ەۋرازيا ۇلتتىق ۋنيۆەرسيتەتىندە «القا» ادەبي كلۋبىنىڭ ۇيىمداستىرۋىمەن «ەڭ ءبىرىنشى باقىتىم» اتتى استانا ستۋدەنتتەرىنىڭ ايتىسى ءوتتى. ءدۇبىرلى باسەكەگە قالامىزداعى ءتورت جوعارى وقۋ ورنىنىڭ سۋىرىپسالما اقىندارى قاتىستى.
ەۋرازيا ۇلتتىق ۋنيۆەرسيتەتىندە «القا» ادەبي كلۋبىنىڭ ۇيىمداستىرۋىمەن «ەڭ ءبىرىنشى باقىتىم» اتتى استانا ستۋدەنتتەرىنىڭ ايتىسى ءوتتى. ءدۇبىرلى باسەكەگە قالامىزداعى ءتورت جوعارى وقۋ ورنىنىڭ سۋىرىپسالما اقىندارى قاتىستى.
«ايتىس – ءسوز بارىمتاسى» دەپ زاڭعار جازۋشىمىز مۇحتار اۋەزوۆ ايتپاقشى, اتا-بابادان ۇرپاققا ميراس بولىپ قالعان بايلىعىمىز بۇگىنگى كۇنى دە بارىنشا دارىپتەلىپ كەلەدى. ستۋدەنتتەر سايىسىنا سەيىت قاسقاباسوۆ, راقىمجان تۇرىسبەك, بالعىنبەك يماشەۆ, ءنامازالى وماشەۆ, كەنجەعالي مىرجىقباي, قالقامان سارين, اينۇر تۇرسىنباەۆا, سارا تاستانبەكقىزى, جانداربەك بۇلعاقوۆ, مۇقتار نيازوۆ سىندى بەلگىلى ونەر جاناشىرلارىنىڭ قازىلىق ەتۋى دە تەگىن بولماسا كەرەك.
الدىمەن ايتىسكەرلەر بەس جۇپقا ءبولىنىپ, ءوزارا باق سىنادى. «تۇلپاردا دا تۇلپار بار, قازاناتى ءبىر بولەك, جىگىتتە دە جىگىت بار, ازاماتى ءبىر بولەك» دەمەكشى, دودادان وزا شاپقاندار اقتىق سايىستا كەزدەستى. ءسويتىپ, باس جۇلدەنى ەۋرازيا ۇلتتىق ۋنيۆەرسيتەتىنىڭ ءۇشىنشى كۋرس ستۋدەنتى مەيىربەك سۇلتانحان ەنشىلەدى.
ايتىسكەرلەردىڭ بارلىعىنا دەرلىك «جادىگەر» قوعامدىق قورى مەن «سەنىم» كاسىپوداق ۇيىمىنىڭ اتىنان ءتۇرلى باعالى سىيلىقتار تابىستالدى.
كامشات جۇباتحانوۆا,
ەۋرازيا ۇلتتىق ۋنيۆەرسيتەتىنىڭ
1-كۋرس ستۋدەنتى.