دزيۋدودان كاتاردىڭ استاناسى – دوحادا ءوتىپ جاتقان ماستەرس ءتۋرنيرىنىڭ سوڭعى كۇنى 90, 100 جانە +100 كيلو سالماق دارەجەلەرىنىڭ جۇلدەلەرى ساراپقا سالىندى, دەپ حابارلايدى Egemen.kz.
قازاقستان قۇراما كومانداسىنىڭ مۇشەلەرى تەك 90 كيلو سالماقتا سىنعا ءتۇستى. وسى جارىستاعى ەڭ سوڭعى ءۇمىتىمىز يسلام بوزباەۆ ەدى. ازيا ويىندارى مەن ازيا چەمپيوناتىندا جۇلدە الىپ, قوس بىردەي وليمپيادادا باق سىناعان قانداسىمىز دوحادا تابىستى ونەر كورسەتەتىن شىعار دەپ توپشالادىق. بىراق ءبارى ءبىز ويلاعانداي بولمادى. يسلام العاشقى اينالىمدا-اق ءسۇرىندى. ونىڭ جولىن امەريكالىق كولتون براۋن بوگەدى. وسىلايشا, جەرلەستەرىمىز ماستەرس تۋرنيرىندە بىردە-ءبىر جۇلدەگە قول جەتكىزە العان جوق.