اتىراۋ وبلىسى ماحامبەت اۋدانىندا تۇراتىن ءبىر ايەلدىڭ اجالى تۋعان ۇلىنان كەلىپ وتىر.
اتىراۋ وبلىسى ماحامبەت اۋدانىندا تۇراتىن ءبىر ايەلدىڭ اجالى تۋعان ۇلىنان كەلىپ وتىر.
اۋداندىق پروكۋروردىڭ اعا كومەكشىسى اقتولقىن بۋدەنوۆانىڭ اقپارىنشا, اۋدان ورتالىعىنداعى جەكە ۇيلەردىڭ بىرىنەن دەنەسىندە ساۋ تامتىعى جوق 62 جاستاعى ايەلدىڭ ءمايىتى تابىلعان. كەيىن تەكسەرۋ جۇمىستارى ايەلدى سودان ءبىر كۇن بۇرىن تۋعان ۇلىنىڭ ۇرىپ-سوعىپ, سونىڭ سالدارىنان ءولىم وقيعاسى ورىن العانى انىقتالدى. قۇقىق قورعاۋ ورگاندارى قىزمەتكەرلەرى كۇدىكتىگە بولعان جايدى قولىمەن قويعانداي ەتىپ ايتىپ بەرىپ, ونى تۇتقىنعا الدى.
العاشقى تەرگەۋ بارىسىندا-اق جىگىت تەرگەۋشىلەرگە ءوزىنىڭ قاتتى ماس بولىپ, ىستەگەن ىستەرىنە ەسەپ بەرمەگەنىن, سول كەشتە اناسىنان اقشا سۇراعانىن, ال ونى بەرمەگەسىن, قاتتى اشۋلانىپ ۇرىپ تاستاعانىن, ونىڭ سوڭى وسىلاي ولىمگە اپارىپ سوقتىرعانىن بايانداپ شىققان.
قۇرىش نۇرىمبەت.