سيريا استاناسىنان سولتۇستىككە قاراي 55 شاقىرىم جەردەگى مااليۋلە اۋلىندا قارۋلانعان ەكسترەميستەر موناستىرگە شابۋىل جاساپ, ءبىر توپ موناحينيانى تۇتقىنعا الىپ كەتكەن. بۇل تۋرالى يتار-تاسس حابارلادى.
ۆاتيكان ەلشىسىنىڭ اقپارى بويىنشا, سودىرلاردىڭ قولىندا كەم دەگەندە 12 موناحينيا بار. قازىر بۇل وقيعاعا اراب جانە الەم باق وكىلدەرى نازار اۋدارۋدا. جەرگىلىكتى تەلەارنالار مالىمدەگەندەي, «ال-كايدا» قوزعالىسىمەن بايلانىسى بار ەكسترەميستەر موناستىرگە باسىپ كىرىپ, ونىڭ كۇل-تالقانىن شىعارعان. سونداي-اق ولار تاعى بىرنەشە شىركەۋدى توناپ, ارتىنان قيراتىپ كەتكەن. سودىرلار جەرگىلىكتى حالىقتى قورقىتۋ ماقساتىندا تۇرعىن ۇيلەرگە وق جاۋدىرعان كورىنەدى.
سەنبى كۇنى بۇل اۋداندا سيريا اسكەرى سودىرلارمەن قاقتىعىسقا تۇسكەن بولاتىن. سيريا اسكەري باسقارماسىنىڭ دەرەگى بويىنشا, كومەككە كەلگەن اسكەريلەردىڭ ارقاسىندا سودىرلار قالادان ىعىستىرىلىپ شىعارىلعان.
دۇيسەنبى كۇنى ناباك قالاسىنان قاشىپ كەلە جاتقان سودىرلار مااليۋليۋ اۋلىنا شابۋىل جاسادى. سيريا اسكەرىندەگى اقپارات كوزىنىڭ ايتۋى بويىنشا, ناباك قالاسى سودىرلاردان تولىق تازارتىلدى. «ال مااليۋلە اۋلى ەكسترەميستىك قۇرىلىم مۇشەلەرىنەن بىرنەشە ساعاتتا بوساتىلادى. ول جەرگە اسكەر جىبەرىلدى», – دەدى ول.
ايدار ورىسباەۆ.
دەرەككوز: Itar-tass.com