فۋتبولدان 2021 جىلعى كلۋبتىق الەم چەمپيوناتىنىڭ جالاۋى جاپونيادا جەلبىرەيدى. بۇل اقپارات فيفا-نىڭ رەسمي سايتىندا جاريالاندى, - دەپ حابارلايدى Egemen.kz
كەلەسى جىلدىڭ ەكىنشى جارتىسىندا وتەتىن ايتۋلى دوپ دوداسىندا ادەتتەگىدەي جەتى كلۋب كۇش سىناسادى. ال ودان كەيىن جارىستىڭ فورماتى وزگەرەدى. اتاپ ايتساق, ءتورت جىلدا ءبىر مارتە ۇيىمداستىرىلاتىن باسەكەدە 24 كوماندا ونەر كورسەتەدى. ونىڭ تورتەۋى سوڭعى ءتورت جىلدا چەمپيوندار ليگاسى مەن ەۋروپا ليگاسىن ۇتقان ۇجىمدار. سونداي-اق, قاتىسۋشىلار قاتارى بىرقاتار ەلدەردىڭ ىشكى بىرىنشىلىكتەرىندە توپ جارعان كلۋبتارمەن تولىعادى. بۇل باسەكەلەر قىتايدا وتەدى.
ەستەرىڭىزگە سالا كەتەيىك, ءمادريدتىڭ «رەالى» كلۋبتىق الەم چەمپيوناتىڭ باس جۇلدەسىن ەڭ كوپ ولجالاعان كوماندا. كورولدىك كلۋب ءتورت رەت تەڭدەسسىز دەپ تانىلدى. كاتالونيانىڭ «بارسەلوناسى» ءۇش مارتە قارسىلاس شاق كەلتىرمەسە, ەكى رەت برازيليانىڭ «كورينتيناسى» وزدى. ال بىلتىر وتكەن جارىستا انگليانىڭ «ليۆەرپۋل» كلۋبى الدىنا جان سالمادى.