نۇر-سۇلتاندا قار جيناۋ جۇمىستارى ەكى اۋىسىمدا جۇرگىزىلىپ جاتىر. كوممۋنالدىق قىزمەتتەر اسىرەسە كەشكى جانە تۇنگى ۋاقىتتا قارقىندى جۇمىس ىستەيدى, دەپ حابارلايدى Egemen.kz اكىمدىكتىڭ رەسمي سايتىنا سىلتەمە جاساپ.
11 قاڭتاردان 12-سىنە قاراعان ءتۇنى قالانىڭ جولدارىن, تروتۋارلارىن, الاڭدارى مەن باسقا دا قوعامدىق اۋماقتارىن سانيتارلىق تازالاۋعا 300-دەن استام ارنايى تەحنيكا مەن 50-دەن استام جول جۇمىسشى جۇمىلدىرىلدى. وتكەن تاۋلىكتە 14 500 تەكشە مەتر قار شىعارىلدى.
بۇگىن, ياعني 12 قاڭتاردا قالا بويىنشا قار جيناۋ جۇمىستارىنا 900-گە جۋىق ارنايى تەحنيكا مەن 2000-نان استام جول جۇمىسشى جۇمىلدىرىلدى.
ەستەرىڭىزگە سالا كەتەيىك, جينالعان قار ەلوردانىڭ اۋداندارىندا ورنالاسقان ون ءبىر پوليگونعا شىعارىلادى. قالادا قار جيناۋ 24/7 رەجيمىندە جۇرگىزىلەدى. پوليگونداردا باقىلاۋ ءۇشىن فوتو-جانە بەينەكامەرالار ورناتىلعان.