23 قازان مەن 13 قاراشا ارالىعىندا نۇر-سۇلتان قالاسىندا قازاقتىلدى كونتەنتتى جاساۋشىلارعا ارنالعان QAZFORUM-2020 ونلاين-ترەنينگتەرى ءوتتى. قازاقستاننىڭ تۇكپىر-تۇكپىرىنەن 130-دان استام مەدياماماندار ەلىمىزدىڭ جەتەكشى ساراپشىلارىنىڭ ترەنينگتەرى مەن ۆەبينارلارىن تىڭدادى, دەپ حابارلايدى Egemen.kz.
ترەنينگتەردىڭ نەگىزگى ماقساتى – پاندەميا كەزىڭدە جۋرناليستەردىڭ, بلوگەرلەردىڭ, رەداكتورلاردىڭ قۇزىرەتتىلىگىن دامىتۋعا جاردەمدەسۋ. Qazforum باستاماشىسى جانە يدەيالىق شابىتتاندىرۋشىسى – قازاقستانداعى اقش ەلشىلىگى, ۇيىمداستىرۋشىسى – قازاقستان ءباسپاسوز كلۋبى.
مەدياترەنەر اسحات ەركىمبايدىڭ "باق رەداكتسيا جۇمىسىن قاشىقتان ۇيلەستىرۋ" تاقىرىبىنداعى العاشقى ترەنينگى 23 قازاندا ءوتتى. قاتىسۋشىلار قاشىقتان جۇمىس ىستەۋ كەزىندە تۋىندايتىن نەگىزگى ماسەلەلەردى تالقىلاپ, ارىپتەستەرىمەن ونلاين ءتيىمدى ءوزارا ارەكەتتەسۋگە مۇمكىندىك بەرەتىن نەگىزگى قۇرالدار تۋرالى ءبىلدى. سپيكەردىڭ پىكىرىنشە, كارانتين كەزەڭىندەگى جۇمىس جاعدايلارىنىڭ باستى ايىرماشىلىعى - باسقارۋ مودەلى يەرارحيالىق, تىك-كولدەنەڭىنەن وزگەرەدى, وندا بارلىق قىزمەتكەرلەردىڭ فۋنكتسيالارى تەڭ جانە ارقايسىسى ورتاق ىسكە ءوز ۇلەسىن قوسادى.
30 قازاندا مەديا-ترەنەر سالتانات اسكەربەكقىزىنىڭ "قازىرگى قازاقستاندىق جۋرناليستيكاداعى كاسىبي ەتيكا جانە قۇقىق" اتتى ترەنينگى ءوتتى. تىڭداۋشىلار قازاقستاندىق مەدياداعى ناقتى كەيستەر مەن جاريالانىمداردى تالداپ, سۋبەكتيۆتى پىكىر مەن كاسىبي كوزقاراستى اجىراتا ءبىلۋدى ۇيرەندى, ادام قۇقىقتارىن بۇزاتىن نەگىزگى تەرميندەرمەن تانىستى, سونداي-اق جۋرناليستەرگە ساقتاۋعا ماڭىزدى قازاقستان رەسپۋبليكاسىنىڭ زاڭدارىنا, حالىقارالىق نورمالارعا توقتالدى.
6 قاراشادا وتكەن "Visual-جۋرناليستيكا" ترەنينگىندە مۋلتيمەديالىق جۋرناليست باۋبەك ساعىندىق قازاق تىلىندە كورنەكى تارتىمدى كونتەنت جاساۋدىڭ قۇپياسىمەن ءبولىستى, ونى وقىرماندار ءتىپتى كوپ اقپارات بولسا دا وڭاي قابىلداي الادى. قاتىسۋشىلار اۋديونى ۆيزۋالدى قاتارعا تۇرلەندىرۋدى, نەگىزگى حابارلامالاردى بولۋمەن بەينەماتەريالداردى وزگەرتۋدى, كولەمدى ستاتيستيكالىق دەرەكتەردەن ديناميكالىق بەينەلەر جاساۋدى ۇيرەندى.
13 قاراشادا QAZFORUM-2020 اقتىق ونلاين ءىس-شاراسى - AIX قارجى جونىندەگى باسقارۋشى ديرەكتورى رەنات بەكتۇروۆپەن ۆەبينار ءوتتى, ول قازاق ءتىلدى جۋرناليستەرگە قور نارىعى تۋرالى جازۋدى قالاي باستاۋ كەرەك ەكەنىڭ, وزەكتى جانە سەنىمدى اقپاراتتى قايدان الۋعا بولاتىنىڭ, سونداي-اق قازاقستاننىڭ قور نارىعى تۋرالى بىلىمىنەن قارجىلىق پايداعا قالاي جەتۋگە بولاتىنى تۋرالى ايتىپ بەردى. سپيكەر اتاپ وتكەندەي, قور نارىعى قىزمەتىنىڭ نەگىزگى قاعيداتتارىن ءتۇسىنۋ جۋرناليستەر مەن بلوگەرلەرگە عانا ەمەس, ءاربىر قازاقستاندىققا دا پايدالى.
ترەنينگتەرگە قازاقستاننىڭ قالالارى مەن اۋداندارىنان: قاراعاندى, اقتوبە, ەكىباستۇز, تۇركىستان, شىمكەنت, قىزىلوردا, نۇر-سۇلتان, الماتى جانە ت. ب. بارلىعى 130-دان استام جۋرناليست قاتىستى.
"QAZFORUM-2020 ونلاين-ترەنينگتىڭ وتكىزگەن اتالمىش تاجىريبە ساباعى بۇگىنگى تاڭدا مۋلتيمەديا سالاسىندا بىلىكتى عانا ەمەس, كونۆەرگەنتتى مامان بولۋعا ۇمتىلعاندارعا, جان-جاقتىلىقتى بولۋعا تالپىندارعا, شىعارماشىلىق قىرلارىن شىڭداعىسى كەلگەن جاندارعا كەرەمەت پراكتيكالىش ساباق بولدى", - دەدى "Visual-جۋرناليستيكا" ترەنينگىنىڭ قاتىسۋشىسى ايزەرە ورىمباي.
كەيبىر جۋرناليستەر بىرنەشە نەمەسە بارلىق ترەنينگتەرگە قاتىستى. "الدىمەن مەن قاتىسقان ەكى ترەنينگتەر جوعارى دەڭگەيدە ءوتتى. وزىمە قاجەت ءبىراز دۇنيەگە قانىقتىم", - دەپ اتاپ ءوتتى قاتىسۋشى گۇلزارا تورەعاليەۆا.
وسىلايشا, QAZFORUM-2020 ونلاين-ترەنينگتەرى اياقتالدى. ەندىگى فورۋم كەلەسى جىلدىڭ ءساۋىر ايىندا وتەدى.