2013 جىلعى 5 جەلتوقسان, استانا, ۇكىمەت ءۇيى
«تەمىر جول جانە اۋە كولىگىندە ءورت قاۋىپسىزدىگى جونىندەگى الدىن الۋجۇمىستارىن جۇرگىزۋ جانە ءورت سالدارلارىن جويۋ ەرەجەسىن بەكىتۋ تۋرالى»قازاقستان رەسپۋبليكاسى ۇكىمەتىنىڭ 2008 جىلعى 16 اقپانداعى №148قاۋلىسىنا وزگەرىس پەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:1. «تەمىر جول جانە اۋە كولىگىندە ءورت قاۋىپسىزدىگى جونىندەگى الدىن الۋ جۇمىستارىن جۇرگىزۋ جانە ءورت سالدارلارىن جويۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 16 اقپانداعى №148 قاۋلىسىنا (قازاقستان رەسپۋبليكاسى ءپۇاج-ى, 2008 ج., №7, 80-قۇجات) مىناداي وزگەرىس پەن تولىقتىرۋلار ەنگىزىلسىن:تاقىرىبى مىناداي رەداكتسيادا جازىلسىن:«تەمىر جول, اۋە كولىگىندە جانە مەتروپوليتەندە ءورت قاۋىپسىزدىگى بويىنشا الدىن الۋ جۇمىستارىن جۇرگىزۋ جانە ورتتەردىڭ سالدارىن جويۋ ەرەجەلەرىن بەكىتۋ تۋرالى»;1-تارماقتىڭ 3) تارماقشاسىنداعى «ەرەجەسى بەكىتىلسىن.» دەگەن سوزدەر «ەرەجەسى;» دەگەن سوزبەن اۋىستىرىلىپ, مىناداي مازمۇنداعى 4) تارماقشامەن تولىقتىرىلسىن:«4) مەتروپوليتەندە ءورت قاۋىپسىزدىگى بويىنشا الدىن الۋ جۇمىستارىن جۇرگىزۋ جانە ورتتەردىڭ سالدارىن جويۋ ەرەجەسى بەكىتىلسىن.»;وسى قاۋلىعا قوسىمشاعا سايكەس قوسىمشامەن تولىقتىرىلسىن.2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 5 جەلتوقسانداعى №1318 قاۋلىسىنا قوسىمشاقازاقستان رەسپۋبليكاسى ۇكىمەتىنىڭ 2008 جىلعى 16 اقپانداعى №148 قاۋلىسىمەن بەكىتىلگەن
مەتروپوليتەندە ءورت قاۋىپسىزدىگى بويىنشا الدىن الۋ جۇمىستارىن جۇرگىزۋ جانە ورتتەردىڭ سالدارىن جويۋ ەرەجەسى
1. جالپى تالاپتار1. وسى مەتروپوليتەندە ءورت قاۋىپسىزدىگى بويىنشا الدىن الۋ جۇمىستارىن جۇرگىزۋ جانە ورتتەردىڭ سالدارىن جويۋ ەرەجەسى (بۇدان ءارى – ەرەجە) «قازاقستان رەسپۋبليكاسىنداعى كولىك تۋرالى», «ءورت قاۋىپسىزدىگى تۋرالى» قازاقستان رەسپۋبليكاسىنىڭ زاڭدارىنا سايكەس ازىرلەندى ءارى مەتروپوليتەندە ءورت قاۋىپسىزدىگى بويىنشا الدىن الۋ جۇمىستارىن جۇرگىزۋ جانە ورتتەردىڭ سالدارىن جويۋ ءتارتىبىن انىقتايدى.2. ەرەجەدە مىناداي نەگىزگى ۇعىمدار قولدانىلادى:1) ديسپەتچەرلىك قىزمەت – مەتروپوليتەننىڭ جىلجىمالى قۇرامىنىڭ قوزعالىسىن باسقارۋدى جانە قوزعالىس كەستەسىنىڭ ساقتالۋىن ۇزدىكسىز باقىلاۋدى جۇزەگە اسىراتىن قىزمەت;2) مەتروپوليتەن جولاۋشىسى – جول ءجۇرۋ قۇجاتى (بيلەتى) بار جانە مەتروپوليتەندە جول جۇرەتىن جەكە تۇلعا;3) مەتروپوليتەننىڭ كولىك كاسىپورنى – قازاقستان رەسپۋبليكاسىنىڭ زاڭناماسىنا سايكەس ءىس-قيمىل جاسايتىن جولاۋشىلاردى, باگاجدى مەتروپوليتەننىڭ جىلجىمالى قۇرامىمەن تاسىمالداۋ, كولىك قۇرالدارىن ساقتاۋ, ولارعا تەحنيكالىق قىزمەت كورسەتۋ جانە جوندەۋ جونىندەگى قىزمەتپەن اينالىساتىن زاڭدى تۇلعا;4) مەتروپوليتەن – كولىكتىڭ وزگە تۇرلەرىنىڭ جەلىلەرىنەن جانە جاياۋ جۇرگىنشىلەردىڭ ولارعا ءوتۋ جولىنان وقشاۋلانعان (بولىنگەن, ءبىر دەڭگەيدەگى قيىلىستارى جوق) جولدار بويىنشا جولاۋشىلار مەن باگاجدى الەۋمەتتىك ماڭىزى بار تۇراقتى تاسىمالداۋدى جۇزەگە اسىراتىن قالالىق رەلستىك كولىك ءتۇرى;5) مەتروپوليتەننىڭ ورتكە قارسى قىزمەتى – مەتروپوليتەندە ءورت قاۋىپسىزدىگى بويىنشا الدىن الۋ جۇمىستارىن جۇرگىزۋ جانە ورتتەردىڭ سالدارىن جويۋ ءۇشىن قۇرىلاتىن مەتروپوليتەننىڭ كولىك كاسىپورنىنىڭ قۇرىلىمدىق بولىمشەسى;6) ەسكالاتور – ادامداردىڭ ءبىر دەڭگەيدەن ەكىنشى دەڭگەيىنە اۋىسۋى ءۇشىن قوزعالمالى باسپالداقتارى بار باسپالداق تۇرىندەگى كوتەرگىش-كولىك قوندىرعىسى;7) مەتروپوليتەننىڭ جىلجىمالى قۇرامى – ءبىر نەمەسە بىرنەشە ۆاگوندىق سەكتسيالاردان تۇراتىن جانە جولاۋشىلاردى تاسىمالداۋعا ارنالعان جىلجىمالى قۇرام.
2. مەتروپوليتەندە ءورت قاۋىپسىزدىگى بويىنشا الدىن الۋ جۇمىستارىن جۇرگىزۋ ءتارتىبى3. مەتروپوليتەندەگى ءورت قاۋىپسىزدىگى بويىنشا الدىن الۋ جۇمىسى مىنالاردى قامتيدى:1) مەتروپوليتەن وبەكتىلەرىندە جوسپارلى تەكسەرۋلەردى جۇرگىزۋ (جىلىنا كەمىندە ەكى رەت);2) مەتروپوليتەن وبەكتىلەرىندە تۇراقتى باقىلاۋ ماقساتىنداعى تەكسەرۋلەردى جۇرگىزۋ;3) بەلگىلەنگەن ورتكە قارسى نورمالار مەن قاعيدالاردىڭ ساقتالۋىن باقىلاۋ;4) مەتروپوليتەن وبەكتىلەرىندە ءورت قاۋىپسىزدىگىن قامتاماسىز ەتۋ بويىنشا انىقتالعان كەمشىلىكتەردى جويۋ;5) ءورت قاۋىپسىزدىگىن قامتاماسىز ەتۋگە باعىتتالعان قۇجاتتاردى ازىرلەۋ;6) ءورت قاۋىپسىزدىگى شارالارى جانە ءورت تۋىنداعان جاعدايدا ءىس-قيمىلدار تۋرالى مەتروپوليتەننىڭ كولىك كاسىپورنى قىزمەتكەرلەرىمەن ءتۇسىندىرۋ جۇمىستارىن جۇرگىزۋ.4. الدىن الۋ جۇمىستارىن وسى ەرەجەنىڭ 3-تارماعىندا كورسەتىلگەن ءىس-شارالاردى جۇرگىزۋ جولىمەن مەتروپوليتەننىڭ ورتكە قارسى قىزمەتى جۇزەگە اسىرادى.5. مەتروپوليتەن وبەكتىلەرىندە جوسپارلى تەكسەرۋدى جۇرگىزۋ كەزىندە مىنالار:1) ءورت قاۋىپسىزدىگىنىڭ شارالارى تۋرالى نۇسقاۋلىقتاردىڭ بولۋى جانە ولاردى ساقتاۋ دەڭگەيى;2) وبەكتىنىڭ ءورت قاۋىپسىزدىگىنىڭ ناقتى جاي-كۇيىنىڭ بەلگىلەنگەن ورتكە قارسى نورمالار مەن قاعيدالارعا سايكەستىگى;3) بۇرىن بەلگىلەنگەن ورتكە قارسى ءىس-شارالاردىڭ ورىندالۋ دەڭگەيى;4) مەتروپوليتەننىڭ ءاربىر ستانتسياسىندا جەدەل ءورت ءسوندىرۋ جوسپارىنىڭ, ءورت قاۋىپسىزدىگىنىڭ شارالارى تۋرالى تالاپتارىنىڭ, جولاۋشىلاردى ەۆاكۋاتسيالاۋ جوسپارىنىڭ, تۇتىندەنگەن نەمەسە ءورت بولعان جاعدايدا, توننەل جەلدەتكىشىنىڭ شاحتاسى جۇمىسى ىستەگەندە مەتروپوليتەن جۇمىسكەرلەرىنىڭ ءىس-قيمىل جاساۋ ءتارتىبىنىڭ بولۋىن بەلگىلەيدى.كورسەتىلگەن قۇجاتتار ستانتسيا كەزەكشىسىنىڭ ءۇي-جايىندا, جەدەل ءورت ءسوندىرۋ جوسپارىنىڭ ەكىنشى داناسى كاسسادا اعا كاسسيردە ساقتالادى جانە ءورت ءسوندىرۋ باسشىسىنىڭ ءبىرىنشى تالابى بويىنشا بەرىلەدى;5) ءورت بايلانىسىنىڭ, ءورت ءسوندىرۋدىڭ باستاپقى قۇرالدارىنىڭ جانە ءورت اۆتوماتيكاسى مەن سيگناليزاتسيا قوندىرعىلارىنىڭ بولۋى جانە تەحنيكالىق جاي-كۇيى;6) مەتروپوليتەننىڭ ديسپەتچەرلىك قىزمەتىنىڭ جانە ستانتسيا كەزەكشىلەرىنىڭ ءۇي-جايلارىندا ء(ورت ءسوندىرۋ بەكەتىندە) ءورت تۋرالى جانە ءورت ءسوندىرۋ اۆتوماتيكاسى مەن سيگناليزاتسيا قوندىرعىلارىنىڭ (جۇيەلەرىنىڭ) جۇمىس ىستەمەي تۇرعاندىعى جونىندە سيگنالدار العان كەزدە, مەتروپوليتەننىڭ كولىك كاسىپورنىنىڭ باسشىسى بەكىتكەن جەدەل (كەزەكشى) پەرسونالدىڭ ءىس-قيمىلدارى تۋرالى نۇسقاۋلىقتىڭ بولۋى;7) ديسپەتچەرلىك قىزمەتتىڭ ءۇي-جايلارىندا راديوالماسۋ اقپاراتىن جازۋ ءۇشىن قوندىرعىنىڭ بولۋى انىقتالادى.6. الدىن الۋ جۇمىستارىن جۇرگىزۋ شەڭبەرىندە مەتروپوليتەننىڭ كولىك كاسىپورنىنىڭ باسشىسى مەملەكەتتىك ورتكە قارسى قىزمەتتىڭ اۋماقتىق ورگانىمەن كەلىسىم بويىنشا مەتروپوليتەننىڭ جىلجىمالى قۇرامىندا جانە وبەكتىلەرىندە ءورتتى ءسوندىرۋ جانە اۆاريالىق-قۇتقارۋ جۇمىستارىن جۇرگىزۋ كەزىندە مەتروپوليتەننىڭ ورتكە قارسى قىزمەتىنىڭ مەملەكەتتىك ورتكە قارسى قىزمەتتىڭ اۋماقتىق ورگانىمەن ءوزارا ءىس-قيمىل جاساۋ تۋرالى نۇسقاۋلىقتى (بۇدان ءارى – نۇسقاۋلىق) ازىرلەيدى جانە بەكىتەدى.نۇسقاۋلىق ءبىر جىلدا كەمىندە ءبىر رەت تۇزەتىلەدى, سونداي-اق تەحنولوگيالىق پروتسەسس پەن جۇمىس شارتتارى وزگەرگەن كەزدە پىسىقتاۋعا جاتادى.7. ءورت ءسوندىرۋ قىزمەتى جوسپارلى تەكسەرۋلەردىڭ, كۇندەلىكتى باقىلاۋ ماقساتىنداعى تەكسەرۋلەردىڭ ناتيجەلەرى بويىنشا مىناداي شارالار قابىلدايدى:1) جوسپارلى تەكسەرۋدىڭ اكتىسى جاسالادى, وندا ءورت قاۋىپسىزدىگىن قامتاماسىز ەتۋدىڭ جاي-كۇيى ايقىندالادى, انىقتالعان بۇزۋشىلىقتارى بەلگىلەنەدى, انىقتالعان بۇزۋشىلىقتاردى جويۋدىڭ ناقتى مەرزىمدەرى جانە ورىنداۋشىلارى ايقىندالادى. جوسپارلى تەكسەرۋ اكتىسىن مەتروپوليتەننىڭ كولىك كاسىپورنىنىڭ باسشىسى بەكىتەدى;2) مەتروپوليتەننىڭ كولىك كاسىپورنىنىڭ باسشىسىنا وبەكتىلەردەگى ءورت قاۋىپسىزدىگىنىڭ جاي-كۇيى تۋرالى جازباشا باياندايدى, ونى جاقسارتۋ بويىنشا ۇسىنىستار ەنگىزەدى جانە انىقتالعان بۇزۋشىلىقتاردى جويۋ بويىنشا شارالار قابىلدايدى.
3. مەتروپوليتەندە ورتتەردىڭ سالدارىن جويۋ ءتارتىبى8. ورتتەردىڭ سالدارىن جويۋ ءۇشىن ورتكە قارسى قىزمەت ءبىرىنشى كەزەكتەگى تاپسىرمالاردى بەلگىلەيدى, ولارعا:1) ورتتەردىڭ سالدارىن باعالاۋ;2) مەتروپوليتەننىڭ ستانتسيالارىندا, توننەلدەرىندە جانە جىلجىمالى قۇرامىندا ادامداردىڭ بار (نەمەسە جوق) بولۋىن تەكسەرۋ;3) مەتروپوليتەننىڭ قوسىمشا كۇشتەرى مەن قۇرالدارىن تارتۋ تۋرالى شەشىمدى قابىلداۋ كىرەدى.9. ورتتەردىڭ سالدارىن جويۋ بويىنشا جۇمىستاردى ۇيىمداستىرۋ ءۇشىن ءورت بولعان مەتروپوليتەن وبەكتىلەرىندە شتاب ۇيىمداستىرىلادى.شتاب ورتتەردىڭ سالدارى تۋرالى اقپاراتتى قارايدى, ولاردى جويۋ بويىنشا جوسپاردى قالىپتاستىرادى, ونى مەتروپوليتەننىڭ كولىك كاسىپورنىنىڭ باسشىسى بەكىتەدى.شتابتى جۇمىسپەن قامتاماسىز ەتۋ مەتروپوليتەننىڭ كولىك كاسىپورنىنىڭ باسشىسىنا جۇكتەلەدى.10. ورتتەردىڭ سالدارىن جويۋ كەزىندە مىنالار:1) حالىقتى قاۋىپتى ايماقتان ەۆاكۋاتسيالاۋ;2) مەتروپوليتەننىڭ كولىك كاسىپورنىنىڭ قاجەتتى ماتەريالدىق-تەحنيكالىق رەسۋرستارىن جۇمىلدىرۋ;3) ءورت بولعان مەتروپوليتەن وبەكتىسىنىڭ جۇمىسىن توقتاتۋ نەمەسە ۋاقىتشا توقتاتۋ;4) مەتروپوليتەن وبەكتىسىنىڭ جۇمىس رەجيمىن وزگەرتۋ;5) جولاۋشىلاردىڭ قوزعالۋىنا شەكتەۋ (كارانتين) قويۋ جاتادى.