تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين قازاقستاندىقتارعا ءوز قۇجاتتارىنىڭ تسيفرلى نۇسقاسىن قايدا جانە قالاي تابا الاتىنىن ءتۇسىندىرىپ بەردى, دەپ حابارلايدى Egemen.kz
باعدات مۋسين ءوز تەلەفونىنا eGov mobile قوسىمشاسى ارقىلى جەكە كۋالىكتىڭ, جۇرگىزۋشى جانە نەكە قيۋ تۋرالى كۋالىكتىڭ تسيفرلى نۇسقالارىن قالاي تابۋعا بولاتىنى تۋرالى نۇسقاۋلىق ءتۇسىرىپ كورسەتتى.
قۇجاتتاردىڭ ەلەكترون نۇسقاسىن كورۋ ءۇشىن قازاقستاندىقتارعا مىنالاردى ىستەۋ كەرەك:
eGov mobile قوسىمشاسىن جۇكتەۋ, ەتسق نەمەسە ءبىر رەتتىك SMS-قۇپياسوز ارقىلى تىركەلۋ, "باستىعا" ءوتىپ, تومەنگى جاعىندا "ساندىق قۇجاتتار" تۇيمەسىن باسۋ.وسىدان كەيىن ەكراندا قۇجاتتار ءتىزىمى مەن وتباسى مۇشەلەرىنىڭ قۇجاتتارى شىعادى. قاجەتىن تاڭداپ, "رۇقسات بەرۋ" تۇيمەسىن باسۋ ارقىلى ءسىز بولاشاقتا قاعاز قۇجاتتىڭ تۇپنۇسقاسى ورنىنا رەسمي پايدالانۋعا مۇمكىندىك بەرەتىن QR-كود كورەسىز.
ايتا كەتۋ كەرەك, قوسىمشانىڭ بۇل فۋنكتسياسى سىناق تۇرىندە جۇمىس ىستەپ تۇرۋى مۇمكىن. سەبەبى كەيبىر قولدالانۋشىدا قۇجاتتار ءالى جوق.
باعدات مۋسين اتاپ وتكەندەي, بولاشاقتا جۇرگىزۋشى كۋالىگىنىڭ ەلەكترون نۇسقاسىنىڭ QR-كودىن پوليتسەيلەرگە كورسەتۋگە بولادى. الايدا قازاقستاندىقتار زاڭ بويىنشا ءالى دە قۇجاتتارىن وزىمەن بىرگە الىپ ءجۇرۋى ءتيىس. قازاقستاندىقتاردى قۇجات الىپ جۇرۋدەن بوساتاتىن نورما ءالى قابىلدانعان جوق.
ناۋرىزدا ەل پرەزيدەنتى قاسىم-جومارت توقاەۆ قۇجاتتاردىڭ قاعاز نۇسقالارىنا بىرتىندەپ تىيىم سالىپ, ەلەكترون فورماتقا كوشىرىلۋى كەرەك ەكەنىن مالىمدەگەن ەدى.