گەرمانيادا ۆاكتسينا ەكتىرگەن ون ادام قايتىس بولدى

بۇل تۋرالى ءدارى-دارمەك قاۋىپسىزدىگى ءبولىمىنىڭ باسشىسى بريجيتتە كەللەر-ستانيسلاۆسكي حابارلادى. ونىڭ ايتۋىنشا, ماماندار بۇل ينتسيدەنتتەر مەن ۆاكتسيناتسيا اراسىندا بايلانىس جوق دەپ سانايدى.

ايتا كەتەيىك, گەرمانيادا 27 جەلتوقساننان باستاپ امەريكاندىق Pfizer كومپانياسى مەن Biontech نەمىس ستارتاپىنىڭ پرەپاراتىمەن ۆاكتسيناتسيا باستالدى.

ەڭ الدىمەن 80 جاستان اسقان ادامدارعا, قارتتار ءۇيىنىڭ تۇرعىندارى مەن قىزمەتكەرلەرىنە, دارىگەرلەرگە ۆاكتسينا ەگىلگەن. بەيسەنبى كۇنى 842 مىڭ ادام العاشقى ەگۋدەن ءوتتى.

ء«بىز جاعدايلارى وتە اۋىر ناۋقاستار تۋرالى ايتىپ وتىرمىز. بۇگىنگى مالىمەتتەرگە سۇيەنە وتىرىپ, ءبىز ولار ۆاكتسيناتسيامەن ۋاقىتشا سايكەس كەلەتىن نەگىزگى اۋرۋلاردان قايتىس بولدى دەپ بولجايمىز», دەدى كەللەر-ستانيسلاۆسكي.

ونىڭ ايتۋىنشا بۇل مالىمەتتەر ۆاكتسيناتسيا ناۋقانى اياسىندا وسى جاس ساناتىنداعى ءولىم-ءجىتىمنىڭ كۇتىلەتىن دەڭگەيىنە سايكەس كەلەدى.

قايتىس بولعانداردىڭ جاس ساناتى 79-93 ارالىعىندا, سونىمەن قاتار ناۋقاستار COVID-19 بويىنشا قاۋىپتى ايماقتا بولعان.

سونداي-اق, پول ەريح ينستيتۋتى التى ادامنىڭ پروتسەدۋراعا انافيلاكتيكالىق رەاكتسياسى بولعاندىعى تۋرالى اقپارات الدى.جالپى العاندا, ۆاكتسيناتسيامەن بايلانىستى جاناما اسەرلەردىڭ 325 جاعدايى بەلگىلى, ولاردىڭ 51-ءى اۋىر. بۇل جاناما اسەرلەردىڭ 0,53 جاعدايىنىڭ ۇلەسىنە جانە 1000 ۆاكتسيناتسياعا 0,08 اۋىر جاناما اسەرلەرگە سايكەس كەلەدى.

كەللەر-ستانيسلاۆسكيدىڭ بۇل مالىمەتتەر كورسەتكىشتەرگە سايكەس جانە ەش قاۋىپ-قاتەردى تونگىزبەيدى دەپ ەسەپتەيدى.

ايدا ورالبەك