كۇنى كەشە وتكەن مەرەكە كۇندەرى قاراعاندى قالاسىنىڭ كوشەلەرى اياق استىنان كۇرت وزگەردى, ونى بويلاي ءوسىپ تۇرعان تالدارعا دەيىن بۇرشىك جارىپ, گۇلدەپ سالا بەردى. العاشىندا مۇنىڭ بايىبىنا بارماعان جەرگىلىكتى جۇرت شىنىمەن تابيعات توسىن مىنەز كورسەتىپ, «كوكتەم كەلە قالعان ەكەن» دەپ ويلاپ قالىسىپتى. ءبىراق تاپ سولاي ەكەن دەي قويايىن دەسە, اۋا رايىنىڭ جىلىپ كەتكەنى شامالى. كەرىسىنشە اقتۇتەك بوران كوتەرىلگەلى كەيىپتەگى تابيعات «تۇلەن ءتۇرتىپ» تۇردى.
كۇنى كەشە وتكەن مەرەكە كۇندەرى قاراعاندى قالاسىنىڭ كوشەلەرى اياق استىنان كۇرت وزگەردى, ونى بويلاي ءوسىپ تۇرعان تالدارعا دەيىن بۇرشىك جارىپ, گۇلدەپ سالا بەردى. العاشىندا مۇنىڭ بايىبىنا بارماعان جەرگىلىكتى جۇرت شىنىمەن تابيعات توسىن مىنەز كورسەتىپ, «كوكتەم كەلە قالعان ەكەن» دەپ ويلاپ قالىسىپتى. ءبىراق تاپ سولاي ەكەن دەي قويايىن دەسە, اۋا رايىنىڭ جىلىپ كەتكەنى شامالى. كەرىسىنشە اقتۇتەك بوران كوتەرىلگەلى كەيىپتەگى تابيعات «تۇلەن ءتۇرتىپ» تۇردى.
ال مىنا كورىنىسكە تاڭ قالماعان جان جوق. ەندى شە, كەنشىلەر استاناسىنىڭ ورتالىق داڭعىلدارىنىڭ بىرىندە الا جازداي جاپىراق جايماعان قاراعاشتاردىڭ ءوزى قىستىڭ كوزى قىراۋدا جايقالىپ شىعا كەلگەن. «باقسام, باقا ەكەن» دەگەندەي, كەيىن بەلگىلى بولدى, مۇنىڭ ءبارى تابيعاتتىڭ توسىن مىنەزىنىڭ كورىنىسى ەمەس, شەنەۋنىكتەردىڭ كەزەكتى تاپقىرلىعى عانا بولىپ شىقتى.
سوندا قالا باسشىلىعى نە ىستەگەن دەيسىزدەر عوي؟! ولار قاراعاشتىڭ ءار تۇبىنە جىپكە تىزىلگەن جاساندى جاپىراقتاردى وراپ تاستاعان. جۇرت مۇنى «قۇرمەتتى قوناقتار جۇرەتىن جەرگە جاسالعان كەزەكتى كوزبوياۋشىلىق» دەپ قابىلداپ وتىر. ويتكەنى, ساقىرلاعان سارى ايازى بار ارقا توسىندە قىستى جاز ەتۋ شەنەۋنىكتەردىڭ عانا قولىنان كەلەتىن شارۋا ەكەنىنە ەشقايسىسى ءشۇبالانباعان.
– مۇنداي جاعداي, بالكي, وڭتۇستىكتە بولىپ جاتسا, ورىندى دا شىعار. ول جاقتا پالەندەي قاتال قىس تا بولا قويمايدى عوي. ال بىزدە كوزگە وسىنىڭ ءبارى تىم قوراش, جاساندى كورىنەدى. ءتىپتى دە كوڭىلگە قونبايدى, – دەدى ءبىر وقىرمان.
– قىستى كۇنى مىنانداي جاپ-جاسىل بولىپ تۇرعانى ءبىرتۇرلى ەكەن. قىستا كەرىسىنشە اينالانىڭ تۇگەل اپپاق بولىپ تۇرعانى جاراسىمدى ەمەس پە؟ – دەدى ەكىنشىسى.
قالاي دەگەندە دە, «مەن دە اڭ-تاڭ, اپام دا اڭ-تاڭ» دەيتىن گاپ بولىپ شىققان. مۇنداي مەتامورفوزانىڭ نە ماعىنا بەرەتىنىن, ونىڭ نەنى مەڭزەيتىنىن ءالى ەشكىم تۇبەگەيلى تۇسىنە الماي وتىر.
قۇرىش نۇرىمبەت.