پاۆلودار وبلىسى اكىمىنىڭ ورىنباسارى ارىسلان ابدىحالىقوۆ ءوز ەركىمەن قىزمەتتەن كەتۋ تۋرالى ءوتىنىش جازدى. بۇل تۋرالى Nur.kz حابارلادى.
ا. ابدىحالىقوۆ بۇرىن كوممۋنالدىق شارۋاشىلىق جانە كورىكتەندىرۋدى دامىتۋ, ونەركاسىپ جانە كولىك ينفراقۇرىلىمى باعدارلامالارىن جۇزەگە اسىرۋ سالاسىنا باسشىلىق جاساعان ەدى. ەندى بۇل مىندەتتەردى وبلىس اكىمىنىڭ ءبىرىنشى ورىنباسارى دۇيسەنباي تۇرعانوۆ ۋاقىتشا اتقاراتىن بولادى. ول سونداي-اق ۇدەمەلى يندۋستريالىق-يننوۆاتسيالىق دامۋ, «جول كارتاسى-2020», «ءوندىرىس-2020», «پاۆلودار» ەكونوميكالىق ايماعى ماسەلەلەرىمەن دە اينالىسادى.
وبلىستىڭ جاڭا باسشىسى قانات بوزىمباەۆ ءبىرىنشى اپپارات جيىنىندا وبلىستى باسقارۋدىڭ نەگىزگى سىزباسى مەن اكىم ورىنباسارلارىنىڭ قىزمەت بولىستەرى تۋرالى مالىمدەدى. وبلىس اكىمىنىڭ ورىنباسارى ارىن ورساريەۆ بۇرىنعىسىنشا «سالاماتتى قازاقستان» جانە «اقپاراتتى قازاقستان-2020», مەملەكەتتىك ءتىلدى دامىتۋ مەن قولدانۋ مەملەكەتتىك باعدارلامالارىن قاداعالايتىن بولادى. وبلىس اكىمىنىڭ ورىنباسارى نۇرجان اشىمبەتوۆ اۋىل شارۋاشىلىعى مەن ونەركاسىپ كەشەنى, ەكولوگيا جانە قورشاعان ورتا, ورمان, اڭ جانە بالىق شارۋاشىلىعى, جەر جانە سۋ قاتىناستارى, جەر استى قازبا بايلىقتارى ماسەلەلەرىنە باسشىلىق جاسايدى.
باقىتبەك كەنەش ۇلى.
دەرەككوز: Nur.kz
فوتو: dailynews.kz