تانزانيا پرەزيدەنتى دجون ماگۋفۋلي ءومىرىنىڭ 61-ءشى جىلىندا قازا تاپتى, دەپ حابارلايدى Egemen.kz BBC.com سايتىنا سىلتەمە جاساپ.
ونىڭ سارسەنبى كۇنى دار-ەس-سالامە ەمحاناسىندا جۇرەك اسقىنۋلارىنان كوز جۇمعانىن مەملەكەتتىك تەلەارنادان ساميا سۋلۋحۋ حاسان حابارلادى.
سونىمەن قاتار, وپپوزيتسيالىق ساياساتكەرلەر وتكەن اپتادا پرەزيدەنتتىڭ Covid-19 ينفەكتسياسىن جۇقتىرعانىن ايتتى, الايدا بۇل اقپارات راستالمادى.
ايتا كەتەيىك, ماگۋفۋلي افريكاداعى ەڭ تانىمال كوروناۆيرۋس سكەپتيكتەرىنىڭ ءبىرى بولدى جانە ۆيرۋسپەن كۇرەسۋ ءۇشىن دۇعا جانە ءشوپ-بۋ تەراپياسىن ۇسىندى.
«بۇگىن وكىنىشكە قاراي ءبىز باتىل كوشباسشىمىزدان, تانزانيا رەسپۋبليكاسىنىڭ پرەزيدەنتى دجون پومبە ماگۋفۋليدەن ايىرىلدىق», دەدى ۆيتسە-پرەزيدەنت حاسان مالىمدەمەسىندە.
ونىڭ ايتۋىنشا, ەلدە 14 كۇندىك ۇلتتىق ازا تۇتۋ جاريالاندى جانە جالاۋلار جارتىلاي تۇسىرىلەتىن بولادى.