2013 جىلعى 4 قىركۇەك, استانا, ۇكىمەت ءۇيى
«زەينەتاقى تولەۋ جونىندەگى مەملەكەتتىك ورتالىق» رەسپۋبليكالىق مەملەكەتتىك قازىنالىق كاسىپورنىن قۇرۋ تۋرالى» قازاقستان رەسپۋبليكاسى ۇكىمەتىنىڭ 1997 جىلعى 4 ماۋسىمداعى №926 قاۋلىسىنا وزگەرىس ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:1. «زەينەتاقى تولەۋ جونىندەگى مەملەكەتتىك ورتالىق» رەسپۋبليكالىق مەملەكەتتىك قازىنالىق كاسىپورنىن قۇرۋ تۋرالى» قازاقستان رەسپۋبليكاسى ۇكىمەتىنىڭ 1997 جىلعى 4 ماۋسىمداعى № 926 قاۋلىسىنا (قازاقستان رەسپۋبليكاسىنىڭ ءپۇاج-ى, 1997 ج., № 24, 217-قۇجات) مىناداي وزگەرىس ەنگىزىلسىن:3-تارماق مىناداي رەداكتسيادا جازىلسىن:«3. مەملەكەتتىك مونوپولياعا جاتقىزىلعان كاسىپورىن قىزمەتىنىڭ نەگىزگى تۇرلەرى:1) قازاقستان رەسپۋبليكاسىنىڭ زاڭناماسىنا سايكەس كاسىپورىننان تولەنەتىن زەينەتاقى تولەمدەرىن, جاردەماقىلاردى, بىرجولعى جانە وزگە دە تولەمدەردى تولەۋدى ۇيىمداستىرۋ جانە جۇزەگە اسىرۋ;2) سالىمشىلاردىڭ (الۋشىلاردىڭ) مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى بويىنشا دەرەكقورىن جانە مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى شارت جاساسقان جەكە تۇلعالاردىڭ بىرىڭعاي ءتىزىمىن قالىپتاستىرۋ;3) سالىمشىنىڭ زەينەتاقى تولەمدەرىنە قۇقىق الۋ كەزىندە ناقتى ەنگىزگەن بولجامدى ينفلياتسيا دەڭگەيىن ەسكەرە وتىرىپ, مىندەتتى زەينەتاقى جارنالارىنىڭ, مىندەتتى كاسىپتىك زەينەتاقى جارنالارىنىڭ مولشەرىن كەلەسى قارجى جىلىنا ايقىنداۋ;4) مىندەتتى زەينەتاقى جارنالارىن, مىندەتتى كاسىپتىك زەينەتاقى جارنالارىن جانە (نەمەسە) ءوسىمپ ۇلىن دەربەستەندىرىلگەن ەسەپكە الۋ;5) مىندەتتى زەينەتاقى جارنالارىن, مىندەتتى كاسىپتىك زەينەتاقى جارنالارىن جانە (نەمەسە) ءوسىمپۇلدى اگەنتتەردەن بىرىڭعاي جيناقتاۋشى زەينەتاقى قورلارىنا اۋدارۋ;6) جەكە سايكەستەندىرۋ ءنومىرى جانە (نەمەسە) زەينەتاقىمەن قامسىزداندىرۋ تۋرالى شارتى جوق جانە (نەمەسە) دەرەكتەمەلەرىندە قاتەلەر جىبەرىلگەن تۇلعالاردىڭ مىندەتتى زەينەتاقى جارنالارىن, مىندەتتى كاسىپتىك زەينەتاقى جارنالارىن اگەنتكە قايتارۋ;7) مىندەتتى زەينەتاقى جارنالارىن, مىندەتتى كاسىپتىك زەينەتاقى جارنالارىن جانە (نەمەسە) بىرىڭعاي جيناقتاۋشى زەينەتاقى قورىنان ءوسىمپۇلدى ونىڭ ءوتىنىشى بويىنشا اگەنتكە قايتارۋ;8) اگەنتتەردىڭ كاسىپورىن شوتىنا اۋدارىلعان جانە ورتالىقتان اگەنتكە قايتارىلعان مىندەتتى زەينەتاقى جارنالارىنىڭ, مىندەتتى كاسىپتىك زەينەتاقى جارنالارىنىڭ سومالارى جانە (نەمەسە) سولاردىڭ ءوسىمپۇلدارى بويىنشا تولەم قۇجاتتارىنىڭ تىزىلىمدەرىن قالىپتاستىرۋ جانە ولارى سالىقتاردىڭ جانە بيۋدجەتكە تولەنەتىن باسقا دا مىندەتتى تولەمدەردىڭ ءتۇسۋىن قامتاماسىز ەتۋ سالاسىنداعى باسشىلىقتى جۇزەگە اسىراتىن ۋاكىلەتتى ورگانعا ۇسىنۋ;9) كاسىپورىننان تولەنەتىن زەينەتاقى تولەمدەرىن تاعايىندايتىن ورگاننىڭ تولەمدەردى تاعايىنداۋى ءۇشىن زەينەتاقى تولەمدەرىن, جاردەماقىلاردى, بىرجولعى جانە وزگە دە تولەمدەردى الۋشىلار ىستەرىنىڭ ماكەتىن قالىپتاستىرۋ;10) كاسىپورىننان تولەنەتىن زەينەتاقى تولەمدەرىن, جاردەماقىلاردى, بىرجولعى جانە وزگە دە تولەمدەردى الۋشىلاردىڭ اۆتوماتتاندىرىلعان ورتالىقتاندىرىلعان دەرەكقورىن قالىپتاستىرۋ جانە ولاردى دەربەستەندىرىلگەن ەسەپكە الۋ;11) زەينەتاقى جارنالارىن جانە (نەمەسە) ولار بويىنشا ەسىمپۇلداردى ەسەپكە الۋ, اۋدارۋ, قايتارۋ ماسەلەلەرى بويىنشا اگەنتتەرمەن, بىرىڭعاي جيناقتاۋشى زەينەتاقى قورىمەن ءوزارا ءىس-قيمىل جاساۋ;12) ورتالىق اتقارۋشى ورگاننىڭ بىرىڭعاي اقپاراتتىق جۇيەسىنىڭ جۇمىسقا قابىلەتتىلىگىن قامتاماسىز ەتۋ جونىندەگى ءىس-شارالاردى ۇيىمداستىرۋ;13) قازاقستان رەسپۋبليكاسىنىڭ زاڭدارىندا بەلگىلەنگەن قىزمەتتىك, كوممەرتسيالىق, بانكتىك جانە زاڭمەن قورعالاتىن وزگە دە قۇپيانى قۇرايتىن مالىمەتتەردى جاريالاۋعا قويىلاتىن تالاپتاردى ساقتاي وتىرىپ, كاسىپورىننىڭ اۆتوماتتاندىرىلعان, ورتالىقتاندىرىلعان دەرەكقورىن پايدالانۋشى بولىپ تابىلاتىن ورتالىق اتقارۋشى جانە جەرگىلىكتى اتقارۋشى ورگانداردىڭ قۇرىلىمدىق بولىمشەلەرى قىزمەتكەرلەرىنىڭ قولجەتىمدىلىگىن ۇيىمداستىرۋ;14) قازاقستان رەسپۋبليكاسى زاڭناماسىنىڭ زەينەتاقى جيناقتارىنىڭ قۇپيالىلىعىن ساقتاۋدى قامتاماسىز ەتۋ جونىندەگى تالاپتارىن ەسكەرە وتىرىپ, جەكە جانە زاڭدى تۇلعالارعا كاسىپورىننىڭ قىزمەت تۇرلەرى بويىنشا اقپاراتتىق قىزمەتتەر ۇسىنۋ;15) مىندەتتى الەۋمەتتىك ساقتاندىرۋ جۇيەسىنە قاتىسۋشىلاردىڭ مىندەتتى الەۋمەتتىك اۋدارىمدارى مەن الەۋمەتتىك تولەمدەرىن دەربەستەندىرىلگەن ەسەپكە الۋ جانە ولاردىڭ ورتالىقتاندىرىلعان دەرەكقورىن قالىپتاستىرۋ;16) مەملەكەتتىك الەۋمەتتىك ساقتاندىرۋ قورىنىڭ قاراجاتىنان الەۋمەتتىك تولەمدەردى ۇيىمداستىرۋ;17) قۇجاتتاردى قابىلداۋ, مەملەكەتتىك الەۋمەتتىك ساقتاندىرۋ قورىنان الەۋمەتتىك تولەمدەر تاعايىنداۋعا, قايتا ەسەپتەۋگە ارنالعان ىستەر ماكەتتەرىن قالىپتاستىرۋ ماسەلەلەرى بويىنشا الەۋمەتتىك تولەمدەردى تاعايىنداۋ جونىندەگى ۋاكىلەتتى ورگانمەن ءوزارا ءىس-قيمىل جاساۋ;18) الەۋمەتتىك اۋدارىمدار مەن الەۋمەتتىك تولەمدەردىڭ جاي-كۇيى مەن قوزعالىسى تۋرالى اقپاراتتىڭ قۇپيالىلىعىن قامتاماسىز ەتۋ جونىندەگى قازاقستان رەسپۋبليكاسى زاڭناماسىنىڭ تالاپتارىن ەسكەرە وتىرىپ, كاسىپورىن قىزمەتىنىڭ تۇرلەرىنە سايكەس مىندەتتى الەۋمەتتىك ساقتاندىرۋ جۇيەسىنە قاتىسۋشىلارعا اقپاراتتىق قىزمەتتەر ۇسىنۋ;19) تولەۋشىلەردەن تۇسكەن مىندەتتى الەۋمەتتىك اۋدارىمداردى مەملەكەتتىك الەۋمەتتىك ساقتاندىرۋ قورىنا اۋدارۋدى, ارتىق (قاتە) تولەنگەن الەۋمەتتىك اۋدارىمدار سومالارىن جانە ولار بويىنشا ءوسىمپۇلدى تولەۋشىلەرگە قايتارۋدى جۇزەگە اسىرۋ;20) الەۋمەتتىك تولەمدەردەن ۇستالعان مىندەتتى زەينەتاقى جارنالارىن ۇيىمداستىرۋ جانە بىرىڭعاي جيناقتاۋشى زەينەتاقى قورىنا الەۋمەتتىك تولەمدەردى جۇزەگە اسىرۋ ايىنان كەيىنگى ايدىڭ 15-كۇنىنەن كەشىكتىرمەي اۋدارۋ;21) سالىقتاردىڭ جانە بيۋدجەتكە تولەنەتىن باسقا دا مىندەتتى تولەمدەردىڭ ءتۇسۋىن قامتاماسىز ەتۋ سالاسىنداعى باسشىلىقتى جۇزەگە اسىراتىن ۋاكىلەتتى ورگانعا تولەۋشىلەردەن تۇسكەن جانە قايتارىلعان الەۋمەتتىك اۋدارىمداردشش تىزىلىمدەرىن ۇسىنۋ;22) قازاقستان رەسپۋبليكاسىنىڭ زاڭدارىندا كوزدەلگەن وزگە دە قىزمەت تۇرلەرى بولىپ ايقىندالسىن.».2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى س.احمەتوۆ.