ىشكى ىستەر مينيسترلىگى كيبەرقىلمىسپەن كۇرەسۋ ءۇشىن IT-مامانداردى تارتۋدى جوسپارلاۋدا, دەپ حابارلايدى Egemen.kz Polisia.kz سايتىنا سىلتەمە جاساپ.
– كيبەرقىلمىسكەرلەردىڭ ارەكەتتەرى كۇشەيە تۇسۋدە, ولار دەرەكتەردى شيفرلاۋدى, IP جانە ەسەپتىك جازبالاردى جاسىرۋ باعدارلامالارىن قولدانادى. ينتەرنەتتىڭ مۇمكىندىكتەرى بالالارعا, ەكسترەميزمگە, ەسىرتكى بيزنەسىنە, پورنوگرافياعا بايلانىستى قىلمىستاردى جاساۋ ءۇشىن دە قولدانىلۋدا. سوندىقتان ءبىز كيبەرقىلمىسپەن كۇرەس ورتالىعىنىڭ شتاتىنا بىلىكتى IT-مامانداردى قوسۋدى جانە ورتالىقتى زاماناۋي باعدارلامالىق-تەحنيكالىق جابدىقتارمەن جاراقتاندىرۋدى جوسپارلاپ وتىرمىز, – دەدى مينيستر ەرلان تۇرعامباەۆ.
سونداي-اق ءىىم-دە ينتەرنەت-الاياقتىققا قارسى ءىس-قيمىل جونىندەگى ارنايى بولىمشە قۇرىلادى. ۆەدومستۆودا اتاپ وتكەندەي, پاندەميا جانە ونلاين-قىزمەتتەرگە سۇرانىستىڭ ءوسۋى كەزىندە تەك 2020 جىلدىڭ وزىندە ينتەرنەت-الاياقتىق فاكتىلەرى 2 ەسەگە (7732-دەن 14110-عا دەيىن) وسكەن.