ADAL پارتياسىنان پارلامەنت ءماجىلىسى مەن ءماسليحات دەپۋتاتتىعىنا ۇمىتكەرلەر ەلىمىزدىڭ تۇكپىر-تۇكپىرىندە كەزدەسۋلەر وتكىزىپ, ايماق تۇرعىندارىمەن كەزدەسۋدە.
كەزدەسۋ بارىسىندا ADAL پارتياسىنىڭ ەكونوميكا سەكتورلارىن دامىتۋدىڭ جاڭا يدەيالارى, ءارتۇرلى ساناتتاعى ازاماتتاردى قولداۋ جونىندەگى ۇسىنىستارى, كوپشىلىكتى تولعاندىراتىن وزەكتى پروبلەمالار تالقىلاندى.
پاۆلودار وبلىسىندا بىرقاتار كەزدەسۋ ءوتتى. جيىندار نەگىزىنەن كوشە بويلارىندا جانە ساۋدا ورىندارىندا ۇيىمداستىرىلدى. ماسەلەن, شىدەرتى اۋىلىندا بولىپ قايتقان ولجاس ورداباەۆ پەن اقمارال بەكمىرزاەۆا باعدارلامانىڭ نەگىزگى تارماقتارىن كورسەتىپ, پارتيانىڭ جالپى يدەولوگياسى مەن قۇندىلىقتارى تۋرالى ايتىپ بەردى.
اۋىل تۇرعىندارى بولسا ناۋقاستاردىڭ ءدارى-دارمەكپەن ۋاقتىلى قامتاماسىز ەتىلمەۋى, سونداي-اق جايىلىمدىق جەردىڭ جوقتىعى سىندى بىرنەشە ماسەلەمەن شاعىمداندى. ولجاس ورداباەۆ بۇل ماسەلەلەر پارتيانىڭ باقىلاۋىنا الىناتىنىن حابارلادى.
ەكىباستۇز قالاسىنىڭ تۇرعىندارى نەسيە ماسەلەسىنە توقتالدى. اقمارال بەكمىرزاەۆا پارتيانىڭ پروبلەمالىق نەسيەلەرگە راقىمشىلىق جاساۋ ۇسىنىسى تۋرالى ايتتى.
كەزدەسۋ بارىسىندا ولجاس ورداباەۆ ەلىمىزدىڭ ءاربىر تۇرعىنى پارتيانىڭ ۆەب-سايتى ارقىلى كەز كەلگەن ايماقتى دامىتۋ بويىنشا ءوز ۇسىنىستارىن ەنگىزۋگە, ەلدى مەكەندەردىڭ بيۋدجەتتەرى تۋرالى اقپارات الۋعا مۇمكىندىكتەرى بار ەكەنىن جەتكىزدى. جيىنعا كەلگەن كوپ بالالى انالاردىڭ ءبىرى كاسىبىن كەڭەيتۋ جولدارىن سۇرادى. سپيكەر پارتيانىڭ كوپ بالالى وتباسىلاردىڭ پايداسىنا جۇمىس ىستەپ جاتقاندىعىن باسا ايتتى. ء«اربىر كوپ بالالى ايەل تەك ااك-كە سەنىپ قانا قويماي, ءوز بيزنەسىن دامىتا ءتۇسۋى كەرەك, بۇل ءۇشىن پارتيانىڭ ناقتى ۇسىنىستارى بار جانە ادامدارعا كاسىپكەرلىك مەحانيزمدەرىن جۇزەگە اسىرۋعا كومەكتەسۋگە دايىن», دەدى ولجاس ورداباەۆ.
اقسۋ قالاسىنىڭ تۇرعىندارى ءبىلىم ساپاسىن ارتتىرۋ جانە كاسىپتىك باعدار بەرۋدە كومەك كورسەتۋ ماسەلەلەرىن كوتەردى. ۇمىتكەرلەر سايتتا ستۋدەنتتەرگە بىلىمدەرىن تەكسەرۋگە جانە ۋنيۆەرسيتەت تاڭداۋ تۋرالى شەشىم قابىلداۋعا كومەكتەسەتىن قىزمەت بار ەكەنىن ايتتى.
ودان ءارى كەزدەسۋ كوكتوبە اۋىلىندا جالعاستى. كەزدەسۋلەر سوڭىندا دەپۋتاتتىققا كانديداتتار ءار ازاماتتىڭ پىكىرى, ونىڭ وتىنىشتەرى پارتيا ءۇشىن ماڭىزدى ەكەنىن ايتتى. وسىنىڭ ارقاسىندا مىندەتتەر قالىپتاسادى جانە ولاردى شەشۋ تەتىكتەرى تۇزىلەدى.
ال الماتى وبلىسىندا دەپۋتاتتىققا كانديدات ءلاززات شىڭعىسباەۆا سايلاۋشىلارمەن كەزدەستى. ول تۇيمەباەۆ اۋىلىنىڭ اشىبۇلاق اۋىلدىق وكرۋگىندە شەگە شىعاراتىن زاۋىت جۇمىسشىلارىمەن كەزدەسىپ, وتەگەن باتىر جانە قاپشاعاي قالاسىنىڭ تۇرعىندارىمەن اڭگىمەلەستى.
ءلاززات شىڭعىسباەۆا جاقىندا ىسكە قوسىلعان سايت ارقىلى ايماقتار تۇرعىندارىنىڭ بارلىق ماسەلەسىنەن حاباردار ەكەنىن ايتتى. تۇرعىندار ەلدى مەكەندەردى اباتتاندىرۋ ماسەلەلەرىن كوتەرىپ, ADAL پارتياسىنىڭ جوسپارىن تالقىلادى.
كەيبىر تۇرعىندار پارتيانىڭ سايلاۋ الدىنداعى ۋادەلەردى ۇمىتىپ كەتۋى مۇمكىن ەكەنىن ەسكەرتتى. بىراق ل.شىڭعىسباەۆا ADAL پارتياسىنان دەپۋتاتتىققا ۇمىتكەرلەردىڭ بارلىعى سايلاۋشىلارىنىڭ مۇددەسى ءۇشىن كۇرەسەدى دەپ جاۋاپ بەردى. سپيكەردىڭ ايتۋىنشا, كوماندا مىقتى ءارى جىگەرلى جاستاردان قۇرالعان. ء«ار كانديدات ءوز سالاسىنىڭ مامانى, قوعام ءۇشىن ءارتۇرلى ۇلكەن, ماڭىزدى ىستەر اتقارىپ ءجۇر», دەدى كانديدات.
شىمكەنت قالاسىندا دا جەرگىلىكتى تۇرعىندارمەن كەزدەسۋ ءوتتى. وعان ADAL پارتياسىنان پارلامەنت ءماجىلىسى دەپۋتاتتىعىنا ۇمىتكەرلەر ماقسات تولىقباي مەن الماسبەك سادىرباەۆ قاتىستى.
ماقسات تولىقباي پارتيا باعدارلاماسى تۋرالى ايتىپ بەردى. سۇراقتارعا جاۋاپ بەرە وتىرىپ, پارتيا باعدارلاماسىندا مەديتسينا سالاسى ماسەلەلەرى قاراستىرىلعانىن ەسكە سالدى. ء«بىز پارلامەنتكە وتسەك تە, وتپەسەك تە ۇگىت-ناسيحات كەزەڭى اياقتالعاننان كەيىن مينيسترلىكتەرمەن جانە اكىمدىكتەرمەن بىرلەسكەن جوبالىق كەڭسەلەر قۇرىلادى. ولار پارتيا باعدارلاماسىن جۇزەگە اسىرۋ ءۇشىن بەلسەندى جۇمىس ىستەيتىن بولادى», دەدى ۇمىتكەر.
پارلامەنت ءماجىلىسىنىڭ دەپۋتاتتىعىنا ۇمىتكەر ارداق نازاروۆ ءبىلىم بەرۋ باعدارلاماسىنا جاڭاشىلدىق ەنگىزۋ قاجەتتىگىن ەسكە سالدى. ونىڭ ايتۋىنشا, سپورت مەكتەپ ءتارتىبى دەڭگەيىندە توقتاماي, جوعارى دەڭگەيدە دامۋى كەرەك.
فەرمەرلەرمەن كەزدەسۋ بارىسىندا الماسبەك سادىرباەۆ اوك پەن بيزنەستى قولداۋ شارالارى تۋرالى ايتىپ بەردى.
پارتيا مۇشەلەرى تاراز قالاسىنداعى «تاراز-عاسىر» كوللەدجىندە جاستارمەن كەزدەستى. ارداق نازاروۆ ولارعا ءوزى تۋرالى, بالالىق شاعى, سپورتتىق مانسابىن قالاي باستاعانى تۋرالى ايتىپ بەردى. «ەڭبەكقور بولۋ ماڭىزدى. تەك ەڭبەك ارقىلى عانا تابىس پەن مولشىلىققا قول جەتكىزۋگە بولادى», دەپ اتاپ ءوتتى ول.
ADAL پارتياسىنان ءماجىلىس دەپۋتاتتىعىنا كانديدات پارتيالىق باعدارلامانىڭ باسىمدىقتارى تۋرالى دا ءسوز ەتتى. ايماق جاستارىنىڭ تۇرعىن ءۇي, سپورتتا ءوزىن ءوزى دامىتۋ جانە سپورتتىق ينفراقۇرىلىمدى جاقسارتۋ تۋرالى نە ويلايتىنىن بىلە وتىرىپ, ارداق نازاروۆ باعدارلامانىڭ وسى باعىتتارعا ارنالعان تارماقتارى تۋرالى ەگجەي-تەگجەيى ايتىپ بەردى.