ساۋد ارابياسى كورولدىگىنىڭ استاناسى ەر-ريادتا وتكەن يسلام الەمىندەگى بەلدى ۇيىمداردىڭ ءبىرى – حالىقارالىق يسلام فيقھى (كانونى) اكادەمياسىنىڭ XXI سەزىندە قازاقستان تۇڭعىش رەت وسى ۇيىمنىڭ تۇراقتى مۇشەسى بولىپ قابىلداندى.
ساۋد ارابياسى كورولدىگىنىڭ استاناسى ەر-ريادتا وتكەن يسلام الەمىندەگى بەلدى ۇيىمداردىڭ ءبىرى – حالىقارالىق يسلام فيقھى (كانونى) اكادەمياسىنىڭ XXI سەزىندە قازاقستان تۇڭعىش رەت وسى ۇيىمنىڭ تۇراقتى مۇشەسى بولىپ قابىلداندى.
45 ەلدەن كەلگەن يسلام عۇلامالارى مەن فاقيھتەرى القالى جيىندا مۇسىلمان الەمىنىڭ وزەكتى ماسەلەلەرى بويىنشا پىكىر الماسىپ, مۇسىلمان جۇرتشىلىعىن الاڭداتىپ جۇرگەن تاقىرىپتاردى تالقىعا سالدى. عالىمداردىڭ التى كۇندىك عىلىمي كەڭەسىنىڭ ناتيجەسىندە «گەنەتيكا, گەندىك ينجەنەريا, ادام گەنومى», «سۋكۋك (يسلام بانكتەرىنىڭ ءونىمى) قۇرالى», «قارجىلىق وپەراتسيالارداعى حەدج», «مالدى توقپەن ۇرۋ ارقىلى باۋىزداۋ», «يسلام ءمازھابتارى اراسىنداعى ديالوگ», «جۇرگىزۋشىلەردىڭ جىلدامدىقتى شامادان تىس اسىرۋلارى مەن جول ەرەجەلەرىنە دەگەن نەمقۇرايلىقتارىنا قاتىستى قىلمىستىق جاۋاپكەرشىلىك», «تاماق ونىمدەرى مەن ءدارى-دارمەككە الكوگول نەمەسە شوشقا مايى سەكىلدى حارام زاتتاردى, ءتۇرلى قوسپالاردى قوسۋ» سىندى ماسەلەلەرگە قاتىستى عالىمداردىڭ ءپاتۋالارى شىقتى.
1977 جىلى نەگىزى قالانعان حالىقارالىق يسلام فيقھى (كانونى) اكادەمياسى – بۇگىنگى يسلام عۇلامالارى مەن فاقيھتەرىنىڭ باسىن قۇرايتىن مۇسىلمانداردىڭ عىلىمي ورتالىعى بولىپ ەسەپتەلەدى. قۇرامىنا 57 ەلدىڭ عالىمدارى كىرەتىن قاراشاڭىراقتا قازىرگى كۇننىڭ كوكەيكەستى ماسەلەلەرى كەڭىنەن قارالىپ, ولارعا قاتىستى يسلام عۇلامالارىنىڭ ورتاق ءپاتۋالارى شىعىپ وتىرادى.
«ەگەمەن-اقپارات».