قازاقستان رەسپۋبليكاسىنىڭ مەملەكەتتىك حاتشىسى مارات ءتاجيننىڭ توراعالىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ وتىرىسى ءوتتى, دەپ حابارلادى پرەزيدەنتتىڭ ءباسپاسوز قىزمەتى.
قازاقستان رەسپۋبليكاسىنىڭ مەملەكەتتىك حاتشىسى مارات ءتاجيننىڭ توراعالىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ وتىرىسى ءوتتى, دەپ حابارلادى پرەزيدەنتتىڭ ءباسپاسوز قىزمەتى.
وتىرىستى اشقان مەملەكەتتىك حاتشى كوميسسيانىڭ 2013 جىلعى جۇمىسىنىڭ جالپى قورىتىندىلارىنا توقتالىپ, ونىڭ «قازاقستان 2050» ستراتەگياسىندا بەلگىلەنگەن مىندەتتەردى تابىستى ىسكە اسىرۋعا قاجەتتى مامانداردى ىرىكتەۋ مەن دايارلاۋعا باعىتتالعانىن اتاپ ءوتتى.
كوميسسيا مۇشەلەرى قازاقستان رەسپۋبليكاسى پرەزيدەنتىنىڭ «بولاشاق» حالىقارالىق ستيپەندياسىن الدىن الا كونكۋرستىق ىرىكتەۋدەن وتكەن ۇمىتكەرلەرگە بەرۋ جونىندەگى ماسەلەنى قارادى.
وتىرىستا كوميسسيا 2014 جىلى باسشىلىققا الاتىن باسىمدىعى بار ماماندىقتار تىزبەسى بەكىتىلدى, سونداي-اق, كەلەسى جىلى بولىنەتىن ستيپەنديالاردىڭ جالپى سانى 1100 بولىپ بەلگىلەندى. 2014 جىلعى باسىم ماماندىقتار تىزبەسى اكادەميالىق ءبىلىم بەرۋگە ارنالعان 99 ماماندىقتى قامتيدى. ونىڭ 35-ءى مەديتسينالىق, 35-ءى تەحنيكالىق, 29-ى گۋمانيتارلىق ماماندىقتار. بۇعان قوسا, تىزبەگە عىلىمي-پەداگوگيكالىق, ينجەنەرلىك-تەحنيكالىق جانە مەديتسينا ماماندارىنىڭ تاعىلىمدامادان وتۋىنە ارنالعان 178 ماماندىق ەنەدى.
سونىمەن بىرگە, ستيپەنديادان ايىرۋ جانە كوميسسياعا كەلىپ تۇسكەن وتىنىشتەردى قاراۋعا قاتىستى ماسەلەلەر تالقىلاندى.