سىر ەلىندە قازاقستاننىڭ كيەلى جەرلەر كارتاسىنا ەنگەن 12 نىسانعا بەينەروليك ازىرلەنۋدە. ولار "رۋحاني جاڭعىرۋ" ورتالىعىنىڭ رەسمي يۋتۋب كانالىنا, الەۋمەتتىك جەلىلەردە جاريالاناتىن بولادى. بۇل تۋرالى وڭىرلىك كوممۋنيكاتسيالار قىزمەتىنىڭ اقپارات الاڭىندا وتكەن بريفينگتە "رۋحاني جاڭعىرۋ" ورتالىعىنىڭ ديرەكتورى ءۋاليحان يبراەۆ مالىمدەدى, دەپ حابارلايدى Egemen.kz.
"بيىل "رۋحاني جاڭعىرۋ" باعدارلاماسى اياسىندا 1421 شارا وتكىزىلدى. پاندەمياعا بايلانىستى بىرقاتار ءىس-شارالار ونلاين فورماتتا بولدى. ايماقتا "تۇلعا" جوباسى جۇزەگە اسىرىلۋدا. جوبا شەڭبەرىندە ءوز سالاسى بويىنشا جەتىستىككە جەتكەن ازاماتتاردى حالىق اراسىندا تانىمال ەتۋ, ەڭبەك جولىن جاستار اراسىندا ناسيحاتتاۋدى كوزدەيدى. بۇگىندە 24 تۇلعانىڭ بەينەروليگى ءتۇسىرىلدى. سونداي-اق ء"داستۇر مەن عۇرىپ" جانە "ۇنەم – قوعام قۋاتى" اتتى جاڭا ارنايى جوبالار بويىنشا وبلىستىق ءىس-شارالار جوسپارى ازىرلەندى. جوسپار اياسىندا 21 شارا وتكىزىلدى", - دەدى ءۋاليحان سەرىك ۇلى.
بۇعان قوسا, رەسپۋبليكالىق "جومارت جۇرەك" بايقاۋىنىڭ وبلىستىق كەزەڭى ۇيىمداستىرىلدى. وعان اۋداندار مەن قالادان ىرىكتەلىپ الىنعان ازاماتتار 4 نوميناتسيا بويىنشا قاتىسىپ, ۇزدىكتەر ماراپاتتالدى.