پاۆلودار وبلىسىنىڭ پوليتسەيلەرى الكوگول ونىمدەرىن وتكىزۋ جونىندەگى قازاقستان رەسپۋبليكاسىنىڭ زاڭناماسىن بۇزعان اۋىل تۇرعىنىن جاۋاپكەرشىلىككە تارتتى, دەپ حابارلايدى Egemen.kz Polisia.kz سايتىنا سىلتەمە جاساپ.
پاۆلودار وبلىسىنىڭ پوليتسەيلەرى ەتيل ءسپيرتىنىڭ كولەمدىك ۇلەسى 30%-دان اساتىن الكوگول ونىمدەرىن ساعات 21:00-دەن كەلەسى كۇنى ساعات 12:00-گە دەيىن ساتپاۋ تۋرالى شەكتەۋلەردى بۇزعانى ءۇشىن دۇكەن يەسىنە قاتىستى اكىمشىلىك ءوندىرىس قوزعادى.
«رەيدتىك ءىس-شارالار بارىسىندا ءتارتىپ ساقشىلارى ۋسپەن اۋدانى اۋىلدارىنىڭ بىرىندە ورنالاسقان دۇكەندە ءوز ۇيىنەن «پوسولسكايا» اراعىن ساتۋ فاكتىسىن انىقتادى. 75 جاستاعى زەينەتكەر 61 جاستاعى اۋىل تۇرعىنىنا الكوگول ساتقان. تەكسەرۋ بارىسىندا ساتۋشىدا الكوگولدىك ىشىمدىكتەردى ساتۋعا ليتسەنزيا جوق ەكەنى انىقتالدى. دۇكەن يەسىنە قاتىستى قر اقبتك-ءنىڭ 463-بابى (تيiستi تiركەۋسiز, رۇقساتسىز نەمەسە حابارلاما جىبەرمەي كاسىپكەرلىك نەمەسە وزگە دە قىزمەتپەن اينالىسۋ, سونداي-اق ارەكەتتەردi (وپەراتسيالاردى) جۇزەگە اسىرۋ) بويىنشا اكىمشىلىك ءىس قوزعالدى, ماتەريال سوتقا جىبەرۋ ءۇشىن دايىندالۋدا», دەدى ۋسپەن اۋدانى پوليتسيا ءبولىمى جەرگىلىكتى پوليتسيا قىزمەت بولىمشەسىنىڭ باستىعى قۋاندىق شاحمانوۆ.
جىل باسىنان بەرى پاۆلودار وبلىسىندا كاسىپكەرلىك نەمەسە وزگە قىزمەتپەن اينالىسقانى, سونداي-اق تىركەۋسىز, رۇقساتسىز ارەكەتتەردى جۇزەگە اسىرعانى ءۇشىن ءبىر قۇقىق بۇزۋشى, 2020 جىلى 135 قۇقىق بۇزۋشى اكىمشىلىك جاۋاپكەرشىلىككە تارتىلدى.