بۇعان دەيىن امەريكا قۇراما شتاتتارىندا رەسمي ساپارمەن بولىپ, بىرقاتار رەسمي ادامدارمەن ەكىجاقتى كەلىسسوزدەر جۇرگىزگەن ەلىمىزدىڭ باس پروكۋرورى اسحات داۋىلباەۆ كاناداعا ساپارى اياسىندا بىرقاتار مەملەكەتتىك ورگانداردىڭ باسشىلارىمەن كەزدەسۋ وتكىزدى.
بۇعان دەيىن امەريكا قۇراما شتاتتارىندا رەسمي ساپارمەن بولىپ, بىرقاتار رەسمي ادامدارمەن ەكىجاقتى كەلىسسوزدەر جۇرگىزگەن ەلىمىزدىڭ باس پروكۋرورى اسحات داۋىلباەۆ كاناداعا ساپارى اياسىندا بىرقاتار مەملەكەتتىك ورگانداردىڭ باسشىلارىمەن كەزدەسۋ وتكىزدى.
سەنات سپيكەرى نوەل كينسەللامەن كەزدەسۋ بارىسىندا ا.داۋىلباەۆ قۇقىقتىق سالاداعى ىنتىماقتاستىقتىڭ كەلەشەگىن تالقىلادى. قازاقستان مەن كانادا اراسىندا دوستىق پەن ءوزارا ءتيىمدى قارىم-قاتىناس ورناعاندىعىنا قاناعاتتانۋشىلىق سەزىممەن نازار بولگەن اڭگىمەلەسۋشىلەر بۇل ساپاردىڭ ارىپتەستىكتىڭ ودان ءارى دامۋىنا, ەكى ەلدىڭ قۇقىقتىق جۇيەلەرىنىڭ دامۋ تاجىريبەلەرىمەن الماسۋعا جاسالعان ماڭىزدى قادام ەكەندىگىن اتاپ ءوتتى.
قازاقستان پروكۋراتۋراسىنىڭ قاداعالاۋشىلىق جانە قۇقىق قورعاۋ قىزمەتىنىڭ نەگىزگى باعىتتارى تۋرالى اڭگىمەلەپ بەرگەن باس پروكۋرور قازىرگى زامانعى قاۋىپ-قاتەرلەرگە قارسى تۇرۋ ورايىندا حالىقارالىق قۇقىقتىق ىنتىماقتاستىقتى كەڭەيتۋدىڭ ماڭىزدىلىعىنا ەرەكشە نازار اۋدارىلىپ وتىرعاندىعىنا توقتالدى.
كانادا ازىرگە قازاقستان قىلمىستىق ىستەر بويىنشا ءوزارا قۇقىقتىق كومەك كورسەتۋ تۋرالى كەلىسىمشارت جاساسقان امەريكا قۇرلىعىنداعى جالعىز مەملەكەت بولىپ تابىلادى. قازىرگى ۋاقىتتا قول قويىلعان كەلىسىمشارت راتيفيكاتسيالانۋعا ازىرلەنۋ ۇستىندە.
كانادانىڭ ازاماتتىق جانە يمميگراتسيا ءمينيسترى كريس الەكساندەرمەن كەزدەسۋى بارىسىندا باس پروكۋرور كوشى-قون پروتسەسىن قۇقىقتىق رەتتەۋ سالاسىنداعى كانادالىق تاجىريبەنى زەردەلەۋگە مۇددەلىلىك تانىتتى.
كانادا ادىلەت ءمينيسترىنىڭ ءبىرىنشى ورىنباسارى جانە باس پروكۋرورى ۋيليام پينتنيمەن كەزدەسۋ بارىسىندا ترانسۇلتتىق ۇيىمداسقان قىلمىسپەن, ەسىرتكىنىڭ زاڭسىز اينالىمىمەن, كيبەرقىلمىستىلىقپەن ءجانە تەرروريزممەن كۇرەس سالالارىنداعى ءوزارا ءىس-قيمىلدىڭ وزەكتى ماسەلەلەرى تالقىلاندى, دەپ حابارلادى قازاقستان رەسپۋبليكاسى باس پروكۋراتۋراسىنىڭ ءباسپاسوز قىزمەتى.