2013 جىلعى 14 قاراشا, استانا, ۇكىمەت ءۇيى«بيۋدجەتتىڭ اتقارىلۋى جانە وعان كاسسالىق قىزمەت كورسەتۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 26 اقپانداعى № 220 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:1. «بيۋدجەتتىڭ اتقارىلۋى جانە وعان كاسسالىق قىزمەت كورسەتۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 26 اقپانداعى № 220 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., № 12, 86-قۇجات) مىناداي وزگەرىستەر ەنگىزىلسىن:كورسەتىلگەن قاۋلىمەن بەكىتىلگەن بيۋدجەتتىڭ اتقارىلۋى جانە وعان كاسسالىق قىزمەت كورسەتۋ ەرەجەسىندە:257-تارماقتىڭ ءتورتىنشى بولىگى مىناداي رەداكتسيادا جازىلسىن:«رەسپۋبليكالىق بيۋدجەت كوميسسياسىنىڭ وڭ شەشىمى نەگىزىندە جەرگىلىكتى اتقارۋشى ورگاندارعا جاڭا بيۋدجەتتىك ينۆەستيتسيالىق جوبالاردى ەنگىزۋ وڭىرلىك جانە جاھاندىق سيپاتتاعى الەۋمەتتىك, تابيعي جانە تەحنوگەندىك توتەنشە جاعدايلاردىڭ الدىن الۋعا نەمەسە ولاردى جويۋعا, سونداي-اق توتەنشە جاعدايدىڭ قۇقىقتىق رەجيمىن قامتاماسىز ەتۋ جونىندەگى ءىس-شارالاردى وتكىزۋگە بايلانىستى جاڭا بيۋدجەتتىك ينۆەستيتسيالىق جوبالاردى ەنگىزۋ جاعدايلارىن قوسپاعاندا, ءبىر بيۋدجەتتىك باعدارلاما شەگىندە جوعارى تۇرعان بيۋدجەتتەن نىسانالى دامۋ ترانسفەرتتەرىنىڭ ەسەبىنەن قارجىلاندىرىلاتىن جەرگىلىكتى بيۋدجەتتىك ينۆەستيتسيالىق جوبالاردىڭ سوماسىن بيۋدجەتتىك ينۆەستيتسيالىق جوبانىڭ سمەتالىق قۇنىن ارتتىرۋمەن بايلانىستى شىعىستارعا, سونداي-اق جاڭا بيۋدجەتتىك ينۆەستيتسيالىق جوبالاردى قارجىلاندىرۋعا قايتا بولۋگە تىيىم سالىنادى.»;412, 413-تارماقتار مىناداي رەداكتسيادا جازىلسىن:«412. قازاقستان رەسپۋبليكاسىنىڭ اۋماعىندا الەۋمەتتىك, تابيعي جانە تەحنوگەندىك سيپاتتاعى توتەنشە جاعدايلار تۋىنداعان, سونداي-اق توتەنشە جاعدايدىڭ قۇقىقتىق رەجيمىن قامتاماسىز ەتۋ جونىندەگى ءىس-شارالار وتكىزىلگەن جاعدايدا قازاقستان رەسپۋبليكاسى ۇكىمەتىنىڭ رەزەرۆىنەن اقشا ءبولۋ تۋرالى قولداۋحاتتاردى توتەنشە جاعدايدىڭ ءتيىستى ءتۇرى سالاسىنداعى ۋاكىلەتتى مەملەكەتتىك ورگان قارايدى. بۇل رەتتە پايدا بولعان الەۋمەتتىك, تابيعي جانە تەحنوگەندىك سيپاتتاعى توتەنشە جاعداي وڭىرلىك نەمەسە جاھاندىق اۋقىم الۋعا ءتيىس.413.جەرگىلىكتى اۋقىمداعى الەۋمەتتىك, تابيعي جانە تەحنوگەندىك سيپاتتاعى توتەنشە جاعدايلار تۋىنداعان, سونداي-اق توتەنشە جاعدايدىڭ قۇقىقتىق رەجيمىن قامتاماسىز ەتۋ جونىندەگى ءىس-شارالار وتكىزىلگەن جاعدايدا ءتيىستى جەرگىلىكتى اتقارۋشى ورگاننىڭ رەزەرۆىنەن اقشا ءبولۋ تۋرالى قولداۋحاتتاردى وبلىستىڭ, رەسپۋبليكالىق ماڭىزى بار قالانىڭ, استانانىڭ, اۋداننىڭ جانە وبلىستىق ماڭىزى بار قالانىڭ بيۋدجەتتى اتقارۋ جونىندەگى ۋاكىلەتتى ورگانى قارايدى.»;414-تارماقتىڭ ءبىرىنشى بولىگى مىناداي رەداكتسيادا جازىلسىن:«414. الەۋمەتتىك, تابيعي جانە تەحنوگەندىك سيپاتتاعى توتەنشە جاعدايلاردىڭ, ولاردى وقشاۋلاۋ جانە جويۋ جونىندەگى ءىس-شارالاردىڭ ورىن العانىن, توتەنشە جاعدايدىڭ قۇقىقتىق رەجيمىن قامتاماسىز ەتۋ جونىندەگى ءىس-شارالاردى وتكىزۋ قاجەتتىلىگىن نەگىزدەيتىن ماتەريالداردى, ماتەريالدىق-تەحنيكالىق, قارجىلىق جانە ادامي رەسۋرستاردىڭ ءتيىستى نەگىزدەمەلەرى مەن ەسەپتەۋلەرىن ۇسىنۋ ءتارتىبى مەن تىزبەسىن توتەنشە جاعدايدىڭ ءتيىستى ءتۇرى سالاسىنداعى ۋاكىلەتتى ورگان انىقتايدى.»;415, 416, 417 جانە 418-تارماقتار مىناداي رەداكتسيادا جازىلسىن:«415. وڭىرلىك جانە جاھاندىق اۋقىمداعى الەۋمەتتىك, تابيعي جانە تەحنوگەندىك سيپاتتاعى توتەنشە جاعدايلاردى جويۋ, سونداي-اق توتەنشە جاعدايدىڭ قۇقىقتىق رەجيمىن قامتاماسىز ەتۋ جونىندەگى ءىس-شارالار وتكىزۋ قاجەت بولعان كەزدە توتەنشە جاعدايدىڭ ءتيىستى ءتۇرى سالاسىنداعى ۋاكىلەتتى مەملەكەتتىك ورگان زاڭنامادا بەلگىلەنگەن تارتىپپەن قازاقستان رەسپۋبليكاسىنىڭ ۇكىمەتىنە الەۋمەتتىك, تابيعي جانە تەحنوگەندىك سيپاتتاعى توتەنشە جاعدايلاردى جويۋعا جانە/نەمەسە توتەنشە جاعدايدىڭ قۇقىقتىق رەجيمىن قامتاماسىز ەتۋ جونىندەگى ءىس-شارالاردى وتكىزۋگە اقشا ءبولۋ تۋرالى شەشىم جوباسىن ەنگىزەدى.416.جەرگىلىكتى اۋقىمداعى الەۋمەتتىك, تابيعي جانە تەحنوگەندىك سيپاتتاعى توتەنشە جاعدايلاردى جويۋ, سونداي-اق توتەنشە جاعدايدىڭ قۇقىقتىق رەجيمىن قامتاماسىز ەتۋ جونىندەگى ءىس-شارالار وتكىزۋ قاجەت بولعان كەزدە وبلىستىڭ, رەسپۋبليكالىق ماڭىزى بار قالانىڭ, استانانىڭ, وبلىستىق ماڭىزى بار اۋداننىڭ جانە قالانىڭ بيۋدجەتتى اتقارۋ جونىندەگى ۋاكىلەتتى ورگانى زاڭنامادا بەلگىلەنگەن تارتىپپەن جەرگىلىكتى اتقارۋشى ورگانعا الەۋمەتتىك, تابيعي جانە تەحنوگەندىك سيپاتتاعى توتەنشە جاعدايلاردى جويۋعا جانە/نەمەسە توتەنشە جاعدايدىڭ قۇقىقتىق رەجيمىن قامتاماسىز ەتۋ جونىندەگى ءىس-شارالاردى وتكىزۋگە اقشا ءبولۋ تۋرالى شەشىمنىڭ جوباسىن ەنگىزەدى.417. توتەنشە رەزەرۆ اقشاسى قازاقستان رەسپۋبليكاسىنىڭ «تابيعي جانە تەحنوگەندىك سيپاتتاعى توتەنشە جاعدايلار تۋرالى» جانە «توتەنشە جاعداي تۋرالى» زاڭدارىندا كوزدەلگەن الەۋمەتتىك, تابيعي جانە تەحنوگەندىك سيپاتتاعى توتەنشە جاعدايلاردى جويۋ جونىندەگى ءىس-شارالارعا باعىتتالادى.418.باسقا مەملەكەتتەردىڭ اۋماعىنداعى الەۋمەتتىك, اسكەري, ەكولوگيالىق, تابيعي جانە تەحنوگەندىك سيپاتتاعى توتەنشە جاعدايلاردى جويۋ ماقساتىندا ءتيىستى ورتالىق مەملەكەتتىك ورگان كوميسسيا ۇسىنىمدارىنىڭ نەگىزىندەقازاقستان رەسپۋبليكاسىنىڭ رەسمي گۋمانيتارلىق كومەك كورسەتۋىنە ارنالعان قازاقستان رەسپۋبليكاسىنىڭ ۇكىمەتى شەشىمىنىڭ جوباسىن ازىرلەيدى جانە زاڭنامادا بەلگىلەنگەن تارتىپپەن ونى قازاقستان رەسپۋبليكاسىنىڭ ۇكىمەتىنە ەنگىزەدى.»;422-تارماقتىڭ جەتىنشى بولىگى مىناداي رەداكتسيادا جازىلسىن: «قازاقستان رەسپۋبليكاسىنىڭ ۇكىمەتى ىسكە اسىرۋ مەرزىمى ءبىر قارجى جىلىنان استام مەرزىممەن قازاقستان رەسپۋبليكاسى ۇكىمەتىنىڭ نەمەسە جەرگىلىكتى اتقارۋشى ورگاننىڭ رەزەرۆىنەن اپاتتىق-قالپىنا كەلتىرۋ جۇمىستارىن جانە الەۋمەتتىك, تابيعي جانە تەحنوگەندىك سيپاتتاعى توتەنشە جاعدايلاردىڭ, سونداي-اق ساياسي, ەكونوميكالىق جانە ەلەۋمەتتىك تۇراقتىلىققا, ادامداردىڭ ءومىرى مەن دەنساۋلىعىنا قاۋىپ توندىرەتىن جاعدايلاردىڭ سالدارلارىن جويۋمەن بايلانىستى وزگە ءىس-شارالار جۇرگىزۋ ءۇشىن قوسىمشا قاراجات ءبولۋ تۋرالى كەلەسى قارجى جىلدارىندا شەشىم قابىلداعان جاعدايدا, ءتيىستى مەملەكەتتىك ورگان بيۋدجەتتى اتقارۋ جونىندەگى ۋاكىلەتتى ورگانعا وسى تارماقتىڭ ءبىرىنشى ابزاتسىندا كورسەتىلگەن ءتيىستى نەگىزدەمەلەرمەن جانە ەسەپتەۋلەرمەن بىرگە قوسىمشا اقشا ءبولۋ تۋرالى قولداۋحاتتى ۇسىنادى, سونداي-اق ورىندالعان جۇمىستاردىڭ, قىزمەتتەردىڭ (تاۋارلاردىڭ) كولەمىن كورسەتە وتىرىپ, وتكەن قارجى جىلى ءۇشىن رەزەرۆتەن بولىنگەن قاراجاتتى پايدالانۋ تۋرالى ەسەپ بەرەدى.».2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.قازاقستان رەسپۋبليكاسىنىڭ پرەمەر-ءمينيسترى س.احمەتوۆ.