كەڭەس وداعىنىڭ باتىرى نۇركەن ءابدىروۆ اتىنداعى قاراعاندى اۆياتسيا بازاسى جاڭا سۋ-30سم جويعىش ۇشاقتارىمەن تولىقتى, دەپ حابارلايدى Egemen.kz.
رەسەي فەدەراتسياسىمەن جاسالعان كەلىسىم جانە قازاقستاننىڭ قارۋلى كۇشتەرىن قايتا جاراقتاۋ باعدارلاماسى بويىنشا اسكەري-اۋە كۇشتەرىنە كوپ فۋنكتسينالدى سۋ-30سم ۇشقىر ۇشاقتارى كەلدى.
«Cۋ-30سم ۇشاقتارى اسكەرلەردى جانە وبەكتىلەردى اۋە شابۋىلى سوققىلارىنان قورعانۋ, اۋەدەگى جانە جەردەگى نىسانالاردى انىقتاۋ مەن جويۋ مۇمكىندىكتەرىن ايتارلىقتاي ۇلعايتادى. سولاردىڭ ارقاسىندا قارۋلى كۇشتەردىڭ الەۋەتى ارتادى», – دەپ اۋە قورعانىسى كۇشتەرىنىڭ باس قولباسشىسى گەنەرال-لەيتەنانت نۇرلان ورمانبەتوۆ اتاپ ءوتتى.
Cۋ-30سم – بۇل ەكى ورىندى كوپماقساتتى, بارلىق اۋا-رايىندا ۇشاتىن, جوعارى مانەۆرلى 4++ جويعىش ۇشاقتاردىڭ جالعاسى. وندا اسكەري-اۋە كۇشتەرى قارۋ-جاراعىنىڭ قۇرامىنداعى سۋ-27 جانە ميگ-31 سىندى ەكى ءتۇرلى اسكەري ماشينانىڭ كۇشى بار.
ۇشاقتاردى يركۋتسك اۆياتسيا زاۋىتىنان اكەلۋ 2015 جىلدان بەرى ىسكە اسىرىلىپ كەلەدى. بۇگىنگى كۇنگە دەيىن كوپتەگەن اۆياتسيالىق بازالار ونىمەن جاراقتالعان.
قاراعاندى اۆياتسيا بازاسىنىڭ ۇشۋ جانە ينجەنەرلىك-تەحنيكالىق قۇرامى تالدىقورعان مەنۇشاقتى دايىنداعان زاۋىتتا تولىق وقۋدان ءوتتى. ولار ۇشاقتى باسقارۋعا, پايدالانۋعا جانە وسى تەكتەس ۇشاقتارعا قىزمەت كورسەتۋگە ءتيىستى رۇقسات الدى.