رەسەي تاراپىنىڭ باستاماسى بويىنشا قازاقستان رەسپۋبليكاسىنىڭ سىرتقى ىستەر ءمينيسترى مۇحتار تىلەۋبەردى رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆپەن تەلەفون ارقىلى سويلەستى, دەپ حابارلايدى Egemen.kz.
كەلىسسوزدەر بارىسىندا اعىمداعى جىلى وتەتىن ەكىجاقتى جانە كوپجاقتى ءىس-شارالاردىڭ كۇن ءتارتىبى بويىنشا جان-جاقتى پىكىر الماسىلدى. م. تىلەۋبەردى ارىپتەسىن بۇۇ, تمد, شىۇ, ۇقشۇ جانە باسقا دا حالىقارالىق بىرلەستىكتەر قىزمەتىنىڭ وزەكتى باعىتتارى بويىنشا قازاقستان رەسپۋبليكاسىنىڭ ۇستانىمى تۋرالى حاباردار ەتتى.
تاراپتار الداعى اسا جوعارى جانە جوعارى دەڭگەيدەگى كەزدەسۋلەرگە دايىندىققا ەرەكشە نازار اۋداردى.
ديالوگ ءداستۇرلى تۇردە سىندارلى جانە سەنىمدى تۇردە ءوتتى.