قازاقستاندىق ەكسپورتتاۋشىلار كونتەينەرلىك تاسىمالدارعا قىزىعۋشىلىق تانىتۋدا. تاسىمالداۋدىڭ بۇل نۇسقاسى جۇكتەردى قحر-مەن شەكارالىق وتكەلدەر ارقىلى وتكىزۋدى تەزدەتۋگە مۇمكىندىك بەرەدى.
قازىرگى كەزدە كورشى ەل جابىق ۆاگوندار مەن جارتىلاي ۆاگوندارداعى جۇكتەردى باياۋ قابىلدايدى. بۇل رەتتە كونتەينەرلەردەگى جۇكتەردى ادەتتەگى رەجىمدە قابىلداپ جاتىر. كونتەينەرلەردى پايدالانۋ جۇكتى جىلجىمالى قۇرامدى تار تاباندى تەمىر جولعا اۋىستىرىپ تيەۋدى قاجەت ەتپەيدى.
– قىتايمەن شەكارادا قالىپتاسقان جابىق ۆاگوندار مەن استىق تاسىعىشتاردىڭ كەپتەلىسىنە بايلانىستى استىقتى (ارپا, زىعىر تۇقىمى) كونتەينەرلەرگە تيەۋگە كوشتىك, – دەيدى جۇكتى قازاقستاننىڭ سولتۇستىك وڭىرلەرىنەن قىتايعا جەتكىزەتىن جۇك جونەلتۋشى نۇرلان وماروۆ. كومپانيانىڭ العاشقى كونتەينەرلەرى تاسىمالداۋعا دايىن.
جۇك جونەلتۋشىلەردىڭ كوپشىلىگىندە كونتەينەرلەرگە تيەۋدى جۇزەگە اسىرۋ ءۇشىن قاجەتتى جابدىقتار بار. كونتەينەرلىك تاسىمالداۋدى دامىتۋ ماقساتىندا «قتج-جۇك تاسىمالى» جشس 2021 جىلعى 31 جەلتوقسانعا دەيىن جۇك تاسىمالدارىن جۇزەگە اسىراتىن بارلىق ستانسالاردىڭ كىرمە جولدارىندا كونتەينەرلەردى تيەۋگە جانە تۇسىرۋگە رۇقسات بەردى.