قۇرلىقتىق حوككەي ليگاسىندا (قحل) سۇرەڭسىز ونەر كورسەتىپ, قاتارىنان بەس ويىندا جەڭىلگەن نۇر-سۇلتاننىڭ «بارىسى» جانكۇيەرلەردىڭ كوڭىل سەلكەۋ تۇسىرگەن ەدى, دەپ حابارلايدى Egemen.kz.
سوڭعى تۋردا جەرلەستەرىمىز ماسەكەۋدىڭ «سپارتاگىن» قابىلدادى. باسەكە وتە شيەلەنىستى ءوتتى. قوس كومانداعا دا ءبىر-ءبىرىنىڭ قاقپا كىلتىن تابۋ وڭايعا سوقپادى. دەسەك تە بۇل جولى «بارىستىڭ» جولى بولدى. 13-مينۋتتا كانادالىق لەگيونەر كەرتيس ۆولك ەسەپ اشتى. ۇزىلىستەن كەيىن دە ەكى جاق ءبىراز تىرەستى. 37-مينۋتتا ءدال سول ۆولكتىڭ كەرەمەت پاسىنان كەيىن شۆەتسيالىق شابۋىلشى ياكوب ليلليا ەكىنشى گولدى سوقتى. ءۇشىنشى كەزەڭدە سەرگەي شيروكوۆ ەسەپ ايىرماشىلىعىن قىسقارتتى. ودان ارىگە ماسكەۋلىكتەردىڭ ءالى جەتپەدى. بۇل كەزدەسۋ 2:1 ەسەبىمەن ەلوردالىق حوككەيشىلەردىڭ پايداسىنا شەشىلدى.
تۇراقتى بىرىنشىلىكتىڭ جارىس كەستەسىندە «بارىس» 18 ورىندا تۇر. 27 كەزدەسۋدەن كەيىن ولار 27 ۇپايعا يەلىك ەتۋدە. ەندى ءوزىنىڭ كەلەسى كەزدەسۋىن استانالىقتار بۇگىن «سوچيگە» قارسى وتكىزەدى.