بۇگىن تايلاند پوليتسياسى وپپوزيتسيا جەتەكشىسى سۋتەپ تاۋگسۋباندى قاماۋعا الۋ جونىندە ارنايى ءىس-شارا ءجۇرىپ وتەتىنىن مالىمدەدى. بۇل تۋرالى يتار-تاسس حابارلادى.
وپپوزيتسيا وكىلدەرى ءوز جەتەكشىلەرىن قورعاپ قالۋعا دايىن ەكەندەرىن العا تارتتى.
كەشە جەرگىلىكتى باق وكىلدەرى مالىمدەگەندەي, بانگكوك سوتى سۋتەپ تاۋگسۋبانعا مەملەكەتتىك توڭكەرىس ۇيىمداستىرماق بولدى دەگەن ايىپ تاعىپ, ونى قاماۋعا الۋ جونىندە شەشىم شىعارعان. سوت تەرگەۋ امالدارىنىڭ بانگكوكتاعى ۇكىمەتتىك مەكەمەلەردى باسىپ الۋ ارەكەتتەرى ءۇشىن وپپوزيتسيا جەتەكشىسى جاۋاپتى دەگەن دالەلدەرىمەن كەلىستى. ال مەملەكەتتىك توڭكەرىس ۇيىمداستىرۋعا ارەكەتتەنگەن ءۇشىن تايلاندتا ءولىم جازاسى نەمەسە ءومىر بويىنا تۇرمەگە قاماۋ جازاسى قاراستىرىلعان.
بۇدان بۇرىن 26 قاراشادا بانگكوك سوتى سۋتەپ تاۋگسۋباندى مەملەكەتتىك مەكەمە اۋماعىن باسىپ الدى دەگەن ايىپپەن قاماۋعا الۋعا شەشىم شىعارعان بولاتىن. الايدا, سوت شەشىمىنە قاراماستان وپپوزيتسيونەر بوستاندىقتا قالا بەردى. ول پرەمەر-مينيستر ينگلاك چيناۆات وتستاۆكاعا كەتەتىن بولسا, ءوز ەركىمەن پوليتسياعا بەرىلەتىنىن ءمالىم ەتكەن.
ايدار ورىسباەۆ.
دەرەككوز: Itar-tass.com