2013 جىلعى 12 قاراشا, استانا, ۇكىمەت ۇيىمەنشىك يەسىنىڭ جانە (نەمەسە) وپەراتوردىڭ وزدەرى جۇزەگە اسىراتىن مىندەتتەردى ورىنداۋ ءۇشىن كاجەتتى جانە جەتكىلىكتى دەربەس دەرەكتەردىڭ تىزبەسىن ايقىنداۋ كاعيدالارىن بەكىتۋ تۋرالى
«دەربەس دەرەكتەر جانە ولاردى قورعاۋ تۋرالى» 2013 جىلعى 21 مامىرداعى قازاقستان رەسپۋبليكاسىنىڭ زاڭى 26-بابىنىڭ 3) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:1. قوسا بەرىلىپ وتىرعان مەنشىك يەسىنىڭ جانە (نەمەسە) وپەراتوردىڭ وزدەرى جۇزەگە اسىراتىن مىندەتتەردى ورىنداۋ ءۇشىن قاجەتتى جانە جەتكىلىكتى دەربەس دەرەكتەردىڭ تىزبەسىن ايقىنداۋ قاعيدالارى بەكىتىلسىن.2. وسى قاۋلى 2013 جىلعى 25 قاراشادان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاكستان رەسپۋبليكاسى ۇكىمەتىنىڭ2013 جىلگى 12 كاراشاداعى №1214 قاۋلىسىمەن بەكىتىلگەن
مەنشىك يەسىنىڭ جانە (نەمەسە) وپەراتوردىڭ وزدەرى جۇزەگە اسىراتىن مىندەتتەردى ورىنداۋ ءۇشىن قاجەتتى جانە جەتكىلىكتى دەربەس دەرەكتەردىڭ تىزبەسىن ايقىنداۋ قاعيدالارى1. جالپى ەرەجەلەر1. وسى مەنشىك يەسىنىڭ جانە (نەمەسە) وپەراتوردىڭ وزدەرى جۇزەگە اسىراتىن مىندەتتەردى ورىنداۋ ءۇشىن قاجەتتى جانە جەتكىلىكتى دەربەس دەرەكتەردىڭ تىزبەسىن ايقىنداۋ قاعيدالارى (بۇدان ءارى – قاعيدالار) «دەربەس دەرەكتەر جانە ولاردى قورعاۋ تۋرالى» قازاقستان رەسپۋبليكاسىنىڭ 2013 جىلگى 21 مامىرداعى زاڭىنىڭ (بۇدان ءارى – زاڭ) 26-بابىنىڭ 3) تارماقشاسىنا سايكەس ازىرلەندى جانە مەنشىك يەسىنىڭ جانە (نەمەسە) وپەراتوردىڭ وزدەرى جۇزەگە اسىراتىن مىندەتتەردى ورىنداۋ ءۇشىن قاجەتتى جانە جەتكىلىكتى دەربەس دەرەكتەردىڭ تىزبەسىن ايقىنداۋ ءتارتىبىن بەلگىلەيدى.2. وسى قاعيدالاردا مىناداي نەگىزگى ۇعىمدار پايدالانىلادى:1) دەربەس دەرەكتەر – مالىمەتتەر نەگىزىندە ايقىندالعان نەمەسە ايقىندالاتىن دەربەس دەرەكتەر سۋبەكتىسىنە قاتىستى, ەلەكتروندىق, قاعاز جانە (نەمەسە) وزگە دە ماتەريالدىق جەتكىزگىشتە تىركەلگەن سول مالىمەتتەر;2) دەربەس دەرەكتەردى جيناۋ – دەربەس دەرەكتەردى الۋعا باعىتتالعان ءىس-ارەكەتتەر;3) دەربەس دەرەكتەردى قامتيتىن بازانىڭ مەنشىك يەسى (بۇدان ءارى – مەنشىك يەسى) – دەربەس دەرەكتەردى قامتيتىن بازانى قازاقستان رەسپۋبليكاسىنىڭ زاڭدارىنا سايكەس يەلەنۋ, پايدالانۋ جانە وعان بيلىك ەتۋ قۇقىعىن ىسكە اسىراتىن مەملەكەتتىك ورگان, جەكە جانە (نەمەسە) زاڭدى تۇلعا;4) دەربەس دەرەكتەردى قامتيتىن بازانىڭ وپەراتورى (بۇدان ءارى – وپەراتور) – دەربەس دەرەكتەردى جيناۋدى, وڭدەۋدى جانە قورعاۋدى جۇزەگە اسىراتىن مەملەكەتتىك ورگان, جەكە جانە (نەمەسە) زاڭدى تۇلعا;5) دەربەس دەرەكتەردى وڭدەۋ – دەربەس دەرەكتەردى جيناقتاۋعا, ساقتاۋعا, وزگەرتۋگە, تولىقتىرۋعا, پايدالانۋعا, تاراتۋعا, يەسىزدەندىرۋگە, بۇعاتتاۋعا جانە جويۋعا باعىتتالعان ءىس-ارەكەتتەر;6) دەربەس دەرەكتەر سۋبەكتىسى – دەربەس دەرەكتەر تيەسىلى جەكە تۇلعا;7) جالپىعا بىردەي قولجەتىمدى دەربەس دەرەكتەر – سۋبەكتىنىڭ كەلىسىمىمەن ەركىن قول جەتكىزۋگە بولاتىن نەمەسە قازاقستان رەسپۋبليكاسىنىڭ زاڭناماسىنا سايكەس قۇپيالىلىقتى ساقتاۋ تالاپتارى قولدانىلمايتىن دەربەس دەرەكتەر;8) قولجەتىمدىلىگى شەكتەۋلى دەربەس دەرەكتەر – قازاقستان رەسپۋبليكاسىنىڭ زاڭناماسىمەن قولجەتىمدىلىگى شەكتەلگەن دەربەس دەرەكتەر.2. مەنشىك يەسىنىڭ جانە (نەمەسە) وپەراتوردىڭ وزدەرى جۇزەگە اسىراتىن مىندەتتەردى ورىنداۋ ءۇشىن كاجەتتى جانە جەتكىلىكتى دەربەس دەرەكتەردىڭ تىزبەسىن ايكىنداۋ ءتارتىبى3. مەنشىك يەسى جانە (نەمەسە) وپەراتور «دەربەس دەرەكتەر جەنە ولاردى قورعاۋ تۋرالى» قازاقستان رەسپۋبليكاسىنىڭ زاڭىمەن (بۇدان ءارى – زاڭ) جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىمەن بەلگىلەنگەن تارتىپپەن دەربەس دەرەكتەردى جيناۋدى, وڭدەۋدى جۇزەگە اسىرادى.4. زاڭنىڭ 9-بابىندا كوزدەلگەن جاعدايلاردى قوسپاعاندا, دەربەس دەرەكتەردى جيناۋدى, وڭدەۋدى سۋبەكتىنىڭ نەمەسە ونىڭ زاڭدى وكىلىنىڭ كەلىسىمىمەن مەنشىك يەسى جانە (نەمەسە) وپەراتور جۇزەگە اسىرادى. سۋبەكت نەمەسە ونىڭ زاڭدى وكىلى دەربەس دەرەكتەردى جيناۋعا, وڭدەۋگە جازباشا نەمەسە ەلەكتروندىق كۇجات نىسانىندا نە قازاقستان رەسپۋبليكاسىنىڭ زاڭناماسىنا قايشى كەلمەيتىن قورعاۋ ءىس-ارەكەتتەرىنىڭ ەلەمەنتىن قولدانۋ ارقىلى وزگە دە تاسىلمەن كەلىسىم بەرەدى (كەرى قايتارىپ الادى).5. دەربەس دەرەكتەر تىزبەسى زاڭنىڭ 3-بابىنىڭ 3-تارماعىندا كوزدەلگەن جاعدايلاردى قوسپاعاندا, مەنشىك يەسىنىڭ جانە (نەمەسە) وپەراتوردىڭ زاڭنامادا بەلگىلەنگەن فۋنكتسيالارىن, وكىلەتتىلىكتەرىن جانە مىندەتتەرىن جۇزەگە اسىرۋعا تىكەلەي بايلانىستى ماقساتتار ءۇشىن قولدانىلادى.6. وزدەرى جۇزەگە اسىراتىن مىندەتتەرىن ورىنداۋ ءۇشىن قاجەتتى جانە جەتكىلىكتى دەربەس دەرەكتەر تىزبەسىندە كورسەتىلگەن مالىمەتتەردى جالپى قولجەتىمدى نەمەسە قول جەتكىزۋ شەكتەلگەن دەرەكتەرگە جاتقىزۋدى قازاقستان رەسپۋبليكاسىنىڭ زاڭناماسىنا سايكەس مەنشىك يەسى جانە (نەمەسە) وپەراتور جۇزەگە اسىرادى.مەنشىك يەسى جانە (نەمەسە) وپەراتور وزدەرى جۇزەگە اسىراتىن مىندەتتەردى ورىنداۋ ءۇشىن قاجەتتى جانە جەتكىلىكتى دەربەس دەرەكتەردىڭ تىزبەسىن ايقىنداۋ كەزىندە دەربەس دەرەكتەردى جيناۋ, وڭدەۋ جانە قورعاۋ كەلەسى قاعيداتتارىن باسشىلىققا الۋى قاجەت:1) ادامنىڭ جانە ازاماتتىڭ كونستيتۋتسيالىق قۇقىقتارى مەن بوستاندىقتارىن ساقتاۋ;2) زاڭدىلىق;3) قولجەتىمدىلىگى شەكتەۋلى دەربەس دەرەكتەردىڭ قۇپيالىلىعى;4) سۋبەكتىلەر, مەنشىك يەلەرى جانە وپەراتورلار قۇقىقتارىنىڭ تەڭدىگى;5) جەكە باستىڭ, قوعامنىڭ جانە مەملەكەتتىڭ قاۋىپسىزدىگىن قامتاماسىز ەتۋ.7. وزدەرى جۇزەگە اسىراتىن مىندەتتەردى ورىنداۋى ءۇشىن قاجەتتى جانە جەتكىلىكتى دەربەس دەرەكتەردىڭ تىزبەسىن ايقىنداۋ ماقساتىندا مەنشىك يەسى جانە (نەمەسە) وپەراتور دەربەس دەرەكتەر تىزبەسىن ايقىنداۋ جونىندەگى جۇمىستى ۇيىمداستىرۋعا جاۋاپتى ادامداردى (بۇدان ءارى – جاۋاپتى ادام) تاعايىندايدى. جاۋاپتى ادامدى تاعايىنداۋ ءتيىستى قۇجاتپەن رەسىمدەلەدى.جاۋاپتى ادام مەنشىك يەسىنىڭ جانە (نەمەسە) وپەراتوردىڭ جۇزەگە اسىرىلىپ وتىرعان مىندەتتەرىن تالدايدى, ودان كەيىن دەربەس دەرەكتەر تىزبەسىن ايقىنداۋ تۋرالى ۇسىنىس دايىندايدى. مەنشىك يەسى جانە (نەمەسە) وپەراتور جاۋاپتى ادامنىن ۇسىنىسىن كارايدى جانە دەربەس دەرەكتەر تىزبەسىن بەكىتۋ تۋرالى شەشىم قابىلدايدى نەمەسە جاۋاپتى ادامگا پىسىقتاۋگا قايتارادى.جاۋاپتى ادامدار تاعايىندالگان ساتتەن باستاپ ۇسىنىستار دايىنداۋ مەرزىمى وتىز كۇنتىزبەلىك كۇننەن اسپاۋى قاجەت.پىسىقتاۋعا قايتارىلگان جاعدايدا جاۋاپتى ادام دەربەس دەرەكتەردىڭ تىزبەسىن بەس جۇمىس كۇن ىشىندە پىسىقتايدى جانە مەنشىك يەسىنە جانە (نەمەسە) وپەراتورعا بەكىتۋگە قايتا ەنگىزەدى.8. مەنشىك يەسى جانە (نەمەسە) وپەراتور اعىمداعى قىزمەت ناتيجەلەرى بويىنشا ولاردىڭ قاجەتتىلىگىن نەگىزدەي وتىرىپ نەمەسە ولاردىڭ شىنايىلىگىن راستايتىن ءتيىستى قۇجاتتار نەگىزىندە دەربەس دەرەكتەر تىزبەسىنە ولار جۇزەگە اسىراتىن مىندەتتەردى ورىنداۋ ءۇشىن قاجەتتى جانە جەتكىلىكتى وزگەرىستەر مەن تولىقتىرۋلار ەنگىزە الادى.وزدەرى جۇزەگە اسىراتىن مىندەتتەرىن ورىنداۋى ءۇشىن قاجەتتى جانە جەتكىلىكتى دەربەس دەرەكتەر تىزبەسىنە ەنگىزىلگەن وزگەرىستەر مەن تولىقتىرۋلار ولاردى قولدانىسقا ەنگىزگەن ساتتەن باستاپ قولدانىلادى جانە ونى قولدانىسقا ەنگىزگەنگە دەيىن تۋىنداعان قاتىناستارعا قولدانىلمايدى.9. وزدەرى جۇزەگە اسىراتىن مىندەتتەردى ورىنداۋ ءۇشىن مەنشىك يەسى جانە (نەمەسە) وپەراتور دەربەس دەرەكتەر تىزبەسىندە ايقىنداعان قاجەتتى جانە جەتكىلىكتى دەربەس دەرەكتەردى پايدالانۋ تەك ولاردى جيناۋدىڭ بۇرىن مالىمدەلگەن ماقساتتارىندا عانا جۇزەگە اسىرىلۋى ءتيىس.10. مەنشىك يەسى جانە (نەمەسە) وپەراتور قازاقستان رەسپۋبليكاسىنىڭ زاڭناماسىنا سايكەس وزدەرى جۇزەگە اسىراتىن مىندەتتەردى ورىنداۋ ءۇشىن قاجەتتى جانە جەتكىلىكتى تىزبەدە كورسەتىلگەن دەربەس دەرەكتەردىڭ قۇپيالىلىعىن قامتاماسىز ەتەدى.