كيەۆتە ەۋروينتەگراتسيانى قولداۋشىلاردىڭ نارازىلىق اكتسيالارى جالعاسۋدا. بۇل تۋرالى يتار-تاسس حابارلادى.
«باتكيۆششينا» پارتياسىنىڭ توراعاسى ارسەني ياتسەنيۋك نيكولاي ازاروۆتىڭ ۇكىمەتى وتستاۆكاعا كەتپەيىنشە پارلامەنتتىڭ جۇمىسى توقتاپ تۇراتىنىن مالىمدەدى.
ۋكراينا وپپوزيتسياسى جوعارعى رادانىڭ پلەنارلىق وتىرىسىن بۇزۋعا مۇددەلى ەكەندەرىن جەتكىزگەن. پارلامەنت سپيكەرى ۆلاديمير رىباك وتىرىستى اشپاي جاتىپ, «باتكيۆششينا» وپپوزيتسيالىق فراكتسياسىنىڭ دەپۋتاتتارى زاڭ شىعارۋ ورگانى تريبۋناسىن بوگەپ تاستادى. كەزەكتى ۇكىمەت وتىرىسى ءوتۋى ءتيىس بولعان مينيسترلەر كابينەتى عيماراتىنىڭ الدىنا جۇزدەن اسا ەرەۋىلشى جينالدى. كىرەبەرىستە مەتاللدان جاسالعان قورشاۋ, ال ونىڭ سىرتىندا ميليتسيا قىزمەتكەرلەرى ساپ تۇزەپ تۇر.
تاۋەلسىزدىك مايدانىندا ۇيىمداستىرىلعان ميتينگ وتۋدە. ونداعى ەرەۋىلشىلەردىڭ ءبىر بولىگى تۇنگى كەزەكشىلىكتەن ۇيلەرىنە قايتتى. دەگەنمەن, تاعى بىرنەشە ءجۇز ادام الاڭدا قالىپ, ميتينگتى جالعاستىردى. ال پرەزيدەنت اكىمشىلىگى الدىندا ورىن العان تارتىپسىزدىكتەردىڭ توعىز قاتىسۋشىسى ەكى ايعا قامالدى. ولاردىڭ بارلىعىنا «جاپپاي تارتىپسىزدىك ۇيىمداستىرۋعا قاتىسقان» دەگەن ايىپ تاعىلدى.
ايدار ورىسباەۆ.
دەرەككوز: Itar-tass.com