التى جىل بۇرىن ەلوردادا استانا قالاسى اكىمدىگىنىڭ قولداۋىمەن قۇرىلعان جاستار تەاترى ش.ايتماتوۆ, ءا.كەكىلباەۆ شىعارمالارىنىڭ جەلىسىمەن قويىلعان «شىڭعىس حان» سپەكتاكلىمەن شىمىلدىعىن اشقان ەدى. وسى ارالىقتا ىزدەنىس ۇستىندەگى جاس تەاتر ۇجىمى حالىقارالىق, رەسپۋبليكالىق تەاتر فەستيۆالدەرىنە قاتىسىپ, بىرنەشە رەت گران-پري يەگەرى اتاندى.
التى جىل بۇرىن ەلوردادا استانا قالاسى اكىمدىگىنىڭ قولداۋىمەن قۇرىلعان جاستار تەاترى ش.ايتماتوۆ, ءا.كەكىلباەۆ شىعارمالارىنىڭ جەلىسىمەن قويىلعان «شىڭعىس حان» سپەكتاكلىمەن شىمىلدىعىن اشقان ەدى. وسى ارالىقتا ىزدەنىس ۇستىندەگى جاس تەاتر ۇجىمى حالىقارالىق, رەسپۋبليكالىق تەاتر فەستيۆالدەرىنە قاتىسىپ, بىرنەشە رەت گران-پري يەگەرى اتاندى.
بۇگىنگى تاڭدا تالانتتى جاستار قۇرامىمەن جاساقتالعان جاس تەاتردىڭ رەپەرتۋارىندا جيىرماعا جۋىق قويىلىم بار. سونداي-اق, العاش رەت ترۋپپا قۇرامىندا ت.ءجۇرگەنوۆ اتىنداعى ونەر اكادەمياسىن بيىل بىتىرەتىن 4-كۋرس ستۋدەنتتەرى الەمدىك تاجىريبەدە دۋالدى وقىتۋ جۇيەسى بويىنشا ءتاجىريبە الماسىپ جاتقان جايى بار.
جەلتوقسان ايىنىڭ باسىندا اتالمىش تەاتر مادەنيەتتىڭ ورداسى الماتىدا كىشى گاسترولدىك ساپارىن وتكىزدى. 2-جەلتوقسان كۇنى ب.سوقپاقباەۆتىڭ «...كوزىمە ءبىر كورىنسەڭ بالا عاشىق...» ساحنالىق پوۆەسى, 3-جەلتوقسان كۇنى س.راەۆتىڭ «مەككەگە قاراي ۇزاق جول» قويىلىمدارىن ۇسىندى. بۇل قويىلىمداردىڭ رەجيسسەرى – قازاقستاننىڭ ەڭبەك سىڭىرگەن قايراتكەرى نۇرقانات جاقىپباي. اتالمىش سپەكتاكلدەر قازاق تەاتر ونەرىنىڭ قاراشاڭىراعى م.اۋەزوۆ اتىنداعى مەملەكەتتىك اكادەميالىق قازاق دراما تەاترىندا ءوتتى.
وسى كىشى گاسترولدىك ساپاردى ۇيىمداستىرۋعا ۇلتتىق تەاتر ونەرىنىڭ قاراشاڭىراعى – م.اۋەزوۆ اتىنداعى قازاق مەملەكەتتىك اكادەميالىق دراما تەاترى مۇرىندىق بولعانىن ايتىپ وتكەن ابزال.
الماتى قالاسىنا باستاعان گاسترولدىك ساپار جايىندا «جاستار تەاترىنىڭ» ديرەكتورى ايبولات سەكسەنباەۆ:
– «استانالىق جاستار تەاترى از جىلدىق تاريحى بولسا دا شىعارماشىلىق باعىتىن ايقىنداعان, ءوز كورەرمەندەرى بار ۇجىم. رەپەرتۋارىمىزدا 20-عا جۋىق ءارتۇرلى جانردى قامتيتىن كوركەمدىك دەڭگەيى جوعارى قويىلىمدارىمىز كورەرمەندەرىمىزدىڭ كوڭىلدەرىنەن شىعۋدا. بۇل گاسترولدىك ساپاردى ۇيىمداستىرۋعا الەمدىك تاجىريبەگە ەنگىزىلگەن «دۋالدى وقىتۋ جۇيەسى» باعدارلاماسى سەپ بولدى. ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ 4-كۋرس ستۋدەنتتەرى مەن تەاترىمىزدىڭ كاسىبي اكتەرلەرى ءبىر ساحنادا ونەر كورسەتتى.
ايناش ەسالي,
«ەگەمەن قازاقستان».
الماتى.