ءبىزدىڭ كەزىمىزدە قازىرگىدەي اقپاراتتىق تەحنولوگيا بولعان جوق. مەن عالىم رەتىندە قانداي بيىكتەرگە جەتسەم دە, كىتاپ پەن مەرزىمدى باسىلىمدارعا قارىزدارمىن. سونىڭ ىشىندە كەزىندە «سوتسياليستىك قازاقستان» اتالعان قازىرگى «ەگەمەن قازاقستان» گازەتىنىڭ ورنى ايرىقشا. ونىڭ ەلىمىزبەن بىرگە جاساسىپ كەلە جاتقان بايىرعى باسىلىم رەتىندە دە وزىندىك ۇستانىمىمەن وقىرماندارىنىڭ كوڭىلىنەن بەرىك ورىن العانى شىندىق.
جاستىق شاقتا ەلىمىزدىڭ باس باسىلىمىن وقۋدى ادەتكە اينالدىرعانىمىز سونشالىق, ءالى كۇنگە ءبىر سانىن جىبەرىپ الساق, ءبىر نارسە جەتپەيتىندەي كادىمگىدەي كوڭىلىمىز قوڭىلتاقسىپ تۇرادى.
ءبىزدىڭ كەزىمىزدە قازىرگىدەي اقپاراتتىق تەحنولوگيا بولعان جوق. مەن عالىم رەتىندە قانداي بيىكتەرگە جەتسەم دە, كىتاپ پەن مەرزىمدى باسىلىمدارعا قارىزدارمىن. سونىڭ ىشىندە كەزىندە «سوتسياليستىك قازاقستان» اتالعان قازىرگى «ەگەمەن قازاقستان» گازەتىنىڭ ورنى ايرىقشا. ونىڭ ەلىمىزبەن بىرگە جاساسىپ كەلە جاتقان بايىرعى باسىلىم رەتىندە دە وزىندىك ۇستانىمىمەن وقىرماندارىنىڭ كوڭىلىنەن بەرىك ورىن العانى شىندىق.
جاستىق شاقتا ەلىمىزدىڭ باس باسىلىمىن وقۋدى ادەتكە اينالدىرعانىمىز سونشالىق, ءالى كۇنگە ءبىر سانىن جىبەرىپ الساق, ءبىر نارسە جەتپەيتىندەي كادىمگىدەي كوڭىلىمىز قوڭىلتاقسىپ تۇرادى.
مۇنىڭ ءوزى «ەگەمەننىڭ» ەلدىڭ مۇددەسىن كوزدەيتىن ماتەريالدارىنىڭ قۇندىلىعىنان دا بولار. قاشاندا باسىلىمدا جاريالانعان ماتەريالدار سالماقتى وي, ساليقالى پىكىرگە قۇرىلادى. ءبىر ساتتىك سەنساتسيا قۋىپ كەتپەيدى, ەلدىكتىڭ, بىرلىكتىڭ ءسوزىن سويلەيدى. حالىقتى تاربيەلەۋگە, جاقسىعا تالپىندىرۋعا ىقپال ەتەتىن ماسەلەلەردى قوزعايدى. قازاقتىڭ, مەملەكەتىمىزدىڭ تاريحى, سالت-ءداستۇرى, مادەنيەتى مەن ادەبيەتى, وتكەنى مەن بۇگىنى, الاشتىڭ ارداقتىلارى جايلى ەڭ جەرىنە جەتكىزە جازاتىن «ەگەمەن» دەسەم, ارتىق ايتقاندىق بولماس. جازعاندا دا جەرىنە جەتكىزە, يلەۋىن قاندىرا, قازاق ءتىلىنىڭ مايىن تامىزا وتىرىپ, وقىرمانعا قاجەتتى دەرەكتەردى مول كەلتىرەتىنى ۇنايدى.
ەلىمىزدىڭ باس باسىلىمىندا اتاقتى عالىمدار, جازۋشىلار, ونەر قايراتكەرلەرى قالامىنان تۋعان تاريحي-تانىمدىق تۋىندىلار كىم-كىمدى دە وزىنە تارتا تۇسەتىنى بارشاعا ايان نارسە. كۇندەلىكتى ساندارىنان باسقا ءار ايدىڭ سوڭعى سارسەنبىسىندە 16 بەت بولىپ شىعاتىن «ەتجەڭدى «ەگەمەن» سانىن جاتا-جاستانا وقيتىنىمىزدى جاسىرۋدىڭ رەتى جوق. مۇنداعى ماتەريالداردى كوزى اشىق, كوكىرەگى وياۋ ازاماتتاردىڭ بارلىعى دا قالت جىبەرمەيتىنىن كورىپ ءجۇرمىز. ءتىپتى قازىر تەلەديدارعا, ينتەرنەتكە بوي الدىرعان ستۋدەنت جاستار اراسىندا بۇل باسىلىمنىڭ بەدەلى بيىك. ولار باسىلىمدا جاريالانعان ماتەريالداردان كوپ ماعلۇمات الاتىندارىن ايتادى. سوندىقتان بولار, تارالىمى ەڭ كوپ باسىلىم دا وسى گازەت.
«ەگەمەن» كوپۇلتتى, كوپكونفەسسيالى ەلىمىزدەگى تاتۋلىق پەن بىرلىكتىڭ بىرىكتىرۋشىسى ىسپەتتى, ىلعي دا حالىقتار اراسىنداعى دوستىقتى ناسيحاتتايتىن ماتەريالدار ۇسىنادى. ەلباسىنىڭ سارا ساياساتىن جۇزەگە اسىرۋدىڭ بارىسىمەن, وڭىرلەردەگى وڭ وزگەرىستەرمەن دە وسى باسىلىمنان حاباردار بولا الاسىڭ. ۇلتتىق قۇندىلىقتارىمىزدى ۇلىقتاۋ ۇستانىمى دا ورنىقتى. ءبىر سوزبەن ايتقاندا, بۇل گازەتتىڭ اقپاراتتار ايدىنىندا وزىندىك قولتاڭباسى قالىپتاسقان بەدەلدى باسىلىم ەكەنى ءسوزسىز. سوندىقتان دا, ءار قازاقتىڭ وتباسىندا «ەگەمەندى» اسىعا كۇتەدى.
امانگەلدى ايتالى,
فيلوسوفيا عىلىمدارىنىڭ
دوكتورى, پروفەسسور.
اقتوبە وبلىسى.