پوليتسيا كارانتين تالاپتارىن بۇزعان مەكەمەلەردى انىقتاۋدا

تەكسەرۋ بارىسىندا ءموبيلدى توپ بىرقاتار زاڭ بۇزۋشىلىقتاردى انىقتادى.

سونىمەن, 6 قاراشا كۇنى ساعات 22: 50-دە "انكارا" تۇنگى كلۋبى جۇمىس كەستەسىن ساقتاماي ءوز قىزمەتىن جۇزەگە اسىرعان. مەكەمەدە ەلۋدەن استام جاستار دەمالعان.

سول ءتۇنى 23: 30-دا ءموبيلدى توپ "سوۆا" كاراوكە-كلۋبىن انىقتادى. 40 كەلۋشى الەۋمەتتىك قاشىقتىق پەن سانيتارلىق-ەپيدەميولوگيالىق تالاپتاردى ەلەمەي, ءان ايتىپ, كوڭىل كوتەرگەن.

كوروناۆيرۋستىق ينفەكتسيانىڭ تارالۋىن بولدىرماۋعا باعىتتالعان بىرقاتار الدىن-الۋ شارالارى كورسەتىلگەن قولدانىستاعى قارارعا قايشى, "الانيا" تۇنگى كلۋبىندا جۇزدەن استام جاستار قاتتى مۋزىكامەن كوڭىلدى كەش وتكىزگەن.

"بۇل مەكەمەلەردىڭ يەلەرى تىيىم سالۋدى ەلەمەي, ادامداردىڭ دەنساۋلىعىنا قاۋىپ ءتوندىردى. ولارعا قاتىستى جينالعان ماتەريال اكىمشىلىك جاۋاپكەرشىلىككە تارتۋ ءۇشىن تاۋارلار مەن قىزمەتتەر ساپاسى مەن قاۋىپسىزدىگىن باقىلاۋ باسقارماسىنا جىبەرىلدى", - دەلىنگەن حابارلامادا.

پوليتسيا دەپارتامەنتىنىڭ ايتۋىنشا, دۇكەندەر, ساۋنالار مەن مەيرامحانالار دا ءتارتىپ بۇزۋشىلار قاتارىندا. سونىمەن, "كاميلا" دۇكەنى, "ساگا" جانە "تەرەموك" ساۋنالارى, "كينورۋم" انتي-كافەسى كەستەنى ساقتاماي جۇمىس ىستەدى. "شەف #1" پالاۋ ورتالىعى مەن "ىرىستى" ساۋدا ۇيىندە سانيتارلىق نورمالار بۇزىلدى.

"نۇر-سۇلتان پوليتسيا دەپارتامەنتى مەكەمە يەلەرى مەن كەلۋشىلەردىڭ جاۋاپسىزدىعى ينفەكتسيانىڭ تارالۋىنا اكەلىپ سوقتىراتىنىن ەسكەرتەدى. كارانتين رەجيمىن بۇزۋشىلار قولدانىستاعى زاڭناماعا سايكەس جاۋاپقا تارتىلادى", - دەدى پوليتسيا دەپارتامەنتىندە.

بارلىعى 2-8 قاراشا ارالىعىندا ءموبيلدى توپتار ارالاۋ كەزىندە الماتى اۋدانىندا 44 بۇزۋشىلىق, بايقوڭىر اۋدانىندا - 34; ەسىل اۋدانىندا - 40; سارىارقا اۋدانىندا - 28 بۇزۋشىلىق انىقتادى.

9 قاراشاداعى جاعداي بويىنشا تاۋارلار مەن قىزمەتتەر ساپاسى مەن قاۋىپسىزدىگىن باقىلاۋ كوميتەتىنىڭ اۋداندىق باسقارمالارىنا اۋداندىق پوليتسيا باسقارمالارىنان كارانتيندى بۇزعان ادامدارعا قاتىستى 1893 ماتەريال كەلىپ ءتۇستى. جالپى سوماسى 174 089 450 تەڭگەگە 847 جەكە جانە زاڭدى تۇلعا اكىمشىلىك جاۋاپكەرشىلىككە تارتىلدى.

بۇگىنگى تاڭدا جالپى سوماسى 140 310 450 تەڭگەگە 679 اكىمشىلىك ايىپپۇل تولەندى.