ەلورداداعى ۇلتتىق اكادەميالىق كىتاپحانادا قوعام جانە مەملەكەت قايراتكەرى, جازۋشى-زەرتتەۋشى شايمۇرات قۋانعانوۆتىڭ 75 جىلدىعىنا ارنالعان شىعارماشىلىق كەش ءوتتى.
ەلورداداعى ۇلتتىق اكادەميالىق كىتاپحانادا قوعام جانە مەملەكەت قايراتكەرى, جازۋشى-زەرتتەۋشى شايمۇرات قۋانعانوۆتىڭ 75 جىلدىعىنا ارنالعان شىعارماشىلىق كەش ءوتتى.
قازاق سسر جانە قر مينيسترلەر كەڭەسىندە, اۋىل شارۋاشىلىعى مينيسترلىگىندە, پرەزيدەنت اكىمشىلىگىندە 30 جىلدان استام ۋاقىت قىزمەت اتقارعان شايمۇرات قۋانعانوۆ ماسكەۋدەگى تيميريازەۆ اتىنداعى اۋىل شارۋاشىلىق اكادەمياسىنىڭ تۇلەگى.
ونىڭ قالامىنان «بۇقار جىراۋ جانە ونىڭ زامانى» جانە «اري-گۋن» سكۆوز ۆەكا ي پروسترانستۆو: سۆيدەتەلستۆا, توپونيمى» اتتى كىتاپتار تۋدى. كەيىنگى كىتاپ اۆتوردىڭ 2008 جىلى جارىق كورگەن وسى اتتاس كىتابىنىڭ تولىقتىرىلعان جانە تۇزەتىلگەن نۇسقاسى بولىپ تابىلادى. بەلگىلى توپونيمدەر, جەر اتاۋلارىنىڭ نەگىزىندە ەجەلگى تۇركى رۋلارى مەن تايپالارىنىڭ تاريحي جۇرگەن جولدارى قارالادى. باسىلىمدا مۇراعات ماتەريالدارىنىڭ نەگىزىندە كير, ەسكەندىر زۇلقارنايىن, اتتيلا-ەدىل, كونە دۇنيەنىڭ ايگىلى فيلوسوفتارى ەسىمدەرىمەن بايلانىستى تاريحي وقيعالار كورىنىس تاپقان. شايمۇرات قۋانعانوۆتىڭ قازاقتاردىڭ تاريحى تۋرالى عىلىمي ەڭبەكتەرى دە ءباسپاسوز بەتتەرىندە جاريالانىپ ءجۇر.
شىعارماشىلىق كەشكە اقىن-جازۋشىلار, بەلگىلى قوعام قايراتكەرلەرى, ءانشى-جىرشىلار مەن باق وكىلدەرى قاتىستى.
«ەگەمەن-اقپارات».