بۇگىن, 4 جەلتوقسان كۇنى حالىق ساناعىنا بولىنگەن ميلليونداعان اقشانى جىمقىردى دەپ ايىپتالعان انار مەشىمباەۆاعا قاتىستى استانا قالاسىنداعى №2 سارىارقا اۋداندىق سوتىندا سوت وتىرىسى باستالدى. بۇل تۋرالى Nur.kz حابارلادى.
ا. مەشىمباەۆاعا قاتىستى قىلمىستىق ءىستى سۋديا اقمارال يساەۆا قارايتىن بولدى. وسى ءىستىڭ نەمەن اياقتالعانىن جاقىن ارادا قوسىمشا حابارلايمىز. ال 43 جاستاعى ا. مەشىمباەۆا شەتەلدە بوي تاسالاپ جۇرگەندە, ەلىمىزدە ءبىرشاما وزگەرىستەردىڭ ورىن العانى ءمالىم. «حالىق ساناعىنا بولىنگەن قارجىنى قالتاسىنا باستى» دەگەن ايىپپەن بۇرىنعى ەكى ورىنباسارى مەن "كيىك" فيرماسىنىڭ قۇرىلتايشىسى, بەلگىلى كاسىپكەر سەرىك تۇرجانوۆ سوتتالىپ كەتتى. دەگەنمەن, وسى 700 ملن. تەڭگە تۋرالى العاش ءسوز قوزعالعاندا, ا:مەشىمباەۆانىڭ ءوزى "قارجى پوليتسياسىنىڭ بۇل دەرەگى قاتە" دەپ سۇحبات بەرگەن بولاتىن...
قاماۋداعى ا. مەشىمباەۆا ءازىر وزىنە تاعىلعان ايىپتى مويىنداپ وتىرعان جوق. ادۆوكاتى بوتاكوز بەيسەمباەۆانىڭ ايتۋىنشا, ەكس-شەنەۋنىك سوت بارىسىندا ءوزىن اقتاپ الاتىن دايەكتەر كەلتىرمەك.سونداي-اق, ول سوت پروتسەسىنە ونىڭ تۋىستارى, ياعني قارت اكە-شەشەسى مەن 18 جاستاعى قىزى دا كەلۋى مۇمكىن ەكەنىن ايتتى. جالپى, ا.مەشىمباەۆانىڭ ءوزى جانە ادۆوكاتى بۇل سوت پروتسەسىن اقپارات قۇرالدارىنىڭ كورسەتۋىنە قارسى ەمەس.
باقىتبەك كەنەش ۇلى.
دەرەككوز: Nur.kz