حيميالىق قارۋعا تيىم سالۋ ۇيىمى سيريانىڭ حيميالىق قارۋ قولدانۋعا پايدالانعان زاتتارىن جويۋدى جەكە كومپانيالارعا ۇسىنباق. بۇل تۋرالى Lenta.ru حابارلادى.
حيميالىق قارۋعا تيىم سالۋ ۇيىمى رەسەي, تۇركيا, يوردانيا, نورۆەگيا, البانيا, فرانتسيا مەن بەلگيانىڭ سيرياداعى حيميالىق زاتتاردى جويۋدان باس تارتۋىنا وراي وسىنداي ارەكەتكە بارۋعا ءماجبۇر بولىپ وتىر. جەكە كومپانيالارعا قاۋىپسىز دەپ تابىلعان 800 تونناعا جۋىق حيميكات جويۋ تاپسىرىلادى. ال ەڭ ۋلى زاتتاردى جويۋمەن اقش اسكەريلەرى اينالىسادى. بولجام بويىنشا, اقش حيميكاتتاردى ارنايى كەمەمەن اشىق تەڭىزگە شىعارىپ جويادى.
سيريانىڭ اسكەري قويمالارىندا ۋلاعىش زاتتار بار ەكەنى بۇرىننان بەلگىلى. حيميالىق قارۋعا تيىم سالۋ جونىندەگى كونۆەنتسياعا قول قويماعان داماسك مۇنى اسا جاسىرماعان دا ەدى. سيريا اسكەري قويمالارىندا ناقتى قانداي حيميالىق قارۋلاردىڭ بار ەكەنى جونىندەگى اقپارلار بارلاۋ دەرەكتەرىنە سۇيەنىپ جاسالاتىن. سيريادا سوعىس باستالعاننان ءبىر جىلدان كەيىن ۇكىمەت كۇشتەرىمەن كۇرەسكەن وپپوزيتسيالىق قۇرىلىمدارمەن قاتار, اقش اسكەرى دە حيميالىق قارۋلار بار قويمالاردى باسىپ الۋعا ارەكەت ەتكەن.
ايدار ورىسباەۆ.
دەرەككوز: Lenta.ru