بەيبىت اتامقۇلوۆ سىر وڭىرىنە جۇمىس ساپارىمەن باردى

تسەمەنت ونىمدەرىن وندىرەتىن زاۋىت 2018 جىلدىڭ جەلتوقسانىندا پايدالانۋعا بەرىلگەن, قۋاتتىلىعى جىلىنا 1 ملن توننا. كاسىپورىن 250 ادامدى جۇمىسپەن قامتىپ وتىر. جالپى اۋدانى 520 مىڭ كۆ مەتردى قۇرايدى. زاۋىت وتكەن جىلى 6,1 ملرد تەڭگەگە 380 مىڭ توننا ءونىم شىعارىپ, ونىڭ 40,6 مىڭ تونناسى وزبەكستانعا ەكسپورتتالدى. ال, بيىلعى جىلدىڭ 10 ايىندا 350 مىڭ توننا ءونىم ءوندىرىپ, 41 مىڭ تونناسىن اتالعان كورشى ەلگە ەكسپورتتاعان.

سونىمەن قاتار يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ پەن وبلىس اكىمى گ.ابدىقالىقوۆاعا "بالاۋسا فيرماسى" جشس-ءنىڭ "بالا-ساۋىسقاندىق" كەن ورنىنداعى قارا تاقتاتاستاردى اۆتوكلاۆتى قايتا وڭدەۋ" جوباسىن ىسكە اسىرۋ بارىسى تانىستىرىلدى.

جەكە كاسىپورىن 2016 جىلدان باستاپ امموني مەتاۆاناداتىن ءوندىرىپ, رەسەي, ء ۇلىبىريتانيا سەكىلدى شەت ەلدەرگە ەكسپورتتايدى. قۋاتتىلىعى جىلىنا 1 ملن توننا كەن ءوندىرۋ جانە وندەۋ. 161 ادامدى جۇمىسپەن قامتىپ وتىر. ەلەكتر قۋاتىن ارتتىرۋ ءۇشىن قۋاتى ساعاتىنا 3 مۆت ەلەكتر بەرەتىن جەلى سالىنۋدا.

مۇنان سوڭ, ءمينيستردىڭ جۇمىس ساپارى جاڭاقورعان اۋدانىنداعى "شالقيا تسينك LTD" اق كەن ورنىندا جالعاستى.

كاسىپورىن قورعاسىن - مىرىش كەنىن وندىرۋمەن اينالىسادى. 2025 جىلعا دەيىن 4 ملن توننا ءونىم وندىرەدى دەپ جوسپارلانۋدا. كاسىپورىننىڭ جالپى اۋدانى - 22,5 شارشى كم قۇرايدى. 617 تۇرعىن جۇمىسپەن قامتىلعان. "شالكياتسينكلتد" اق ديرەكتورلار كەڭەسىنىڭ شەشىمىمەن 2020 جىلعى 13 مامىردا جوبانى جوسپارلاۋ-جوبالاۋ-قۇرىلىس ارقىلى كەزەڭ-كەزەڭىمەن ىسكە اسىرۋدى كوزدەيتىن جوبانى ىسكە اسىرۋدىڭ جاڭا ستراتەگياسى بەكىتىلدى.

سونىمەن قاتار ب. اتامقۇلوۆ پەن گ.ابدىقالىقوۆا قىزىلوردا قالاسىندا ورنالاسقان "OrdaGlass LTD" جشس شىنى زاۋىتىنىڭ ىسكە قوسىلاتىن 4 كەشەنىنىڭ قۇرىلىس بارىسىمەن تانىستى.

زاۋىتتىڭ قۇرىلىسى 2015 جىلى باستالعان. ءوندىرىس تاۋلىگىنە 600 توننا نەمەسە جىلىنا 197,1 مىڭ توننا تاباق شىنى ءونىمىن شىعارادى دەپ جوسپارلانۋدا. جالپى اۋدانى 500 مىڭ كۆ مەتردى قۇرايدى. قازىرگى ۋاقىتتا شىنى زاۋىتىنىڭ قۇرىلىس جۇمىستارى 69,7% ورىندالدى. مونتاجتەحنولوگيالىق جابدىق - 33,8%. نەگىزگى جۇمىس بالقىتۋ ۆانناسى مەن كۇيدىرۋ پەشىن ورناتۋمەن بايلانىستى.

سونداي-اق, يندۋستريا جانە ينفراقۇرىلىمدىق دامۋ ءمينيسترى ستەنت ارقىلى "ارال سودا" جشس-ءنىڭ قۋاتتىلىعى جىلىنا 300 مىڭ توننا قۇرايتىن كالتسيلەندىرىلگەن سودا زاۋىت قۇرىلىسىنىڭ" جوباسىن ىسكە اسىرۋ بارىسىمەن تانىستى.

جۇمىس ساپارى سوڭىندا مينيستر مەن ايماق باسشىسى وبلىس ورتالىعىنىڭ سول جاعالاۋىندا ورنالاسقان جاڭا كوپىرگە جانە "رۋحاني جاڭعىرۋ" ورتالىعىنا باردى. ورتالىقتا جاڭا قالانى يگەرۋ جوباسى, "نۇرلى جەر", باعدارلامالارىنىڭ ورىندالۋى, "جۇمىسپەن قامتۋ جول كارتاسى", "اۋىل ەل بەسىگى", "وڭىرلەردى دامىتۋ", "نۇرلى جول" مەملەكەتتىك باعدارلامالارى اياسىندا جول كولىك ينفراقۇرىلىمىن دامىتۋ بويىنشا اتقارىلىپ جاتقان جانە ورتالىقتاندىرىلعان جىلۋ جۇيەلەرىنىڭ جۇمىستارىمەن تانىستى.

سىرداريا وزەنىنىڭ سول جاعالاۋىنداعى اۋماقتا جاڭا قالا بۇل – 1532 گا اۋماق. ونىڭ ىشىندە 537 گا تۇرعىن ءۇي قۇرلىسىنا ارنالعان. جالپى 3 ملن.شارشى مەتردەن استام تۇرعىن ءۇي بولادى دەپ جوسپارلانۋدا. ونىڭ ىشىندە 1 ملن شارشى مەتر تۇرعىن ءۇي 2025 جىلعا دەيىن پايدالانۋعا بەرىلەدى. ناتيجەسىندە 50 مىڭعا جۋىق ادام جاڭا پاتەرلەرمەن قامتاماسىز ەتىلەدى. جوبا تولىق ىسكە اسىرلىعان جاعدايدا 155 مىڭنان استام قالا تۇرعىنى ءۇي-جايمەن قامتاماسىز ەتىلەدى. سونىمەن قاتار, جوبا بويىنشا 16 جاڭا مەكتەپ, 12 بالاباقشا, 4 دەنساۋلىق ساقتاۋ مەكەمەسى, سونداي-اق سپورتتىق جانە الەۋمەتتىك-مادەني عيماراتتار سالۋ جوسپارلاندى.

"نۇرلى جەر" مەملەكەتتىك باعدارلاماسى اياسىندا تۇرعىن ءۇي قۇرىلىسى مەن ينجەنەرلىك-كوممۋنيكاتسيالىق ينفراقۇرىلىم جەلىلەرىن دامىتۋعا مەملەكەتتىك بيۋدجەتتەن قارجى بولىنگەن.

ساتىپ الۋ قۇقىعىنسىز جالعا بەرىلەتىن تۇرعىن ۇيلەردىڭ قۇرلىسىنا بولىنگەن قارجىعا 815 پاتەردى قۇرايتىن 20 تۇرعىن ءۇيدىڭ قۇرلىسى جۇرگىزىلۋدە. ونىڭ ىشىندە, قىزىلوردا قالاسىندا 725 پاتەردى قۇرايتىن 15 تۇرعىن ءۇي, شيەلى اۋدانىندا 90 پاتەردى قۇرايتىن 5 ءۇي. كرەديتتىك تۇرعىن ۇيلەر بويىنشا بارلىعى 755 پاتەردى قۇرايتىن 68, جەكە كوممەرتسيالىق قۇرىلىس سالۋشىلار ەسەبىنەن بارلىعى 376 پاتەردى قۇرايتىن 10 تۇرعىن ءۇيدىڭ قۇرىلىسى جۇرگىزىلۋدە.

ب. اتامقۇلوۆ كوتەرىلگەن ماسەلەلەر بويىنشا يندۋستريا جانە ينفراقۇرىلىمدىق دامۋ مينيسترلىگى تاراپىنان قولداۋ كورسەتىلەتىنىن ايتتى.