2013 جىلعى 3 قىركۇيەك, استانا, ۇكىمەت ءۇيى
«توتەنشە جاعدايلار سالاسىندا ءبىلىمدى ناسيحاتتاۋ, حالىقتى جانە مامانداردى وقىتىپ-ۇيرەتۋ, حاباردار ەتۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 17 قاڭتارداعى № 50 قاۋلىسىنا تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:1. «توتەنشە جاعدايلار سالاسىندا ءبىلىمدى ناسيحاتتاۋ, حالىقتى جانە مامانداردى وقىتىپ-ۇيرەتۋ, حاباردار ەتۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 17 قاڭتارداعى № 50 قاۋلىسىنا (قازاقستان رەسپۋبليكاسىنىڭ ءپۇاج-ى, 2003 ج., № 2, 18-قۇجات) مىناداي تولىقتىرۋلار ەنگىزىلسىن:كورسەتىلگەن قاۋلىمەن بەكىتىلگەن توتەنشە جاعدايلار سالاسىندا حاباردار ەتۋ, ءبىلىمدى ناسيحاتتاۋ, حالىقتى جانە مامانداردى وقىتىپ-ۇيرەتۋ قاعيدالارى مىناداي مازمۇنداعى 4-1, 4-2 جانە 8-1-تارماقتارمەن تولىقتىرىلسىن:«4-1. جاعدايدى قاداعالاۋ, باقىلاۋ مەن تابيعي جانە تەحنوگەندىك سيپاتتاعى توتەنشە جاعدايلاردى بولجاۋ قىزمەتى (سەيسمولوگيالىق قىزمەت, سەل جۇرەتىنىن حابارلاۋ, رادياتسيالىق قاۋىپسىزدىكتى باقىلاۋ جۇيەلەرى جانە باسقالار) الدىن الۋ ماقساتىندا قازاقستان رەسپۋبليكاسىنىڭ اۋماعىندا جانە/نەمەسە ىرگەلەس مەملەكەتتەردىڭ شەكارا ماڭىنداعى اۋماعىندا تابيعي جانە تەحنوگەندىك سيپاتتاعى توتەنشە جاعدايلاردىڭ قاۋىپ-قاتەرى جانە/نەمەسە ولاردىڭ تۋىنداۋى كەزىندە ونىڭ سيپاتتارىن كورسەتىپ, بايلانىستىڭ بارلىق قولجەتىمدى تۇرلەرى ارقىلى تابيعي جانە تەحنوگەندىك سيپاتتاعى توتەنشە جاعدايلار سالاسىنداعى ۋاكىلەتتى ورگاننىڭ ءتيىستى اۋماقتىق بولىمشەسىنىڭ جەدەل كەزەكشىسىنە, سونداي-اق قازاقستان رەسپۋبليكاسى توتەنشە جاعدايلار مينيسترلىگىنىڭ «رەسپۋبليكالىق داعدارىس ورتالىعى» مەملەكەتتىك مەكەمەسىنىڭ جەدەل كەزەكشىسىنە قاجەتتى اقپاراتتى دەرەۋ ۇسىنادى.4-2. تابيعي جانە تەحنوگەندىك سيپاتتاعى توتەنشە جاعدايلار سالاسىنداعى ۋاكىلەتتى ورگاننىڭ اۋماقتىق بولىمشەسىنىڭ, قازاقستان رەسپۋبليكاسى توتەنشە جاعدايلار مينيسترلىگىنىڭ «رەسپۋبليكالىق داعدارىس ورتالىعى» مەملەكەتتىك مەكەمەسىنىڭ جەدەل كەزەكشىسى تابيعي جانە تەحنوگەندىك سيپاتتاعى توتەنشە جاعدايلاردىڭ قاۋىپ-قاتەرى جانە/نەمەسە ولاردىڭ تۋىنداۋى تۋرالى اقپاراتتى العان كەزدە وسى قاعيدالاردىڭ 5 جانە 6-تارماقتارىنا سايكەس حالىقتى, ۋاكىلەتتى ورگاننىڭ باسشىلىعىن, مۇددەلى ورتالىق, اۋماقتىق جانە جەرگىلىكتى اتقارۋشى ورگانداردى دەرەۋ حاباردار ەتەدى.»;«8-1. تابيعي جانە تەحنوگەندىك سيپاتتاعى توتەنشە جاعدايلاردىڭ قاۋىپ-قاتەرى جانە/نەمەسە ولاردىڭ تۋىنداۋى تۋرالى اقپارات ۋاقتىلى ۇسىنىلماعان كەزدە جاۋاپتى لاۋازىمدى ادامدار قازاقستان رەسپۋبليكاسىنىڭ زاڭناماسىنا سايكەس جاۋاپتى بولادى.».2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.