادى. ونىڭ وپەرالارى اۋەن بايلىعىمەن, وركەسترلىك بوياۋلار مەن اكۋس­تيكالىق اسەرلەردىڭ ويىنىمەن تاڭعالدىرادى. بۇعان «پۋچ­­چيني-گالا» كونتسەرتىنە كەل­­گەن تىڭدارماندار كوز جەت­كىزە الادى.