2013 جىلعى 3 قىركۇيەك, استانا, ۇكىمەت ءۇيى
مەنشىك يەسىنىڭ جانە (نەمەسە) وپەراتوردىڭ, سونداي-اق ءۇشىنشى تۇلعانىڭ دەربەس دەرەكتەردى قورعاۋ جونىندەگى شارالاردى جۇزەگە اسىرۋ قاعيدالارىن بەكىتۋ تۋرالى
«دەربەس دەرەكتەر جانە ولاردى قورعاۋ تۋرالى» 2013 جىلعى 21 مامىرداعى قازاقستان رەسپۋبليكاسىنىڭ زاڭى 26-بابىنىڭ 4) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:1. قوسا بەرىلىپ وتىرعان مەنشىك يەسىنىڭ جانە (نەمەسە) وپەراتوردىڭ, سونداي-اق ءۇشىنشى تۇلعانىڭ دەربەس دەرەكتەردى قورعاۋ جونىندەگى شارالاردى جۇزەگە اسىرۋ قاعيدالارى بەكىتىلسىن.2. وسى قاۋلى 2013 جىلعى 25 قاراشادان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى ا.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 3 قىركۇيەكتەگى №909 قاۋلىسىمەن بەكىتىلگەن
مەنشىك يەسىنىڭ جانە (نەمەسە) وپەراتوردىڭ, سونداي-اق ءۇشىنشى تۇلعانىڭ دەربەس دەرەكتەردى قورعاۋ جونىندەگى شارالاردى جۇزەگە اسىرۋ قاعيدالارى
1. جالپى ەرەجەلەر1. وسى مەنشىك يەسىنىڭ جانە (نەمەسە) وپەراتوردىڭ, سونداي-اق ءۇشىنشى تۇلعانىڭ دەربەس دەرەكتەردى قورعاۋ بويىنشا شارالاردى ىسكە اسىرۋ قاعيدالارى (بۇدان ءارى - قاعيدالار) «دەربەس دەرەكتەر مەن ولاردى قورعاۋ تۋرالى» 2013 جىلعى 21 مامىرداعى قازاقستان رەسپۋبليكاسىنىڭ زاڭى 26-بابىنىڭ 4) تارماقشاسىنا سايكەس ازىرلەندى جانە مەنشىك يەسىنىڭ جانە (نەمەسە) وپەراتوردىڭ, سونداي-اق ءۇشىنشى تۇلعانىڭ دەربەس دەرەكتەردى قورعاۋ جونىندەگى شارالاردى جۇزەگە اسىرۋ ءتارتىبىن ايقىندايدى.2. وسى قاعيدالاردا مىناداي نەگىزگى ۇعىمدار پايدالانىلادى:1) دەربەس دەرەكتەردى جيناۋ - دەربەس دەرەكتەردى الۋعا باعىتتالعان ءىس-ارەكەتتەر;2) دەربەس دەرەكتەردى قامتيتىن بازا (بۇدان ءارى – بازا) – رەتكە كەلتىرىلگەن دەربەس دەرەكتەردىڭ جيىنتىعى;3) دەربەس دەرەكتەردى قامتيتىن بازانىڭ مەنشىك يەسى (بۇدان ءارى – مەنشىك يەسى) – دەربەس دەرەكتەردى قامتيتىن بازانى قازاقستان رەسپۋبليكاسىنىڭ زاڭدارىنا سايكەس يەلەنۋ, پايدالانۋ جانە وعان بيلىك ەتۋ قۇقىعىن ىسكە اسىراتىن مەملەكەتتىك ورگان, جەكە جانە (نەمەسە) زاڭدى تۇلعا;4) دەربەس دەرەكتەردى قامتيتىن بازانىڭ وپەراتورى (بۇدان ءارى – وپەراتور) – دەربەس دەرەكتەردى جيناۋدى, وڭدەۋدى جانە قورعاۋدى جۇزەگە اسىراتىن مەملەكەتتىك ورگان, جەكە جانە (نەمەسە) زاڭدى تۇلعا;5) دەربەس دەرەكتەردى قورعاۋ – زاڭدا بەلگىلەنگەن ماقساتتاردا جۇزەگە اسىرىلاتىن, ونىڭ ىشىندە قۇقىقتىق, ۇيىمداستىرۋشىلىق جانە تەحنيكالىق شارالار كەشەنى;6) دەربەس دەرەكتەردى وڭدەۋ – دەربەس دەرەكتەردى جيناقتاۋعا, ساقتاۋعا, وزگەرتۋگە, تولىقتىرۋعا, پايدالانۋعا, تاراتۋعا, يەسىزدەندىرۋگە, بۇعاتتاۋعا جانە جويۋعا باعىتتالعان ءىس-ارەكەتتەر;7) دەربەس دەرەكتەر سۋبەكتىسى (بۇدان ءارى – سۋبەكت) – دەربەس دەرەكتەر تيەسىلى جەكە تۇلعا;8) ءۇشىنشى تۇلعا – سۋبەكت, مەنشىك يەسى جانە (نەمەسە) وپەراتور بولىپ تابىلمايتىن, بىراق دەربەس دەرەكتەردى جيناۋ, وڭدەۋ جانە قورعاۋ بويىنشا ولارمەن (ونىمەن) ءمان-جايلار نەمەسە قۇقىق قاتىناستارى ارقىلى بايلانىستى بولاتىن تۇلعا.
2. مەنشىك يەسىنىڭ جانە (نەمەسە) وپەراتوردىڭ, سونداي-اق ءۇشىنشى تۇلعانىڭ دەربەس دەرەكتەردى قورعاۋ جونىندەگى شارالاردى جۇزەگە اسىرۋ ءتارتىبى3. مەنشىك يەسى جانە (نەمەسە) وپەراتور, سونداي-اق ءۇشىنشى تۇلعالار مەملەكەت كەپىلدىك بەرەتىن دەربەس دەرەكتەردى قورعاۋدى قامتاماسىز ەتەدى جانە:1) دەربەس دەرەكتەرگە رۇقساتسىز قول جەتكىزۋدى بولعىزباۋدى;2) ەگەر دەربەس دەرەكتەرگە رۇقساتسىز قول جەتكىزۋ ەڭسەرىلمەگەن بولسا, دەربەس دەرەكتەرگە ءمۇنداي رۇقساتسىز قول جەتكىزۋ فاكتىلەرىن ۋاقتىلى ايقىنداۋ;3) دەربەس دەرەكتەرگە رۇقساتسىز قول جەتكىزۋدىڭ قولايسىز سالدارىن بارىنشا ازايتۋدى قامتاماسىز ەتەتىن دەربەس دەرەكتەردى قورعاۋ جونىندەگى قاجەتتى شارالاردى قابىلدايدى.مەنشىك يەسىنىڭ جانە (نەمەسە) وپەراتوردىڭ, سونداي-اق ءۇشىنشى تۇلعانىڭ دەربەس دەرەكتەردى قورعاۋ جونىندەگى مىندەتتەرى دەربەس دەرەكتەردى جيناعان كەزدەن باستاپ تۋىندايدى جانە ولار جويىلعان نە يەسىزدەندىرىلگەن كەزدە دەيىن كۇشىندە بولادى.4. دەربەس دەرەكتەردى جيناۋ جانە وڭدەۋ ولارعا قورعاۋدى قامتاماسىز ەتۋ جاعدايىندا عانا جۇزەگە اسىرىلادى.5. دەربەس دەرەكتەردى قورعاۋ:1) جەكە ومىرگە قولسۇعىلماۋشىلىق, جەكە جانە وتباسى قۇپياسى قۇقىقتارىن ىسكە اسىرۋ;2) ولاردىڭ تۇتاستىعىن جانە ساقتالۋىن قامتاماسىز ەتۋ;3) ولاردىڭ قۇپيالىلىعىن ساقتاۋ;4) ولارعا قول جەتكىزۋ قۇقىعىن ىسكە اسىرۋ;5) ولاردى زاڭسىز جيناۋدى جانە وڭدەۋدى بولعىزباۋ ماقساتىندا شارالار كەشەنىن, ونىڭ ىشىندە كۇقىقتىق, ۇيىمداستىرۋشىلىق جانە تەحنيكالىق شارالار كەشەنىن قولدانۋ ارقىلى جۇزەگە اسىرىلادى.6. دەربەس دەرەكتەردى قامتيتىن ەلەكتروندىق اقپاراتتىق رەسۋرستاردى قورعاۋ ەرەكشەلىكتەرى قازاقستان رەسپۋبليكاسىنىڭ اقپاراتتاندىرۋ تۋرالى زاڭناماسىنا سايكەس بەلگىلەنەدى.7. دەربەس دەرەكتەردى جيناۋ جانە وڭدەۋ كەزىندە ولاردى قورعاۋدى قامتاماسىز ەتۋ ءۇشىن دەربەس دەرەكتەردى وزگە اقپاراتتان, اتاپ ايتقاندا, ولاردى تاسىمالداعىشتاردا بەلگىلەۋ ارقىلى وقشاۋلاۋ قاجەت.8. دەربەس دەرەكتەردى جيناۋ جانە وڭدەۋ كەزىندە ولاردى ساقتاۋ ورىندارىن (تاسىمالداعىشتاردى) ايقىنداۋ جانە دەربەس دەرەكتەردى جيناۋدى جانە وڭدەۋدى جۇزەگە اسىراتىن نە ولارعا قول جەتكىزە الاتىن ادامداردىڭ تىزبەسىن بەلگىلەۋ قاجەت.9. تاسىمالداعىشتاردى ساقتاۋ كەزىندە دەربەس دەرەكتەردىڭ ساقتالۋىن قامتاماسىز ەتەتىن جانە ولارعا رۇقساتسىز قول جەتكىزۋدى بولعىزبايتىن جاعدايلار ساقتالۋعا ءتيىس. وسىنداي جاعدايلاردى قامتاماسىز ەتۋ ءۇشىن قاجەتتى شارالاردى, سونداي-اق كورسەتىلگەن شارالاردى جۇزەگە اسىرۋعا جاۋاپتى ادامداردىڭ تىزبەسىن مەنشىك يەسى جانە (نەمەسە) وپەراتور, سونداي-اق ءۇشىنشى تۇلعا بەلگىلەيدى.