2013 جىلعى 5 جەلتوقسان, استانا, ۇكىمەت ءۇيى
تەمىرجول ۆوكزالدارى قىزمەتىنىڭ كەيبىر ماسەلەلەرى تۋرالى
«تەمىرجول كولىگى تۋرالى» 2001 جىلعى 8 جەلتوقسانداعى قازاقستان رەسپۋبليكاسى زاڭىنىڭ 14-بابى 1-تارماعىنىڭ 22-2) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:1. قوسا بەرىلىپ وتىرعان تەمىرجول ۆوكزالدارىنىڭ كلاسىن ايقىنداۋ ادىستەمەسى بەكىتىلسىن.2. «تەمىر جول ۆوكزالدارى قىزمەتىن ۇيىمداستىرۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 2 شىلدەدەگى №759 قاۋلىسىنا (قازاقستان رەسپۋبليكاسىنىڭ ءپۇاج-ى, 2011 ج., №45, 605-قۇجات) مىناداي وزگەرىستەر مەن تولىقتىرۋ ەنگىزىلسىن:كورسەتىلگەن قاۋلىمەن بەكىتىلگەن تەمىر جول ۆوكزالدارى قىزمەتىن ۇيىمداستىرۋ قاعيداسىندا:2-تارماقتىڭ 3) تارماقشاسى مىناداي رەداكتسيادا جازىلسىن:«3) تەمىر جول ۆوكزالىنىڭ كلاسى – ورىندالاتىن جۇمىستاردىڭ (كورسەتىلەتىن قىزمەتتەردىڭ) كولەمىنە جانە تەحنيكالىق جابدىقتالۋىنا بايلانىستى ايقىندالعان تەمىرجول ۆوكزالىنىڭ مارتەبەسى;»;4 جانە 6-تارماقتار جاڭا رەداكتسيادا جازىلسىن:«4. تەمىرجول ۆوكزالدارى ورىندالاتىن جۇمىستاردىڭ (كورسەتىلەتىن قىزمەتتەردىڭ) كولەمىنە, جولاۋشىلار اعىنى مەن تەحنيكالىق جابدىقتالۋىنا بايلانىستى كلاستارعا بولىنەدى. تەمىرجول ۆوكزالدارىنىڭ تىزبەسىن ولاردىڭ كلاستارىنا سايكەس تەمىرجول ۆوكزالدارىنىڭ كلاسىن ايقىنداۋ ادىستەمەسىنە سايكەس ۋاكىلەتتى ورگان بەكىتەدى.»;«6. تەمىرجول ۆوكزالىنىڭ بيلەت كاسسالارى, كۇتۋگە ارنالعان ءۇي-جايلارى, سانيتارلىق – تۇرمىستىق ءۇي-جايلارى, سونىڭ ىشىندە مۇگەدەكتەر مەن تۇرعىنداردىڭ ۇتقىرلىعى جوق توپتارىنا ارنايى الەۋمەتتىك جابدىقتالعان ءۇي-جايلارى, انا مەن بالا بولمەسى, اقپاراتتىق قىزمەت كورسەتۋ وبەكتىلەرى (سونىڭ ىشىندە جولاۋشىلاردى بىرىڭعاي انىقتامالىق-اقپاراتتىق ورتالىقپەن بايلانىستىراتىن وبەكتىلەر), مەديتسينالىق پۋنكت, قوعامدىق ءتارتىپتى كۇزەتۋ پۋنكتى بولۋعا ءتيىس»;7-تارماق الىنىپ تاستالسىن;8-تارماق جاڭا رەداكتسيادا جازىلسىن:«8. كلاستان تىس جانە 1-ءشى كلاستاعى تەمىرجول ۆوكزالدارىندا قوسىمشا قول جۇگىن ساقتاۋ كامەراسى, ترانزيتتىك جولاۋشىلاردىڭ ۇزاق دەمالاتىن بولمەلەرى, تاماقتانۋ ورىندارى, شاشتاراز, دۇكەندەر, ساۋدا دۇڭگىرشىكتەرى, پوشتا ءبولىمى, اقشا ايىرباستاۋ ورنى, ءدارىحانا, بانكومات, تولەم تەرمينالدارى, ينتەرنەت (WI-FI) بولۋعا ءتيىس.بارلىق قىزمەت كورسەتۋ ورىندارى تاۋلىك بويى جۇمىس ىستەۋگە جانە مۇگەدەكتەرگە وڭاي قولجەتىمدى بولۋعا ءتيىس»;16-تارماق مىناداي مازمۇنداعى ەكىنشى بولىكپەن تولىقتىرىلسىن:«اقپاراتتى ۇسىنۋ تىلدەردى, ماتىندەردى, برايل ءشريفتىن, ءتۇيسىنۋ قاتىناسىن, ءىرى ءشريفتتى, قولجەتىمدى مۋلتيمەديالىق قۇرالداردى پايدالانۋ ارقىلى مۇگەدەكتەر ءۇشىن دە قامتاماسىز ەتىلەدى.».3. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 5 جەلتوقسانداعى №1320 قاۋلىسىمەن بەكىتىلگەن
تەمىرجول ۆوكزالدارىنىڭ كلاسىن ايقىنداۋ ادىستەمەسى
1. جالپى ەرەجەلەر1. وسى تەمىرجول ۆوكزالدارىنىڭ كلاسىن ايقىنداۋ ادىستەمەسى (بۇدان ءارى –ادىستەمە) «تەمىر جول كولىگى تۋرالى» 2001 جىلعى 8 جەلتوقسانداعى قازاقستان رەسپۋبليكاسى زاڭىنىڭ 14-بابى 1-تارماعىنىڭ 22-2) تارماقشاسىنا سايكەس ازىرلەنگەن.2. وسى ادىستەمەنى قولدانۋ ماقساتىندا مىناداي ۇعىمدار پايدالانىلادى:1) تەمىرجول ۆوكزالى – كلاسىنا قاراي حالىققا تەمىرجول كولىگىمەن تاسىمالداۋ جانە باگاجدى, جۇك-باگاجدى قابىلداۋ-بەرۋ جونىندەگى قىزمەتتەردى كورسەتۋگە ارنالعان ۇيلەردىڭ, عيماراتتاردىڭ (جولاۋشى پلاتفورمالارىن, ۆوكزال وتپەلەرىن جانە ۆوكزال ماڭىنداعى اۋماقتى قوسا العاندا) جانە باسقا دا م ۇلىك تۇرلەرىنىڭ كەشەنى;2) كلاسىن ايقىنداۋ – وسى ادىستەمەگە سايكەس بالدىق جۇيە بويىنشا ايقىندالاتىن جۇمىس (كورسەتىلگەن قىزمەتتەر) كولەمىنە جانە تەحنيكالىق جابدىقتالۋىنا بايلانىستى وسى ۆوكزال جاتقىزىلاتىن توپتىڭ اتاۋى;3) تۇتىنۋشىلار – تەمىرجول كولىگىنىڭ جولاۋشىلارى, تەمىرجول ۆوكزالىنا كەلىپ-كەتۋشىلەر (سونىڭ ىشىندە جولاۋشىلاردى كۇتىپ الۋشىلار مەن شىعارىپ سالۋشىلار);4) پايدالانۋشىلار – جولاۋشىلار تەمىرجول تاسىمالدارى سالاسىندا كاسىپكەرلىك قىزمەتتى جۇزەگە اسىرۋ ءۇشىن تەمىرجول ۆوكزالى الاڭدارىن پايدالاناتىن زاڭدى تۇلعالار مەن دارا كاسىپكەرلەر.3. ادىستەمەنى تەمىرجول كولىگى سالاسىندا باسشىلىقتى, سونداي-اق قازاقستان رەسپۋبليكاسىنىڭ زاڭناماسىندا كوزدەلگەن شەكتەردە سالاارالىق ۇيلەستىرۋدى جۇزەگە اسىراتىن ۋاكىلەتتى ورگان (بۇدان ءارى – ۋاكىلەتتى ورگان) قولدانادى.
2. تەمىرجول ۆوكزالدارىنىڭ كلاسىن ايقىنداۋ
4. تەمىرجول ۆوكزالدارىنىڭ كلاسىن ايقىنداۋ مىناداي جيىنتىق كورسەتكىشتەردى قامتيدى:1) جىلدىق ەسەپتەۋدە تاۋلىگىنە جونەلتىلگەن جولاۋشىلاردىڭ جالپى سانى 1 جولاۋشى - 1 بالل;2) الاڭنىڭ ءاربىر 100 شارشى مەتر ۆوكزالدىق ءۇي-جايلاردى كۇتىپ-ۇستاۋ -1 بالل;3) وسى ادىستەمەگە قوسىمشاعا سايكەس تەمىرجول ۆوكزالدارىنىڭ كلاسى بولىنىسىندە بالدىق گراداتسيا;4) تەحنيكالىق جابدىقتالۋى (قوسىمشا قۇرىلىستار مەن جابدىقتار), سونىڭ ىشىندە ەسكالاتورلار, ليفتتەر, ەلەكتروندىق كورسەتكىش تاقتا, جاياۋ جۇرگىنشىلەر كوپىرلەرى, جەراستى وتپەلەر ءاربىر وبەكتىگە (بىرلىككە) 0,05 بالدان.5. تەمىرجول ۆوكزالىنىڭ كلاسى تومەندە كەلتىرىلگەن فورمۋلاعا سايكەس ايقىندالادى:ك=(ج*1)+(S/100 ش.م)+تمۇنداعى:ك - ۆوكزال كلاسى,ج - جىلدىق ەسەپتەۋدە تاۋلىگىنە جولاۋشىلار,8 - ۆوكزالدىق ءۇي-جايلاردى (جالپى الاڭى) كۇتىپ-ۇستاۋ,ت - قوسىمشا قۇرىلىستار مەن قۇرال-جابدىقتار.ەسكەرتپە:بالدى ەسەپتەۋ بولىگىندە ماتەماتيكالىق ەسەپتەۋلەر جۇرگىزۋ جونەلتىلگەن جولاۋشىلار سانى ەسەبىنەن ايقىندالادى;بالدى ەسەپتەۋ بولىگىندە ماتەماتيكالىق ەسەپتەۋلەر جۇرگىزۋ تەمىرجول ۆوكزالىنىڭ تەحنيكالىق پاسپورتىندا كورسەتىلگەن تەمىرجول ۆوكزالى عيماراتىنىڭ الاڭىنا سايكەس ايقىندالادى.الىنعان كورسەتكىشتەردى جيىنتىقتاۋ كلاستى ايقىندايتىن بالدار سانىن بەرەدى.ماتەماتيكالىق ەسەپتەۋلەر جۇرگىزىلگەن كەزدە بولشەك ساندار ءبۇتىن سانعا دەيىن دوڭگەلەكتەۋگە جاتادى. ەگەر الىنىپ تاستالاتىن سانداردىڭ ءبىرىنشىسى 5-تەن كوپ بولسا, وندا ساقتالاتىن سانداردىڭ سوڭعىسى بىرلىككە ۇلعايادى. ۇلعايتۋ ءبىرىنشى الىنىپ تاستالاتىن سان 5-كە تەڭ بولعاندا دا جاسالادى.
تەمىرجول ۆوكزالدارىنىڭ كلاسىن ايقىنداۋ ادىستەمەسىنە قوسىمشا
تەمىرجول ۆوكزالدارى كلاسى بولىنىسىندە بالدىق گراداتسيا1. ۆوكزالدار ورىندالاتىن جۇمىستار كۇردەلىلىگىنە جانە كولەمىنە بايلانىستى گراداتسيا بويىنشا ءتورت كلاسقا بولىنەدى:1) كلاستان تىس;2) 1-كلاسس;3) 2-كلاسس;4) 3-كلاسس.كەستەاتاۋى كلاستان تىس 1-كلاسس 2-كلاسس 3-كلاسسۆوكزال 2500-دەن 700-دەن 2499 300-دەن 699 101-دەن299 جانە ودان بالعا دەيىن بالعا دەيىن بالعا دەيىن استام بالل
2. ءتيىستى ەسەپتەۋلەر جۇرگىزىلگەننەن كەيىن كەستە بويىنشا ەسەپتەۋلەر نەگىزىندە ۆوكزال مارتەبەسى بەرىلەدى.