الماتى قالاسىنىڭ تۇرعىنى ورتالىق اۋماقتاردىڭ بىرىنەن مينا تاۋىپ الدى. بۇل تۋرالى Kazakhstan Today حابارلادى.
الماتى قالالىق ىشكى ىستەر دەپارتامەنتىنىڭ رەسمي وكىلى, مايور سالتانات ازىربەكتىڭ مالىمدەۋىنشە, بۇگىن ءوڭىر تۇرعىنى جەلتوقسان-ساتپاەۆ كوشەلەرىنىڭ قيىلىسىنان ميناعا ۇقساس مەتالل زات تاۋىپ العان. «ارلان» ارناۋلى باعىتتاعى ساپەرلەر توبى جانە توتەنشە جاعدايلار قىزمەتكەرلەرى ىشكى ىستەر دەپارتامەنتىنە كەلىپ تۇسكەن بۇل اقپاردى تەكسەرۋ بارىسىندا 82 مم كاليبرلى مينومەنت قارۋىنان اتىلۋعا ارنالعان سنارياد ەكەنىن انىقتادى.
«وقيعا بولعان جەردە ىسكە الماتى پوليتسياسىنىڭ 18 ادامى مەن 6 اۆتوكولىك بىرلىگى تارتىلدى. قاۋىپسىزدىك شارالارى ماقساتىندا اۋماق قورشاۋعا الىندى, بىراق ەۆاكۋاتسيا جاسالعان جوق», – دەپ ءتۇسىندىردى ىشكى ىستەر دەپارتامەنتىنىڭ وكىلى.
باقىتبەك كەنەش ۇلى.
دەرەككوز: Kazakhstan Today