ۋاقىتتىڭ اجىراماس بايلانىسىن, جاڭارىپ وتىراتىن قوعامداعى جانە تاريحي كەزەڭدەردەگى مالىمەتتەردى ساقتايتىن ارحيۆ مەكەمەلەرىنىڭ ماڭىزى زور. قوستاناي وڭىرىندەگى وتكەن ۋاقىت تىنىسىنداي قۇجاتتاردى وبلىستىق ارحيۆ مەكەمەلەرى شاڭ تيگىزبەي, بۇلدىرمەي ساقتاپ كەلەدى. ۇلتتىق مۇراعات قورى, بۇل – ۋاقىتتىڭ تاريحي ەسكەرتكىشى جانە حالقىمىز ءۇشىن سارقىلماس بۇلاق بولىپ تابىلادى.
ۋاقىتتىڭ اجىراماس بايلانىسىن, جاڭارىپ وتىراتىن قوعامداعى جانە تاريحي كەزەڭدەردەگى مالىمەتتەردى ساقتايتىن ارحيۆ مەكەمەلەرىنىڭ ماڭىزى زور. قوستاناي وڭىرىندەگى وتكەن ۋاقىت تىنىسىنداي قۇجاتتاردى وبلىستىق ارحيۆ مەكەمەلەرى شاڭ تيگىزبەي, بۇلدىرمەي ساقتاپ كەلەدى. ۇلتتىق مۇراعات قورى, بۇل – ۋاقىتتىڭ تاريحي ەسكەرتكىشى جانە حالقىمىز ءۇشىن سارقىلماس بۇلاق بولىپ تابىلادى. قوستاناي ءارحيۆىنىڭ تاريحى وتكەن عاسىردىڭ باسىنان باستاۋ الادى.
1923 جىلى قاۋلى شىققان ايدا-اق وبلىستاعى دەنساۋلىق ساقتاۋ مەكەمەلەرىنەن, گۋبەرنيالىق ءوندىرىستىك اتقارۋ كوميتەتىنەن, شارۋاشىلىقتاردان, تاعى باسقا دا مەكەمە, ۇيىمداردان كولەمى 140 پۇت قۇجاتتار جيناقتالعان, ولاردى ساقتاۋعا بار-جوعى ءبىر بولمە عانا بولىنگەن ەكەن, – دەيدى وبلىستىق مۇراعاتتار جانە قۇجاتتاما باسقارماسىنىڭ باسشىسى گۇلجان مەندەكەنوۆا.
قازىر وبلىستىق ارحيۆ قورىندا قۇجاتتارى ساقتالاتىن مەكەمەلەر, ۇيىمدار مەن كاسىپورىندار سانى مىڭ قارالى بولادى. مەملەكەتتىك ارحيۆتە بۇگىندە 5176 قور بار, وندا 1 ميلليون 479 مىڭ دانا قۇجات ساقتاۋلى, ونىڭ 44 مىڭى مەملەكەتتىك تىلدە جازىلعان, فوتوسۋرەتتەر مەن بەينە, اۋديوماتەريالداردىڭ سانى 9 مىڭعا جۋىق. ماڭىزدىلىعىنا قاراي, ارحيۆ مەكەمەسى ۋاقىتپەن بىرگە كەڭەيىپ, وسە ءتۇستى. 1939 جىلى وبلىستىق ارحيۆ مەكەمەسىندە مەڭگەرۋشى, كۇزەتشى جانە ەدەن جۋشى ءۇش ادام عانا قىزمەت ەتكەن ەكەن. قازىر وبلىستىڭ ارحيۆ قىزمەتى سالاسىندا 228 ادام قىزمەت ىستەيدى, ولاردىڭ 61 پايىزى جوعارى ءبىلىمدى, اراسىندا ءبىر عىلىم كانديداتى دا بار.
قوستاناي وبلىسى ارحيۆ قىزمەتىنىڭ 90 جىلدىعىنا ارنالعان سالتاناتتى جيىنعا مادەنيەت جانە اقپارات مينيسترلىگىنىڭ اقپارات جانە ارحيۆتەر كوميتەتى ارحيۆتەر مەن قۇجاتتاما باسقارماسىنىڭ جەتەكشىسى عازيزا يساحان قاتىسىپ, وبلىستاعى ارىپتەستەرىن مەرەكەسىمەن قۇتتىقتادى. ارحيۆ قىزمەتى سالاسىنا ۇلەس قوسقان بىرقاتار قىزمەتكەرلەر مادەنيەت جانە اقپارات ءمينيسترىنىڭ, وبلىس اكىمىنىڭ ماقتاۋ گراموتالارىمەن ماراپاتتالدى.
ءنازيرا جارىمبەتوۆا,
«ەگەمەن قازاقستان».
قوستاناي