بيىل الماتىدا وتكەن الەم چەمپيوناتى قازاقستاننىڭ عانا ەمەس, تورتكۇل دۇنيە بوكسىنىڭ تاريحىندا ۇلكەن وقيعا بولعانى انىق. بۇل ءدۇبىرلى باسەكە قازاقستاندىق بوكسشىلاردىڭ تالايلاردان باعى باسىم ەكەنىن, ءتىپتى, توردەن ويىپ تۇرىپ الاتىن ورنى بار ەكەنىن ايقىن دالەلدەدى. قازاق ەلىندە ەرتە زاماننان-اق جەكپە-جەك ونەرى وتە جاقسى دامىعان. كۇرەس دەسە بىلەگىن سىبانىپ الىسا كەتەتىن قازەكەم, جۇدىرىقتاسۋ ونەرىنەن دە الدىنا جان سالمايدى. الماتىدا وتكەن الەم چەمپيوناتىندا قازاقستان قۇراماسى 4 التىن, 2 كۇمىس, 2 قولا ولجالاپ, تۇڭعىش رەت ءبىرىنشى ورىنعا شىقتى. بۇل بايراقتى باسەكەگە الەمنىڭ 111 ەلىنەن 457 بوكسشى قاتىستى. بوكس – قازاقتىڭ ۇلتتىق سپورتىنا اينالعانىنا كوپ جىلدار بولسا دا, ءبىر الەم بىرىنشىلىگىندە وسىنشاما باس جۇلدە الىنباعان ەدى.
بيىل الماتىدا وتكەن الەم چەمپيوناتى قازاقستاننىڭ عانا ەمەس, تورتكۇل دۇنيە بوكسىنىڭ تاريحىندا ۇلكەن وقيعا بولعانى انىق. بۇل ءدۇبىرلى باسەكە قازاقستاندىق بوكسشىلاردىڭ تالايلاردان باعى باسىم ەكەنىن, ءتىپتى, توردەن ويىپ تۇرىپ الاتىن ورنى بار ەكەنىن ايقىن دالەلدەدى. قازاق ەلىندە ەرتە زاماننان-اق جەكپە-جەك ونەرى وتە جاقسى دامىعان. كۇرەس دەسە بىلەگىن سىبانىپ الىسا كەتەتىن قازەكەم, جۇدىرىقتاسۋ ونەرىنەن دە الدىنا جان سالمايدى. الماتىدا وتكەن الەم چەمپيوناتىندا قازاقستان قۇراماسى 4 التىن, 2 كۇمىس, 2 قولا ولجالاپ, تۇڭعىش رەت ءبىرىنشى ورىنعا شىقتى. بۇل بايراقتى باسەكەگە الەمنىڭ 111 ەلىنەن 457 بوكسشى قاتىستى. بوكس – قازاقتىڭ ۇلتتىق سپورتىنا اينالعانىنا كوپ جىلدار بولسا دا, ءبىر الەم بىرىنشىلىگىندە وسىنشاما باس جۇلدە الىنباعان ەدى.
كۋبا قابىلاندارى كەزىندە 6-7 التىن جۇلدە الىپ, دۇنيە ءجۇزىن ءبىر دۇرلىكتىرسە, قازاق ەلى دە بوكس تاريحىنا ءوز اتىن ويىپ تۇرىپ جازدى. ەگەمەندى ەل بولعان جىلدارى ولار بارلىق وليمپيا ويىندارىندا قۇرمەت تۇعىرىنىڭ جوعارعى باسپالداعىنا شىعىپ, ءۇش رەت اۋەسقوي بوكستان بەدەلدى ولجا – ۆەل باركەر كۋبوگىنا يە بولدى. مىنە, وسىلايشا قازاقستاندىق بوكس مەكتەبى الەمدەگى مىقتىلاردىڭ ءبىرى ەكەنىن دالەلدەدى. ەڭ باستىسى, قازاق بوكسىنىڭ دامۋى دۇرىس جولدا ەكەنىن كورسەتتى. ءسوز جوق, ەلىمىزدىڭ تورىندە ءوتكەن بۇل الەم چەمپيوناتى تاۋەلسىز قازاقستاننىڭ الەمدىك سپورت الاڭىندا قول جەتكىزگەن جەتىستىكتەرىنىڭ ءبىرى.
تاعى ءبىر ايتارىمىز – وسىناۋ جەتىستىك, قۋانىشتىڭ ءبارى قازاقستان بوكسىنىڭ جۇيەلى دامۋىنا 80 جىل تولۋىمەن تۇسپا-تۇس كەلدى. ەل بوكسىنىڭ تاريحىنا كوز جۇگىرتەر بولساق, ءبىزدىڭ ەلىمىزدە ەڭ العاش رەت 1933 جىلى سپورتتىڭ وسى تۇرىنەن العاشقى سەكتسيالار اشىلا باستاعان ەدى. مىنە, وسىلايشا ءبىزدىڭ ەلىمىزدە بوكس – سپورتتىڭ ەرەكشە تانىلعان ءتۇرى. جانە ءبىز الەمدىك ارەنادا سپورتتىڭ وسى ءتۇرىن دامىتۋعا مۇددەلىمىز.
ءبىرجان جاقىپ, مەرەي اقشالوۆ, دانيار ەلەۋسىنوۆ, ءجانىبەك ءالىمحان ۇلى, ادىلبەك نيازىمبەتوۆ, يۆان دىچكو, قايرات ەراليەۆ پەن بەرىك ءابدىراحمانوۆتىڭ الماتى تورىندە ءوتكەن الەم چەمپيوناتىنداعى جەڭىستەرى ەلگە ۇلكەن كۇش, رۋح بەردى. وسى جەڭىستەن كەيىن بايراقتى اعالارىنا ەلىكتەپ كوپتەگەن جاسوسپىرىمدەرىمىز بوكس سەكتسيالارىنىڭ ەسىگىن ايقارا اشقانى اقيقات. ارينە, قازاقستان بوكسى وسىنداي ابىرويعا ءبىر جىلدا نەمەسە از ۋاقىتتىڭ ءىشىندە يە بولعان جوق. جوعارىدا ايتقانىمىزداي بۇل 80 جىلدان بەرى ءتوگىلگەن تەردىڭ جەمىسى. بۇل ەلباسىمىز ن.نازارباەۆتىڭ سپورتقا دەگەن سۇيىسپەنشىلىگى, وسى سالاعا ۇلكەن قولداۋ كورسەتۋىنىڭ ارقاسىندا قول جەتكىزگەن تابىس. جاتتىقتىرۋشىلار مىقتى بوكسشى تاربيەلەۋ ءۇشىن بارىن سالدى. ايتسە دە, سپورتتىڭ وسى ءتۇرىنىڭ وركەندەۋىنە قر بوكس فەدەراتسياسىنىڭ پرەزيدەنتى تيمۋر ق ۇلىباەۆتىڭ قوسقان ۇلەسى وتە زور. تيمۋر اسقار ۇلى فەدەراتسياعا پرەزيدەنت بولىپ كەلگەلى جاتتىقتىرۋشىلاردىڭ الاڭسىز جۇمىس ىستەۋىنە بارلىق جاعداي جاسالدى. ءوز كەزەگىندە جاتتىقتىرۋشىلار دا ۇلكەن جاۋاپكەرشىلىكتى سەزىنىپ, نامىستى قولدان بەرمەدى. بىرلىكتىڭ ارقاسىندا جۇيەلى دە عىلىمي تۇردە جۇرگىزىلگەن جۇمىس وڭ ناتيجەسىن بەردى. اللا قولداپ, قازاق ەلى بوكسشىلارىنىڭ بايراقتى ءباسەكەلەردەن جۇلدەسىز ورالعان كەزى بولعان ەمەس. كەشەگى جەڭىس الداعى, ياعني 2016 جىلى وتەتىن وليمپيا ويىندارىنداعى تۇعىردىڭ ەڭ بيىك ساتىسىنا جاسالعان العاشقى نىق قادام دەپ ايتۋعا ابدەن بولادى.
مىرزاعالي ايتجانوۆ,
بوكستان قازاقستان ۇلتتىق قۇراما كومانداسىنىڭ باس باپكەرى,
قازاقستان رەسپۋبليكاسىنا ەڭبەك
سىڭىرگەن جاتتىقتىرۋشىسى.
شىمكەنت.