2020 جىلى قازاقستاندا 128,8 مىڭ نەكە قيىلدى, بۇل 2019 جىلمەن سالىستىرعاندا 7,6% از. مالىمەتتەر بويىنشا اجىراسۋلار سانى 2020 جىلى 22,5 مىڭدى قۇرادى. ال 2019 جىلى قازاقستاندا 59,8 مىڭ اجىراسۋ تىركەلگەن, دەپ حابارلادى ranking.kz.
2020 جىلدىڭ قاڭتار-جەلتوقسان ارالىعىندا نەكەگە تۇرۋشىلار سانى الماتىدا كوپ تىركەلدى – 15,8 مىڭ. ودان كەيىنگى ورىنداردا تۇركىستان وبلىسى (13,5 مىڭ) جانە الماتى وبلىسى (13 مىڭ) تۇر.
اجىراسۋ بويىنشا دا (سوت شەشىمدەرىن ەسەپتەمەگەندە) الماتى قالاسى كوش باستاپ تۇر (3 مىڭ), ودان كەيىن الماتى وبلىسى (2,5 مىڭ) جانە قاراعاندى وبلىسى (2,2 مىڭ) وبلىسى ورنالاسقان. ءبىر جىل ىشىندە نەكەگە تۇرۋ سانىنىڭ ايتارلىقتاي تومەندەۋى شىمكەنتتە (17% ازايعان), سونداي-اق سولتۇستىك قازاقستاندا (14,9%) جانە قوستاناي وبلىسىندا (14%) بايقالدى.
نەكەگە تۇرۋ سانى تەك قىزىلوردا وبلىسىندا وسكەن, ونىڭ وزىندە 1%-كە عانا. «قازاقستاندىق وتباسىلار - 2020» ۇلتتىق بايانداماسىنا سايكەس, قازاقستاندىقتار اراسىندا جۇرگىزىلگەن ساۋالناما بارىسىندا رەسپوندەنتتەردىڭ كوپشىلىگى (رەسپوندەنتتەردىڭ 43,2%-ءى) اجىراسۋدىڭ ماڭىزدى سەبەبى وتباسىلىق زورلىق-زومبىلىق ەكەنىن ايتقان.