كەشە «نازارباەۆ ورتالىعىندا» تۇڭعىش پرەزيدەنت كۇنىنە وراي, جاستارعا ارنالعان «ەركىن ەلدىڭ ەرتەڭى» كىتاپشاسىنىڭ تۇساۋكەسەر ءراسىمى ءوتتى.
«وتاندى ءسۇيۋ – سۋىعىنا شىداپ, ىستىعىنا كۇيۋ», «جەر تاعدىرى – ەل تاعدىرى», «وتكەنگە قاراپ, ەرتەڭىڭدى تۇزە», «مەملەكەت مەرەيى – مىعىمدىلىعىندا» دەگەن اتاۋلارمەن بىرنەشە بولىككە بولىنگەن كىتاپشاعا ەلباسى نۇرسۇلتان نازارباەۆتىڭ قازاقستان مەملەكەتتىلىگىنىڭ جاڭعىرۋى مەن دامۋى, ارمانى مەن جارقىن بولاشاعى, بىرلىك پەن ادامگەرشىلىك, قازاقستاندىق پاتريوتيزم, مەملەكەت, جاھاندانۋ, ساياسات پەن ەكونوميكا, وركەنيەت پەن مادەنيەت تۋرالى تاڭدامالى ناقىل سوزدەرى مەن وي-تولعامدارى توپتاستىرىلىپتى.
كەشە «نازارباەۆ ورتالىعىندا» تۇڭعىش پرەزيدەنت كۇنىنە وراي, جاستارعا ارنالعان «ەركىن ەلدىڭ ەرتەڭى» كىتاپشاسىنىڭ تۇساۋكەسەر ءراسىمى ءوتتى.
«وتاندى ءسۇيۋ – سۋىعىنا شىداپ, ىستىعىنا كۇيۋ», «جەر تاعدىرى – ەل تاعدىرى», «وتكەنگە قاراپ, ەرتەڭىڭدى تۇزە», «مەملەكەت مەرەيى – مىعىمدىلىعىندا» دەگەن اتاۋلارمەن بىرنەشە بولىككە بولىنگەن كىتاپشاعا ەلباسى نۇرسۇلتان نازارباەۆتىڭ قازاقستان مەملەكەتتىلىگىنىڭ جاڭعىرۋى مەن دامۋى, ارمانى مەن جارقىن بولاشاعى, بىرلىك پەن ادامگەرشىلىك, قازاقستاندىق پاتريوتيزم, مەملەكەت, جاھاندانۋ, ساياسات پەن ەكونوميكا, وركەنيەت پەن مادەنيەت تۋرالى تاڭدامالى ناقىل سوزدەرى مەن وي-تولعامدارى توپتاستىرىلىپتى.
شاراعا قاتىسقان «بولاشاق» باعدارلاماسىنىڭ تۇلەكتەرى مەن ەلوردا مەكتەپتەرىنىڭ وقۋشىلارى بۇل كىتاپ جاستار ءۇشىن ەلباسى ايقىنداعان باستامالاردى جۇزەگە اسىرۋ جولىنداعى رۋحاني باستاۋ بۇلاق جانە بولاشاققا باعىتتالعان داڭقتى جولدىڭ باعدارشىسى, دەي كەلە, ەلباسىنىڭ: «كەز كەلگەن ەل ءوزىنىڭ كەلەشەگىن وسكەلەڭ ۇرپاعىمەن بايلانىستىرادى. ءبىزدىڭ بولاشاعىمىز – جاستار», دەگەن ءسوزىن مىسالعا كەلتىردى.
ءىس-شارانى ۇيىمداستىرۋشىلار قويىن كىتاپشاسى ۇلگىسىندە قازاق, ورىس جانە اعىلشىن تىلدەرىندە جارىق كورگەن بۇل جيناق «قازاقستان-2050» ستراتەگياسىن جۇزەگە اسىرۋ بارىسىندا جاستارعا باعا بەرەتىن باعدارشام ىسپەتتى ەكەنىن اتاپ ءوتتى. سونداي-اق, جاستارعا ارتىلعان ۇلكەن ءۇمىتتى ابىرويمەن اقتاۋ ماقساتىندا «كەيىنگى تولقىن «ءبىر جاعادان – باس, ءبىر جەڭنەن – قول» شىعارىپ, ەل يگىلىگى ءۇشىن تىنباي ەڭبەك ەتۋلەرى كەرەك» دەگەن ويلارىن جەتكىزدى. «بۇل شاعىن كىتاپشا – ەلىمىزدى ەرلىككە, حالقىمىزدى بىرلىككە شاقىراتىن جالىندى سوزدەردىڭ جيناعى. ول كەلەشەكتە ءاربىر قازاقستاندىقتىڭ قويىن كىتاپشاسىنا اينالاتىنىنا سەنىمدىمىز», دەپ قورىتتى ولار بۇل تۋراسىندا.
بۇل كۇنگى شارادا «بولاشاق» باعدارلاماسىنىڭ اباي قوجامجاروۆ, ەركەبۇلان مۇقانوۆ سىندى تۇلەكتەرى دە ءسوز الىپ, ەلباسىنىڭ قازاقستان مەملەكەتىنىڭ وركەندەۋى مەن جاڭارۋىنا قوسقان ۇلەسى مەن ەڭبەگىن, تاۋەلسىز قازاقستاننىڭ 22 جىل ىشىندە قول جەتكىزگەن جەتىستىكتەرىن وي ەلەكتەرىنەن وتكىزدى. ەلدىڭ ەندىگى بولاشاعى وزدەرىنىڭ, ياعني بۇگىنگى جاستاردىڭ قولىندا ەكەنىن اتاپ ءوتتى. ماسەلەن, شۆەيتساريانىڭ بەدەلدى ۋنيۆەرسيتەتتەرىنىڭ بىرىندە ءبىلىم العان ە.مۇقانوۆ ەلباسىنىڭ جاستارعا ءاردايىم كوڭىل بولە وتىرىپ, ۇلكەن سەنىم ارتاتىنىنا, «بولاشاق» باعدارلاماسى سونىڭ ايقىن دالەلى ەكەنىنە توقتالدى. ماسەلەن, ول ءوز سوزىندە: «ەگەمەندىك العان جىلداردان بەرى قانشاما مىڭداعان جاس شەتەل اسىپ, الەمنىڭ وزىق وقۋ ورىندارىندا ءبىلىم الدى. بۇگىندە ولار ەلىمىزگە ورالىپ, مەملەكەت يگىلىگى ءۇشىن سان ءتۇرلى سالادا قىزمەت ەتۋدە. قازىرگى تاڭدا دا وسى باعدارلاما اياسىندا ءبىلىم نارىمەن سۋسىنداپ جاتقان قانشاما جاس بار. بولاشاقتا سەندەر دە ءبىزدىڭ, ياعني اعا-اپالارىڭنىڭ جولىن قۋىپ, «بولاشاق» باعدارلاماسىنىڭ تۇلەگى اتانۋلارىڭ ابدەن مۇمكىن. ول ءۇشىن بىلىمدەرىڭدى مولايتىپ, تالماي ىزدەنۋلەرىڭ كەرەك», دەپ ءوزىنىڭ اعالىق اقىلىن ايتتى.
بۇل كۇنى, سونداي-اق, «ەركىن ەلدىڭ ەرتەڭى» كىتاپشاسىنىڭ تۇساۋكەسەرىنىڭ اياسىندا ن.نازارباەۆتىڭ «وي ءبولىستىم حالقىممەن» اتتى اۋديوكىتابىنىڭ AppStore, Play Market جانە Marketplace-كە ارنالعان ەلەكتروندى قوسىمشالارىنىڭ تۇساۋى كەسىلدى. «بۇدان بىلاي, اتالعان تۋىندىلار ينتەرنەت-دۇكەندەر ارقىلى بارشا قازاقستاندىقتارعا قولجەتىمدى بولادى», دەيدى شارا بەلسەندىلەرى.
تۇڭعىش پرەزيدەنت كۇنىنە ارنالعان تۇساۋكەسەر ءراسىمىنىڭ شەڭبەرىندە, سونىمەن قاتار, جاستاردىڭ ەلباسى نۇرسۇلتان نازارباەۆقا جولداعان بەينەحاتى كورسەتىلىپ, بۇدان كەيىن جينالعان جۇرتشىلىق «ۇلكەن ساياساتتاعى رياسىز كەزدەسۋلەر» دەرەكتى ءفيلمىن تاماشالادى.
شارا سوڭىندا «بولاشاق» باعدارلاماسىنىڭ تۇلەكتەرى ەلوردانىڭ بىرقاتار ءبىلىم ۇيالارىنىڭ ۇزدىك وقۋشىلارىنا ەلباسىنىڭ قولتاڭباسى قويىلىپ, تىلەگى جازىلعان كىتاپتاردى تابىس ەتتى.
ءلايلا ەدىلقىزى,
«ەگەمەن قازاقستان».