2013 جىلعى 25 جەلتوقسان, استانا, ۇكىمەت ءۇيى
«اۆتوكولىك قۇرالدارىنىڭ قاۋىپسىزدىگىنە قويىلاتىن تالاپتار» تەحنيكالىق رەگلامەنتىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 9 شىلدەدەگى № 675 قاۋلىسىنا وزگەرىس پەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى: 1. «اۆتوكولىك قۇرالدارىنىڭ قاۋىپسىزدىگىنە قويىلاتىن تالاپتار» تەحنيكالىق رەگلامەنتىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلى 9 شىلدەدەگى № 675 قاۋلىسىنا (قازاقستان رەسپۋبليكاسىنىڭ ءپۇاج-ى, 2008ج., 32, 334-قۇجات) مىناداي وزگەرىس پەن تولىقتىرۋلار ەنگىزىلسىن. كورسەتىلگەن قاۋلىمەن بەكىتىلگەن «اۆتوكولىك قۇرالدارىنىڭ قاۋىپسىزدىگىنە قويىلاتىن تالاپتار» تەحنيكالىق رەگلامەنتىندە: 1-تارماقتىڭ ەكىنشى بولىگى مىناداي مازمۇنداعى ابزاتسپەن تولىقتىرىلسىن:«مەملەكەتتىك قورعانىس تاپسىرىسى شەڭبەرىندە ساتىپ الىناتىن اۆتوكولىك قۇرالدارى;»;2-تارماق مىناداي ابزاتستارمەن تولىقتىرىلسىن: «كۇندىزگى ءجۇرىس شامى – العا باعىتتالعان جانە كۇندىزگى ۋاقىتتا قوزعالۋ كەزىندە كولىك قۇرالىنىڭ كورىنۋىن ارتتىرۋ ءۇشىن پايدالانىلاتىن شام;يمموبيلايزەر (يمموبيليزاتور) – كولىك قۇرالىن ونىڭ مەنشىكتى قوزعالتقىشىنىڭ تارتقىشى ەسەبىنەن پايدالانۋدىڭ الدىن الۋعا (سانكتسيالانباعان پايدالانۋدىڭ الدىن الۋعا) ارنالعان قۇرىلعى;ISOFIX بەكىتۋ جۇيەسى – ەكى قاتتى كورپۋستىق بەكىتپىشپەن, بالالارعا ارنالعان ۇستاۋشى جۇيەدەگى ەكى ءتيىستى قاتتى بەكىتكىش ەلەمەنتپەن جانە بالالارعا ارنالعان ۇستاۋشى جۇيەنىڭ بۇرىشتىق جىلجۋ ەركىندىگىن شەكتەيتىن ايلابۇيىممەن جابدىقتالعان, بالالارعا ارنالعان ۇستاۋشى جۇيەلەردى كولىك قۇرالدارىمەن جالعاستىرۋ جۇيەسى;جاڭا اۆتوكولىك قۇرالدارى – 3 جىلدان اسپاعان جانە بۇرىن قازاقستان رەسپۋبليكاسىنىڭ نە باسقا مەملەكەتتەردىڭ اۋماعىندا پايدالانۋدا بولماعان اۆتوكولىك قۇرالدارى; قاۋىپسىزدىك جاستىعى – مەحانيكالىق كولىك قۇرالدارىندا قاۋىپسىزدىك بەلبەۋىنە جانە ۇستاپ قالۋشى جۇيەلەرگە قوسىمشا ورناتىلاتىن قۇرىلعى, ول كولىك قۇرالىنا اسەر ەتەتىن قاتتى سوققى جاعدايىندا ناتيجەسىندە قانداي دا ءبىر دەنە بولىگى نەمەسە بولىكتەرى سالوننىڭ ەلەمەنتتەرىمەن جاناسقاندا كولىك قۇرالىنىڭ جۇرگىزۋشىسى نەمەسە جولاۋشى ۇشىرايتىن سوققى كۇشىن گاز سىعىندىسى ارقىلى شەكتەۋگە ارنالعان ءتيىستى سوزىلمالى قۇرامداۋىشتى اۆتوماتتى تۇردە اشادى; پايدالانۋ – كولىك قۇرالىنىڭ تىرشىلىك تسيكلىنىڭ ساتىسى, وندا ونىڭ مەملەكەتتىك تىركەلگەن ساتىنەن باستاپ كادەگە جاراتۋعا دەيىن ماقساتى بويىنشا پايدالانىلۋى جۇزەگە اسىرىلادى;»; 11-تارماق مىناداي رەداكتسيادا جاريالانسىن:«11. قازاقستان رەسپۋبليكاسىنىڭ اۋماعىندا اينالىمعا شىعارىلاتىن اۆتوكولىك قۇرالدارىندا پايدالانىلعان گازدى بەيتاراپتاندىرۋ جۇيەسى بولۋى ءتيىس جانە ولار سايكەستىكتى راستاۋعا جاتادى. قازاقستان رەسپۋبليكاسىنىڭ اۋماعىندا اينالىمعا شىعارىلاتىن ءمى ساناتىنداعى جاڭا اۆتوكولىك قۇرالدارىندا تەجەگىشتى بۇعاتتاۋعا قارسى جۇيە, ءفرونتالدى قاۋىپسىزدىك جاستىعى, ISOFIX بەكىتۋ جۇيەلەرى, كۇندىزگى ءجۇرىس شامدارى جانە يمموبيلايزەر (يمموبوليزاتور) بولعان كەزدە سايكەستىكتى راستاۋعا جول بەرىلەدى. اۆتوكولىك قۇرالدارىنىڭ سايكەستىگىن راستاۋدى سايكەستىكتى راستاۋ جونىندەگى ورگان سايكەستىك سەرتيفيكاتتارىن بەرۋ ارقىلى جۇزەگە اسىرادى. كەدەن وداعىنا قاتىسۋشى ەلدەردە شىعارىلعان اۆتوكولىك قۇرالدارى ءۇشىن وسى تارماقتىڭ ەكىنشى بولىگىنە كوزدەلگەن تالاپ 2015 جىلعى 1 قاڭتاردان باستاپ قولدانىسقا ەنگىزىلەدى.». 2. وسى تارماقتىڭ العاشقى رەسمي جاريالانعان كۇنىنەن كەيىن كۇنتىزبەلىك ون ءۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى س.احمەتوۆ.